هيونداى اكسنت مسقطة ماتور 1500 مجنيناني

اولا السلام عليكم جميعا

ثانيا انا عندي استفسار يا ريت تسعدوني فيه

انا كنت مسقط ماتور 1500 و لما ركبته ركبنا عليه كذا ظفير كهرباء لكن مضبطش الا بظيفير وحده بس المشكله ان انا لما بشيل اي فيشة حساس لمبة التشك مش بتنور و في حساس في علبة فلتر الهواء مش لقينله فيشه في الظفيرة و كشفت عليها بالكمبيوتر عند عسكر في الحرفين بس المفاجئة ان الجهاز مشفش الكنترول خالص و مشعارف اعمل ايه و العربية في الوقت الحالي بتعمل حركة غريبه جدا لما اكون واقف في زحمه او بعدي مطب سعات العربية صوتها يعلا و ال rpm كمان بيعله وت قوم مبطله و اجي ادورها متدرش علطول بس وهي جايه تبطل لو كاركت بنزين بطريقه معينه وحده وحده مش بتبطل وتتضبط تاني وعلي كده انا عاوز حل للموضوع ده


وشكرا للجميع

ممكن يبقي في حاجة ناقصة في الضفيرة . انت متاكد انك جبت الضفيرة كاملة ؟

انا جايب الظفيرة كامله بعلبة الفيوزات و بعدين يعني ايه حاجه ناقصة في الضفيرة ممكن تكون زي ايه مثلا

فين خبراء المنتدي و رجالته يفيدوني و يعرفولي ممكن اعمل ايه او اتصرف ازاي

اقتباس:

---

المشاركة الأصلية كتبت بواسطة albiume

انا جايب الظفيرة كامله بعلبة الفيوزات و بعدين يعني ايه حاجه ناقصة في الضفيرة ممكن تكون زي ايه مثلا

---

المفروض انك بتشترى الموترو بالظفيرة بتاعته اللى جايه معاة احتمال اصلا الظفيرة دى متكونش بتاعته خالص بس اقرب واحدة ليه عشان كدة فيها مشاكل

لازم الضفيرة وكارت الانجكشن ييجوا مع الموتور ويكونوا ينفعوا يركبوا علي العربية
المشكلة الي عندك ان حساس الايدل مش مضبوط

ممكن اعرف حساس الايدل ده موجود فين بالضبط وممكن اعرف ايه افضل ضفيرة او كنترول يشتغل علي العربية لان انا بجد تعبت من الموضوع ده

اقتباس:

---

المشاركة الأصلية كتبت بواسطة albiume

ممكن اعرف حساس الايدل ده موجود فين بالضبط وممكن اعرف ايه افضل ضفيرة او كنترول يشتغل علي العربية لان انا بجد تعبت من الموضوع ده

---

محدش رد علي فس الموضوع بتاعي ده انا راكن العربية ولا عارف اروح ولا اجي بيها وكانها مش موجودة يا ريت حد يديني اي معلومة تفيدني عشين اخلص من الموال الهم ده

اقتباس:

---

المشاركة الأصلية كتبت بواسطة albiume

محدش رد علي فس الموضوع بتاعي ده انا راكن العربية ولا عارف اروح ولا اجي بيها وكانها مش موجودة يا ريت حد يديني اي معلومة تفيدني عشين اخلص من الموال الهم ده

---

لو الايدل كنترول حتلاقيه تحت عمه الكربراتير و بيتفك بمسمارين و يتنظف wd40 او يتغير خالص و لكنى انا معتقدش انه هو السبب شوف كدة على االعموم و جرب

غالبا عندك خلل فى بلف الأيدل كنترولر

أو حساس البوابه

وطبعا زى مالزملاء قالولك

لازم يكون كمبيوتر السياره هو نفسه بالضفيره بجميع الحساسات

مناسبه للتحكم فى حريق المحرك بتاعك الجديد

يعنى متكونشى الأجزاء ملمومه

زى مابيقولوا

من كل فيلم أغنيه

وأنا لو منك

اروح للبائع وأقوله

زى ما أديتك فلوس أدينى محرك شغال وكامل بمكوناته صح

انا شاكر جدا للرد يا جماعة

انا جبت كنترول تاني كان عندي والدلوقتي العربية شغاله ولمبة التشك شغاله مع الحساسات بس المشكله ان العربية و هي علي السلنسه بدخن دخنه سوده كحل و مش مضبوطه خالص

طيب ازاي انضف بلف الايدل كنترول ده هو و حساس البوابه