الموضوع: اخر الاخبار فى الاسعار اللى بقت نار

الجبنة القريش كان الكيلو ب 12 بقى 15 فى اسبوع

المشاركة الأصلية كتبت بواسطة Mido80

بصراحة يا جماعة الموضوع بقي صعب جدا خاصة الاوضاع المادية والاقتصادية اللي الناس بتمر بيها. انا رايي بالنسبة لزيادة سعر حديد البناء واللي وصل سعرة ل 5500 جنية " ومش عارف لية" ان الناس اللي عمالة تبني عمال علي بطال ليل ونهار تخف شوية ونشوف هل السعر هاينزل ولا لا.

بالنسبة للطعام والشراب، انا من رايي الناس تعمل رجيم قاسي عشان من ناحية انة مفيد جدا والواحد كدة يبقي شكلة رشيق وحلو ومن ناحية تانية يحافظوا علي صحتهم. ما تشوفوا الاوروبيين ولا الفرنساويين ناس بتاكل علي القد لمن احنا ما شاء الله مابنرحمش.

سامحوني لو كان رايي دايق حد فيكم.. انا كمان محروق دي بس مش عارف اعمل اية.

حسبنا الله ونعم الوكيل

لو تعرف حد بيبيع 5500 دلني عليه، احنا بنبني بس "عمال" مش "على بطال" :)
بدأنا نبني وهوب الحديد والاسمنت انضرب سعرهم في 2، وأزمة الحديد عاملها التجار، الحديد مالي المخازن ومش راضيين يبيعوا حتى على 5600، وعز منزل قايمة أسعاره النهاردة 4300 !! تخيل؟ 1400 جنيه مكسب ومش عاجبهم !!!

المشاركة الأصلية كتبت بواسطة TaoTao

لو تعرف حد بيبيع 5500 دلني عليه، احنا بنبني بس "عمال" مش "على بطال" :)
بدأنا نبني وهوب الحديد والاسمنت انضرب سعرهم في 2، وأزمة الحديد عاملها التجار، الحديد مالي المخازن ومش راضيين يبيعوا حتى على 5600، وعز منزل قايمة أسعاره النهاردة 4300 !! تخيل؟ 1400 جنيه مكسب ومش عاجبهم !!!

الحديد 5500 والناس عماله تبني احسن الفلوس اللي معاهم بتبني دور دلوقتي بكره متبنييش غرفه:(

الخوف ان المقاول بدل مايحط 6اسياخ حديد فى عمود الخرسانة يلطش اربعة منهم ويحط اثنين وخد عندك انهيارات عمارات وعمار يا مصر