ربنا ستر!!! الباليو كانت هتلبس في فيرنا مع الرسم للتوضيح

**ahmadmidop** · 04-08-2010 03:45 PM

ربنا ستر كنت من 10 دقائق كنت هلبس في تاكسي فيرنا في ملف بس انا شايف ان هةا الي غلطاان وعملت رسم كروكي اشرحلوكم اللي حصل

المهم زي مانتو شايفين التاكسي كان داخل على الملف طااير وكمان العربية اللي راكنة على اليمين مديقة الحتة وانا ماشي في طريقي على 30 -40 مثلا واقلاقي ده طاااااالع فجأة انا اخد يميني هوا اتلبخ راح جاي يمين روحت انا بسرعة اخد شماااالي ووكملت قداااام شوية وبعدين كسرت يمين بس الحمد لله ربنا ستر بس الواحد اعصاااابه بااااايظة لحد دلوقتي ... طبعا سبب اساسسي العربيات اللي راكنة يمين قبل الملف ... ياترى مين اللي غلطان وهل تصرفي صح !!

**yoko** · 04-08-2010 04:11 PM

معلش يا أحمد وأنا كل يوم بيحصل معايا الموقف ده عشان كده الشوارع دي بخشها بالزمارة وعلى 20 ومع كده بلاقي (بنيأدم) دخل في وشي برده مش مقتنعين يلفوا على الواسع!!!

وماشي على التوقيع أهو واحد بره وواحد جوه

**shaddadfalcon1** · 04-08-2010 10:28 PM

هو اللي غلطان لانه المفروض ياخد الملف علي واسع وانت علي ضيق بس انت كان في عربيه واقفه

**SharpArrow** · 04-08-2010 11:23 PM

غلطة الاول انه داخل بسرعة قبل واسع و ضيق حتى لو كان داخل واسع و بالسرعة دي ده ميبررش اي حاجة هيكون غلطان برضه لان ده تقاطع

**shaddadfalcon1** · 05-08-2010 12:05 AM

عايز اقول كمان ان في اي دوله محترمه المفروض بيبقي في خطوط عند اخر الطريق اللي بالشكل ده اللي حضرتك كنت ماشي فيه والمفروض بتقف تماما وتمور العربيه وبعدين تبص وتمشي

في كندا لما كان بيبقي طريق طويل وفيه تفريعات كتيير كنت بشوف الناس اللي ماشيه في الطوالي تقف قبل كل تفريعه او علي الأقل تهدي خالص وبعدين تكمل لما متلاقيش حد

**ahmadmidop** · 05-08-2010 03:20 AM

وماشي على التوقيع أهو واحد بره وواحد جوه[/QUOTE]

**تامر.محمد** · 05-08-2010 10:16 AM

و طبعا الباشا كعادتهم الغبية جدا داخل شمال و هو ماسك شماله
حصلت فيا الحركة دي قبل كده من تاكسي برده و كنا هانلبس في بعض وش في وش مع اني كنت داخل على 30
و طبعا الباشا اللي مش فاهم حاجة مندهش اوي
و لسان حاله بيقول
ازاي يكون فيه عربية بتتحرك هنا ؟؟؟؟؟؟؟؟؟