شكر و تقدير ولا نزكي على الله احد
[OVERLINE]السلام عليكم و رحمه الله و بركاته .......
اخوانى البيتلزاوية -- تعرضت لموقف غريب اول امس :44: رحت الشغل تمام زى الفل و ركنت العربية تحت الشركة في مكان ظل كده تحت شجرة و انا مروح حاولت ادورها مش عاوز تدور خالص قعدت اسايس فيها نص ساعه كده برضه مش عاوزة تنطق و كنت لسه مفول يوم الجمعه و يعنى مستحيل كنت افكر انها مفهاش بنزين المهم :B4_564: اتصلت بأخى و حبيبى الاستاذ احمد حسن و غلست عليه زى كل مرة و قالى تلاقيها شرقت حاول تاني المهم برضة مدارتش و روحت مواصلات و رجعت تاني يوم الشغل مواصلات و حاولت فيها تاني برضه نفس النتيجه قمت متصل تاني بالاستاذ احمد حسن و الراجل مشكورا و ربنا يجعله فى ميزان حسناته جالى و فتح الموتور و جرب طقم الكهربا لاقاه سليم و شاف طرمبة البنزين لاقاها مش بتنزل بنزين المهم اكتشف ان العربية مفهاش بنزين او بمعنى اصح اتسرق منها البنزين تقريبا تلاتين لتر :dontudear: و مشكورا الراجل ادنى من عندة لترين علشان اروح امون و مشيت زى الفل العربية ........ و من القصه السابقه وضح الاتي :--
فعلا تاكيدا لما ذكرة بعض الاخوة بالمنتدي ان معظم مالكي البيتلز ناس فعلا محترمين و خدومين اخر حاجه
ثانيا ا اهيب بالاخوة لصوص البنزين يبقوا يسيبلونا شوية فى التانك على الاقل يروحونا يعنى مش لازم يسرقوا التنك كلة يعنى ......:dontudear:.
و الله هذا ما حدث بالفعل معى و اود ان اكرر شكرى و تقديري للاخ احمد حسن اللى جالى و عمل معايا اكتر من الواجب ..............