ممكن يا جماعة اركب دفندر للايفو
و لو ممكن اجيبه منين من التوكيل ولا من بره و هل بيتم ترخيصه ؟؟؟
و هيبقي سعره كام ( كنت عاوز دفندر امامي و خلفي )
عرض للطباعة
ممكن يا جماعة اركب دفندر للايفو
و لو ممكن اجيبه منين من التوكيل ولا من بره و هل بيتم ترخيصه ؟؟؟
و هيبقي سعره كام ( كنت عاوز دفندر امامي و خلفي )
ده لو وقفت بيه في لجنه قضية أمن دولة وهتتسحب العربيه ومستحيل ترخصة!!!
ديفندر فى الايفو ؟ حرام عليك هاتبوظ شكلها خالص:dontudear:
قضية أمن دولة ؟! طب ليه بشوفه متركب فى ماتريكس كتير لحد دلوقتى ؟
لا ده تهويل
شكلها كده فشره ما تصدقهمش
لا امن دولة و لا غيروه
دى تبقى ناس فاضية على اساس انى بالدفيندر ده حاقتحم مقر الجيش الثانى الميدانى او قصر عابدين مثلا
و على كده يبقى الفيميه و الرووف راك امن دولة هو كمان على اساس انه مش نازل فى ترخيص العربية
هو بس الفكرة ان العربية حايبقى شكلها وحش جدا و بيئة كمان بالاضافة انه حايزود وزن على عربية 77 حصان مش ناقصة
يا جماعه انا شوفت تريوس مركبه وكمان المرور مركبله النمر فيها و خارم النمر من النص مش من الفتحات بتعتها و بالمسامير بتاع المرور يبقى المرور هو الى عامله و عادى كل حاجه بتمشى فى مصر انا فى التيوتا كان فيها فاميه فضى فى الازاز الخلفى و عده فى الفحص اصلا عشان معمول بطريقه لازم ابوظ الازاز وانا بشيله بس ربنا ستر ووقعنى فى راجل جدع