الـESP هو Electronic Stability Program يعنى نظام الثبات الإلكترونى ، و هو بكل بساطة بيحافظ على اتجاه العربية لو العربية عومت مثلاً عط طريق انو بيفرمل كاوتش معين لفترة معينة فبيعدل العربية، طبعاً الموضوع مفيد على الرمل و الطين و الثلج و كل الأسطح اللى صعب تسيطر على العربية فيها، ده كلع بدون أى تدخل من السائق. و صدقنى عن تجربة لو الESP شغال يستحيل ان العربية تخمس ، انا كنت بجربها بعربية جولف على رمل و كانت العربية بتعدل نفسها ولا كأن فى حاجة. الESP ليه كذا اسم تانى على حسب نوع العربية يعنى مثلاً فى BMW إسمه Dynamic Stability Control.
الـASC هو Acceleration Skid Control أو السيطرة على التسارع على الأسطح الزلقة و هو بكل بساطة عشان لو العربية واقفة على تلج أو اى حاجة بتزحلق و جيت تتطلع متلاقيش الكاوتش بيلف على الفاضى. النظام ده مفيد أكتر بره عشان التلج بيكون برده ليه تأثير على الأسفلت فى الفرملة و التسارع. بس خلى بالك انو شغال ساعة التسارع يعنى سواء لو العربية واقفة و انت عايز تحركها أو ماشية و انت عايز تزود سرعتها. النظام ده بيشتغل عن طريق التحكم فى العزم اللى بيروح لكل كاوتش.
ال ESP, ABS, ASC, TCS كلهم حاجات بتنزل أساسية فى العربيات الأوروبية بالذات و مينفعش عربية تنزل من غيرهم عشان عندهم لا مؤاخذة حاجة اسمها الامن على الطريق و طبعاً القانون المصرى مالوش أى دعوة بالحاجات الوحشة ده
يا رب أكون قدرت أجاوب على سؤالك
المفضلات