سؤال فالصميم ايه العقلية اللى قدرت تجمع 99 مليون ومش عارفة تستثمرهم
السؤال الأهم رغم أنهم عارفين مدى التعب اللى لموا فيه الملايين دى ازاى تصوروا ان فيه عبقرى اكتر منهم يضاعف الفلوس فسنة مثلاً!!!!!!!!!!!!!!!!!!!!!!!!
عرض للطباعة
حال البلد يحير فعلا
لكن خلينا نفكر شويا
فين ناس دخلهم مش بيعدى 300 جنيه
وده قاعده عريضه جدا من الشعب مش واحد ولا اتنين
توزيع الاجور فى مصر مفهوش تناسب
يعنى لو اخدنا مثال واحد معاه دبلوم صنايع (وتقريبا ده نموذج منتشر بشده فى مصر)
اشتغل فى
1- شركة بترول
2- قطاع خاص بس فى شركه برده (مقاولات - ملابس)
3- حكومه
4- معاه مهنه وشغال صنايعى، سواق تاكسي .... الخ
5-مش لاقى شغل
6- او يسافر بره مصر وهوا ورزقه ولكن فى الغالب لن يستطيع بمؤهله البسيط عمل شىء يذكر
نجد من الخمس حالات اللى فوق الوحيد القادر على انه يكون معاه فلوس ويشترى او يبيع هو الحالة رقم 1 نظرا لاشتغاله فى شركات البترول ذات المرتبات الجيدة والامتيازات
طيب الناس التانيه جابت فلوس؟؟؟؟؟؟؟
اغلب الناس اللى معاها فلوس اظن لا تزيد عن نسبه 10 % من جموع الشعب المصرى
وبالتالى 90 % بس هوا اللى بيشتكى فعلا من زيادة الاسعار او 80 %
انا مش عارف ليه حاسس ان ورا المواضيع دي .. غسيل اموال و نصب و احتيال و اللمه دي فيها اكتر من راس كبيره اصلاً .. و بعد ما الرؤوس دي تلم المبالغ من بعض + شويه فكه من الناس .. واحد فيهم يطلع اكبر نصاب و ياخدهم و يكت بيهم .. اقنعني ان انت تجيب 10 الاف جنيه بالشقاء و الحلال .. و تيجي بكل بساطه تديهم لواحد .. يعني انا لما المعلم الكبير يديني 10 جنيه مثلاً يقولي انزل هات كذا او اعمل كذا و ارجع .. اقعد اعد في ال 10 جنيه دي 30 مره .. و كل ما اصرف حاجه اعدهم تاني و تالت و اجمع و احسب و احطهم في جيبي و انا مقلق !
يا جماعة الموضوع فعلا مستفز
منين يقدر واحد او حتى واحده يلم مبلغ يعدي الست اصفار وبمنتهى البساطة يديهم لواحد عشان يشغلهم او يستثمرهم
انا مع Xpert في رأيه ان ده غسيل اموال
بس فعلا بقت حاجة تحير ان الواحد لو معاه فلوس ازاي يستثمرها وتجيبله عائد مربح وفي نفس الوقت يكون العائد ده حلال ميه في الميه
تخيلوا ان في واحد عنده معرض ايجار سيارات وكلها ما شاء الله معدية (اقل حاجة عنده الفئة الخامسة مثلا) وكل سنة بيجيب الموديل الاحدث لو حسبنا عدد العربيات اللى عنده وايجارها بكام في اليوم ممكن يقعد 50 سنة يسدد في تمنهم ومش حيسددهم كلهم بس هوا معاه شوية فلوس زيادة وبيستثمرهم (بتاع 50 - 60 مليون جنيه كده)
ده الواحد مش عارف يحوش 300 جنيه على بعضهم في الشهر تقوم تقوللى 99 مليون جنيه
خلوني ساكت بقه احسن
رامي (ابو احمد)
يا باشا اللي معاه فلوس حلال في الزمن ده يأما بيحطهم في البنك .. يأما يبني بيهم بيت او يشتري بيهم شقق .. و العقارات عموماُ سعرها بيتضاعف و مكسب مضمون و نسبه الاحتيال فيها قليله .. لأن البكاء علي راس الميت ... هات و خد .. و فيه تسجيل و شهر عقاري و مش عارف ايه .. كذا حاجه يعني ...
حجم الأموال الموجود في البلد ليس له علاقة بالأسعار عكسيا
و لكن علاقته طردية لأنه يسبب زيادة الطلب و قلة المعروض
----------
بمعنى أدق
هناك زيادة طلب و لكن في حالة مصر ناتجة عن زيادة سكانية و قدرة شرائية متوسطة
و هناك قلة من المعروض
لقلة الإنتاج الزراعي ........... نضوب حقول البترول ..... عدم الأشتغال في ابحاث الطاقة المتجددة
---------
الناس اللي أعطت أموالها لهؤلاء النصابين هما نصابين مثلهم أو طماعين
لأن مفيش مشروع في الدنيا بيكسب المكاسب دي كلها
على فكرة البنوك مش بتضارب في البورصة بس
البنوك بتبني عقارات ......... تشارك في مصانع .... تشارك في شركات ..... تمول طرق ......