غطوني وصوتوا
النتيجة ظهرت من يجي أسبوع
وكل أصحابي جابوها
وانا عمال بحاول مش عارف أجيبها
كل شوية ألاقي الموقع بيقول ( رقم الجلوس خاطئ )
خليت صحابي يحاولوا معايا
وبرده نفس المشكلة
السنة اللي فاتت كنت جايب جيد جدا مرتفع
والسنادي بذلت مجهود كبير
ومستني أمتياز
ألاقي أيه ؟
شايل 6 مواد
مستحييييييييييييييييييييي ييييييييييييييييييييييل
انا في غيبوبة
السنادي كنت شتمت دكتور
كان تصرف غبي مني بس كان واللهي هو السبب و أخره يشيلني مادته
اللي انا كنت باكل بأيدي وسناني عشان منقصش فيها
مش عارف هو السبب ولا لأ
بس لما شفت نتيجة اللي بعدي
أسمه متشابه معايا جدا
لقيت النتيجة أسطمبة
نفس كل حاجة
هو أساسا كان محول وكان شبه مش بيذاكر
النتيجة هي هي بالظبط
طاب انا دلوقتي مش عارف أعمل أيه
الدكتور ده هو السبب ولا ده غلطة رصد درجات ولا أيه
المشكلة دلوقتي اني من أول مادخلت الكلية وانا عارف اني بلاش أعمل تظلم أبدا
حتي لو في أيه
عشان الدكتور ميستقصدنيش
انا قدامي :
أعمل تظلم
أحول من القسم
أعيد السنة في نفس القسم
انا كل زعلي علي مجهودي اللي رااااااح
أعمل أيه يا رب
كل المصايب ورا بعضها كدة ؟
الحمد لله علي كل حاجة