عدو جديد علي الطرق أسمه الرادار

**Opel_Rekord** · 19-09-2010 08:59 PM

المشاركة الأصلية كتبت بواسطة hero

والله انا شايف ان الرادار دة نعمة....وعلي فكرة المخالفات في مصر تعتبر قليلة جداااااااااااا مقارنة باي مكان في العالم...

اقرب شيء قطر...كسر السرعة مش اقل من 500 ريال ..يعني حوالي 750 جنية ...وكسر الاشارة بيبتدي من 6000 ريال ...يعني 10 آلاف جنية مصري...والارقام دي كبيرة لاي واحد عايش هناك...ما عدا قلة من القطريين (المليونيرات) ...وايضا هناك غرامات تصل الي 52 الف ريال (حوادث السير علي المخطيء) ..يعني دخلت في 80 الف جنية مصري...ومحاكمات وسجن ..وطرد من البلد...دة غير نظام النقاط ايلي ممكن رخص القيادة تتسحب وتلغي بيه نهائيا....النظام حلو ومريح..ومطلوب للناس الملتزمة وايلي مش عايزة ومش ناوية تخالف...

ودة بسبب رعونة السائقين ...والحوادث ايلي حصلت في ال3 سنين الاخيرة هناك...

اخر زيارة ليا هناك...مش عايز اوصف مدي احترام الناس للاشارة الصفراء...ايلي كانت لا قيمة ولا ثقل ليها خصوصا قبل الاشارة ما تقفل...وتحمر...حاليا الكل بيخاف يدوس علي خط عبور المشاة لحسن الكميرا ايلي علي الاشارة تفهم انة كسر الاشارة ...ودة طبعا شيء رائع ...

الردع العالي علي الطرق عن طريق مراقبة الطرق ورفع الغرامات مهم جدا جدا جداا....لانة بينقذ ارواح واسر...
انا شفت اسر بتدمر بسبب الحوادث بعد فقدان الاب او الام في حادث سيارة...الموضوع خطير جداااا...ويمكن ايلي مانكواش بنار الطريق مش حاسس بية ...لكن ايلي اتأذي من الطرق ومن حوادث السيارات عارف المتعة في حماية الناس من الطريق قيمتها اية..

ويا ريت فعلا عدد الرادارت يبقي اعلي ومنتشرة في كل مكان في مصر..خصوصا الطريق القاتل ايلي اسمة الزراعي...وباقي طرق الاقاليم والمحافظات..

وياريت برضة المخالفات يتم رفعها ....علشان الناس تحترم الغرامة ..وتخاف تجري...وايلي مستعجل يبقي ينزل بدري زي ما باقي البني ادمين في كل مكان بيعملوا....وربنا ينجينا من السيارات والطرق ومصايبها

تقبلوا تحياتي...

كلام جميل وسليم 100%