حلوة قوى هههههههههههه
زمان كان ممكن المفارقة دى تحصل لو واحد بيصالح مراته و يتفكروا بيعاكسها
بس فعلا الأوضاع تخوف و الواحد بسمى و يتوكل على الله فى كل خطوة
وربنا يسترها
رقم العضوية : 25
تاريخ التسجيل : 17Apr2007
المشاركات : 3,360
النوع : ذكر
الاقامة : cairo
السيارة: na
السيارة[2]: lanos
دراجة بخارية: no
الحالة :
يا ست عيب اختشى
بقلم د. غادة شريف ٣/ ٨/ ٢٠١٠
يا ربى! ما كل هذا العنف الذى أصبح سائداً؟! اليوم كل من يختلف مع زوجته بيتوكل على الله ويقتلها، ومن يختلف مع إخوته على ميراث يقتلهم، واللى أخته تتعاكس يقتل اللى عاكسها، وسائق التاكسى اللى يختلف مع زبون على فلوس يقتله، والموظف اللى زمايله يسخروا منه يقتلهم، ومن يتشاجر مع أخيه على وصلة دش يقتله!!.. حتى أصبح القتل بعد صباح الخير.. طب راحت فين البوكسات والشلاليت؟! وفين الشتيمة التى هى عماد الثقافة المصرية؟.. ولأننى فى ظل كل هذا وذاك أصبح لدى شعور عميق بعدم الأمان، لذلك أصبحت أشدد الحصار والحماية على ابنى «حسن» فى الرايحة والجاية، خاصة وإنه يبرطع فى مرحلة المراهقة..
وفى يوم، جاءنى المذكور وقد فاض به الكيل يهددنى ويتوعدنى إذا لم أوافق له على أن يركب تاكسى لوحده.. طلبت منه مهلة لتسوية الأمر واتصلت بوالدات زمايله فأكدن لى أنهن لا يسمحن بهذا إلا فى نطاق الحى الذى يسكنون فيه فقط، وهذا لا ينطبق على حسن الذى كان يريد أن يركب التاكسى بمفرده من المعادى حتى نادى الجزيرة فى الزمالك.. المهم، ظللنا فى حوارات ومناورات حتى جاءتنى فكرة خبيثة نميسة وهى أن أسمح له بركوب التاكسى بمفرده ثم دون أن يدرى آخذ عربيتى وأطلع وراهم!
برضه من خاف سلم.. وفعلا نزل حسن ونزلت معه بحجة أن لدى مشوار ورفض بشدة أن أقف معه حتى يوقف تاكسى، فاستغللت الوقت لأركب سيارتى وأقف بها فى دوران بعيد لا يرانى منه.. وما إن ركب التاكسى إلا وطلبته ع الموبايل: هاه يا حسن، لقيت تاكسى؟ فأجابنى: أيوة، باى باى بقى.. ثم أغلق الخط، ولكن بذكائى قررت أن أطلبه مرة أخرى حتى يعلم السائق إن الولد ده له أهل مش هبل فطلبت النمرة: «قولى يا حسن وصفت له هيمشى منين؟».. فأجابنى بنفاد صبر: «وبعدين بقى؟ حضرتك ناوية تكلمينى طول السكة وللا إيه؟»..
ابن الإيه!! فقسنى!! فقررت أن أرجع للخطة الأولى وأقترب أكثر من التاكسى تحسباً للخطر.. ثم تنبهت! ما هذا؟! السائق ماله دايس بنزين ع الآخر كده؟.. ده شكله سواق متهور.. فسارعت بسيارتى خلفه وقلبت له النور فنظر لى فى المرآة، فشاورت له بيدى أن يهدئ من سرعته وأنا أدعو الله ألا يلتفت حسن خلفه ويرانى.. لكن الحمد لله لم يلتفت وهدأ السائق من سرعته.. لكن ما هذا؟
لقد لمحت حسن يتحدث مع السائق! وبعدين بقى! هذا الولد ياما حذرته من الحديث مع الأغراب لكنه عشرى وعشريته دائما تغلب عليه.. ومين عارف من يكون هذا السائق وكيف سيستخدم المعلومات، إذن سأحاول أن أكسر عليه حتى يركز معايا ويبطل كلام مع الزبون.. وفعلا بدأت أقترب أكثر من التاكسى ثم.. ما هذا؟! السائق يزيد من سرعته مرة أخرى!... وكأنه يحاول الهرب منى وبيعمل غرز ! يبقى هيخطف الواد اللى حيلتى! أنا كان قلبى حاسس!!
والله لأجيبه من قفاه! ودوست بنزين على الآخر وانطلقت خلفه وهو يأخذ طرقاً جانبية غير الطرق المفترض أن يسير فيها إلى أن زنقته فى شارع ضيق وقفلت عليه وخرجت من السيارة وأنا أصيح فيه: «إنت هتخطف الولد!!»، ثم وضعت الموبايل على أذنى كده وكده فإذا بالسائق يخرج من سيارته وهو يكاد يبكى ويصيح: «أنا ماليش دعوة هو اللى بص عليكى وقالى زوغ منها وأزود لك الأجرة !».. تسمرت فى مكانى ونظرت إلى ابنى فلذة كبدى وأنا لا أصدق.. فوجدته يخرج من التاكسى وهو يتذمر: «حضرتك مافيش فايدة فيكى.. من فضلك مالكيش دعوة بيا أنا هاروح النادى لوحدى يعنى هاروح لوحدى لو حتى مشى»..
وانطلق للشارع العمومى فركبت سيارتى واتجهت إلى حيث يمشى فى الشارع العمومى وسرت بجواره بالسيارة وأنا أعتذر له وأدعوه ليركب معى: «يا حسن ما تزعلش، الدنيا دلوقت مش أمان»، فأشاح بيده وهو يسير مبتعدا: «لو سمحتى.. ابعدى عنى».. فأكملت حديثى من داخل السيارة وأنا أسير بجواره: «طب إنت عارف السواق ده كان ممكن يخطفك، دول دلوقت بيتاجروا فى الأعضاء، يعنى ممكن ياخدوا عنيك ياخدوا مناخيرك.. إنت أعضاءك كتير».. فأشاح بيده مرة أخرى: «لو سمحتى ابعدى عنى».. وإذا بسيارة تأتى بجوارى وتتمهل ثم تصيح منها سيدة عجوز تركب بجوار السائق: «شوف الوليه اللى عايزة تعلق واد من دور ولادها !! يا وليه عيب اختشى»!
طبعا منقول
-----
-
مقال تحفة و مبالغة تظهر قد اية الاهل بيخافو على فلذات اكبادهم من الهواء الطاير
رقم العضوية : 62456
تاريخ التسجيل : 17Feb2010
المشاركات : 1,812
النوع : انثى
الاقامة : مصر
السيارة: لما نتعلم ع الأولانية
السيارة[2]: 128
دراجة بخارية: -
الحالة :
حلوة قوى هههههههههههه
زمان كان ممكن المفارقة دى تحصل لو واحد بيصالح مراته و يتفكروا بيعاكسها
بس فعلا الأوضاع تخوف و الواحد بسمى و يتوكل على الله فى كل خطوة
وربنا يسترها
رقم العضوية : 58081
تاريخ التسجيل : 06Jan2010
المشاركات : 355
النوع : ذكر
الاقامة : فيصل
السيارة: الله المستعان
السيارة[2]: Verna
الحالة :
والله عندها حق
اليومين دول مفيش حاجة تخليك فى امان لا انت ولا اولادك
من كتر اللى بنسمعه او نقراه او نشوفه فى الفضائيات
تحس انك عايش فى غابة
خايف ابنك ينزل من البيت لوحده
خايف مراتك تنزل تروح عند امها
مفيش امان
ومفيش رحمة
طيب شوف الموضوع اللى لسة كاتبة اخت فى المنتدى
http://www.nilemotors.net/Nile/169942-a.html
ربنا يرحمنا
أبا الزهراء قد جاوزت قدرى
بمدحتك بيد ان لى انتسابا
مدحت المالكين فزدت قدرا
وحين مدحتك اجتزت السحابا
اللهم صلى على سيدنا محمد
رقم العضوية : 14214
تاريخ التسجيل : 06Jul2008
المشاركات : 3,640
النوع : ذكر
الاقامة : ALEX
السيارة: -------
السيارة[2]: ELANTRA 2011
الحالة :
جامد المقال دة جدا
بس ليه عنوانه كدة...بالعكس انا حاسس ان الاهل من كتر ما سمعوا وشافوا البيحصل بقوا عاوزين يخبوا ولادهم من الناس
رقم العضوية : 59278
تاريخ التسجيل : 18Jan2010
المشاركات : 532
النوع : ذكر
الاقامة : Alexandria
السيارة: لا يوجد
السيارة[2]: Scoda Octavia A5
الحالة :
مش مبالغة و لا حاجة...فى ناس فعلا كده قلوقة.
بس دلوقتى الخوف الشديد ده المفروض اللى يكون العادي لأن فى كل خطوة تلاقى مجازفة...
لو بنت ممكن تتخطف...طب لو طفل؟ يتخطف برضه
طب لو رضيع؟ يتخطف و يتباع مفيش مشكلة.
طب لو مراهق؟ يبقى موبايل و ساعة يتثبت بمطواة و يتسرق
و لو راجل يبقى محفظة فيها فلوس
Bad dreams in the night.
They told me I was going to lose the fight.
Leave behind my wuthering, wuthering Wuthering Heights
رقم العضوية : 57682
تاريخ التسجيل : 02Jan2010
المشاركات : 995
النوع : انثى
الاقامة : القاهرة
السيارة: مافيش تاني :)
السيارة[2]: Gen 2
دراجة بخارية: :)
الحالة :
احنا دلوئتي بئينا نخاف علي الولد قبل البنت :(
رقم العضوية : 34626
تاريخ التسجيل : 05Mar2009
المشاركات : 4,339
النوع : ذكر
الاقامة : om eldonia
السيارة: Octavia A4 2002
السيارة[2]: Daewoo Nubira 1 1997
دراجة بخارية: NOT YET
الحالة :
معلش انا بختلف مع كل الاراء اللي فاتت
دي حاجة اوفر زياة عن اللزوم ومبالغة في الخوف لدرجة الفوبيا
في اخطار وكل حاجة بس مش للدرجة اللي بتتكلمو عليه دي
في الماضي كان الخطر الكبير الذي يواجه المصريين النظام الفاسدالان الخطر الاكبر الذي يواجه مصر والمصريين هو الجهل
رقم العضوية : 45138
تاريخ التسجيل : 19Aug2009
المشاركات : 3,416
النوع : ذكر
الاقامة : Cairo
السيارة: Logan 2010
السيارة[2]: Fait 128
دراجة بخارية: لا يوجد
الحالة :
ههههههه حلوه
بس هى موسوسه
اعرف ناس كده واكتر
الوا السياسة مهلكة بشكل عــــــــــــــام...و بحورها يا بني خشنة مش ريش نعام.
غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام
رقم العضوية : 25
تاريخ التسجيل : 17Apr2007
المشاركات : 3,360
النوع : ذكر
الاقامة : cairo
السيارة: na
السيارة[2]: lanos
دراجة بخارية: no
الحالة :
المهم هتفضل علي المنوال ده لغايه ابنها ميكون هو اب كمان و يعجز و سنانه تقع!!!!
رقم العضوية : 19004
تاريخ التسجيل : 14Sep2008
المشاركات : 5,735
النوع : ذكر
الاقامة : El-menya
السيارة: Lancer 1993 & VW 1964
السيارة[2]: نيسان صني فيس لفت
دراجة بخارية: هانكو 150
الحالة :
[mshosh2]http://www.4shared.com/photo/lCkSz74F/morsee.html[/mshosh2]
المفضلات