اتخرجت الحمدلله و بقيت مهندش معماري اد الدنيا :36_7_4[1]: و جائت مرحله البحث عن عمل و ال cv
فهل ممكن مساعده لاني الحمدلله ماليش جيش و مش عارف ابدا اعمل الcv ازاي او الاقي فيين samples لل cv عشان اققلده ... حاولت ادور بجوجل بس ماستفدتش حاجه فياريت اللي سابقونا في الشغل يقولوا نصايح او حد يورينا امثله من cv ناجحه ... و لو حد بيعمل interview يقولي اخلي بالي من ايه في الcv و في الانترفيو نفسه ؟؟ :majd(4):
الف مبروك يا باشا
و تقدر تتابع الموضوع دة
خطوات عمل ال CV بشكل بروفيشينال بالتفصيل الممل
مبروك ...........اوقف في الطابور
شكرا هاتبع الموضوع التاني و لو حد عنده اي حاجه جديده يضفها هنا اهلا وسهلا ... انا في اشد الحاجه هههههه
mrwho1982
لا يا عم انا هاشتغل و هافتح شركه كبيره اوي بعد كام شهر و هابقي غني جدا لاني عايز اجيب البوجاتي بقي ههههههههه
ربنا يستر
الف مبروك على التخرج وبإذن الله موفق في الحياة العملية :verygood:
مبروك النجاح، وعقبال ما نبارك لك على الشغل يا باشمهندس :)
مبروك يا باشمهندس
تعاله اعود جنبى دفعه 2010 بدات تظهر
الف مبروك
انا بردة اتخرجت السنه دي
بس انا بقي منتظر الجيش
وجيشي نصف تاني
يعني دة كله وقت ضااايع
أتفضل يا بشمهندس ، دول اللى عندي (بس فيهم حاجات كويسة)
ResumeWriter.zip - 4shared.com - online file sharing and storage - download
أخوك برضوا خريج 2010 (بس لسة معايا مادة دور سبتمبر ومُنتظر الجيش)
بس بدأت أبحث على شغل :D وربنا يسهل
مبرووووووووك :))))))))))))
الف مبروك على النجاح ودا لينك لموقع للاعلان عن وظائف اتمنى لك حياة عملية سعيدة انشاء الله
AmCham Egypt - Online Services - Recruitment Center - Job Seekers - Search Vacancies
مبروك على التخرج وعقبال الشغل
ألف مبروك
لازم تكون صاروخ في الأوتوكاد
ولو في كمان ماكس وفوتو شوب يبقى تمام جداً
بعدها تسأل على عناوين المكاتب الإستشارية وتلف عليهم بالسيرة الذاتية
بالتوفيق
ألف مبروك يا باشمهندس
دي نماذج ممكن تفيدك إن شاء الله
Resumes and CVs - Templates - Microsoft Office
ولو إحتجت أي مساعدة كلمني ... أخوك مهندس معماري بس قديم شوية دفعة 2001
مش هتحتاج قوى فى المرحلة دى c.v ...
لانك عمارة ... أى مكاتب إستشارية ممكن تاخدك طالما تعرف أوتوكاد و ماكس كويس ...
مبدأيا لا أنصح بإنك تبدأ من مكاتب إستشارية ... ماينفعش تشتغل في شركة بتستلم شغل و إنت ماعندكش خبرة تنفيذ الشغل ده ... إبدأ مع شركة مقاولات أولا ... طبع يبقى حظك كويس لو ربنا رزقك بشركة مقاولات واخدة مشروع كبير في الحجم ومدة التنفيذ ... علشان تتعلم من كل الأقسام بالمشروع طوال مدة تنفيذه وتكون حددت إن عايز تتخصص في إيه (تنفيذ - تصميم - إدارة مشروعات - مكتب فني - cost control - تخطيط - إدارة عقود ومناقصات - أمن صناعي ... إلخ) التخصصات عندنا كتير جدا بس المهم إنت حابب إيه ... ربنا يوفقك إن شاء الله
صعب قوى واحد لسه متخرج من قسم عمارة يبدأ فى شركة مقاولات مرة واحدة ... لازم يتعلم و يأخد خبرة سنتين ..اقتباس:
المشاركة الأصلية كتبت بواسطة horsepower
فلازم يرشق فى أى مكتب لأنه مش سهل إنه يلاقى شركة مقاولات و تقبله و بسرعة ...
سؤال يا جماعه انا لسة متخرج جديد بس شغال بالماكس وبحب الماكس جدا والفوتوشوب
بس معرفش حاجة عن الاتوكاد
هل ينفع اشتغل بيه فى مكاتب هندسية ولا لا ؟؟؟
السلام عليكم,اقتباس:
المشاركة الأصلية كتبت بواسطة seiffoz
هو ده الخطأ الشائع المستمر للأسف لحد اليوم ... حديثي التخرج بينضمو لمكاتب إستشارية دون أي خبرة في التنفيذ وبيتكون النتيجة تصميمات غير قابلة للتنفيذ ... لازم تعرف تنفذ علشان لما يطلب منك تعمل تصميم لحاجة تبقى عارف إللي إنت بتصممه ده هايتنفذ إزاي ... مش كدة واللا إيه
مثلا علشان المهندس ياخد لقب إستشاري بيحتاج يكون نفذ شغل لمدة عشرين سنة مثلا وبيقدم أوراق ورسوماته للنقابة.
طبعا إحنا بنتكلم على أساس إن الشغل كتير والفرصتين موجودين ... الواقع غير كدة ... بس أنا باتكلم إن البداية الصح مع مقاول.
السلام عليكم,اقتباس:
المشاركة الأصلية كتبت بواسطة hazoom2006
أنا ماعرفش حضرتك متخرج من هندسة واللا كلية تانية ...
المكاتب الإستشارية بتحتاج رسامين أوتوكاد وغالبا ما بيكون ال 3D Max وال Photoshop مطلوبة بجانب الأوتوكاد ... لأن شغل الأوتوكاد شبه يومي أما برامج الإخراج بتكون في بداية المشروع ولمدة قصيرة فقط.
نصيحة من أخ ليكم ... البرامج دي ما هي إلا أدوات (وسيلة) زيها زي القلم والمسطرة أرجوكم ماتخدوهاش غاية ... يعني محدش يتعلم أوتوكاد علشان بيحبه ...كدة يبقى كتب على نفسه إنه هايبقى رسام مش مهندس ... إتعلم أوتوكاد علشان يساعدك في عمل التصميمات ورسومات التنفيذ إللي إنت بتحبهم.
لا انا مش خريج هندسة خالص بس بحب المجال دة
انا دلوقتى شغال بالماكس هل ادخل الاتوكاد ولا ممكن اشتغل فى المجال ده بالماكس فقط ولا مينفعش اشتغل بيه لانى مش خريج هندسة ؟؟؟
انا داخل على بكالريوس عمارة و عايز أشتغل تنفيذ الحقيقة ....اقتباس:
المشاركة الأصلية كتبت بواسطة horsepower
بس مين هيأخذ واحد حديث التخرج تنفيذ فى شركة مقاولات و هو لسه طالع من البيضا ... حتى التدريب الصيفى ده لا يسمن و لا يغنى من جوع و زى قلته فى الخبرة .... مجرد إنك شفت الحاجات على الطبيعة ...
طب حضرتك رأيك إيه؟
أصل حضرتك هتشتغل إزاى فى المجال ده و حضرتك معندكش فكرة عن العمارة و تنفيذها ...اقتباس:
المشاركة الأصلية كتبت بواسطة hazoom2006
يبقى هترسمها إزاى ؟؟؟ الأوتوكاد و الحاجات إللى بتتطلب إنك تكون عارف إنت بترسم إيه مستحيل تشتغل فيها ...
ممكن الماكس على أساس إنك مجرد هتنفذ موديل محطوط قدامك .. رغم إنه صعب بردوا إنك ترسم حاجة مش فاهمها ... بس ممكنه لو متمكن فى الماكس و الناس مدينيك الرسوم جاهزة مجرد هتنقلها
لو حضرتك تقصد مجال الرسومات الهندسية والإظهار في مكاتب إستشارية يبقى غالبا زي ما قلت لحضرتك هاتحتاج أوتوكاد كبرنامج رسم هندسي أساسي.اقتباس:
المشاركة الأصلية كتبت بواسطة hazoom2006
ولو إني من رأيي إن حضرتك تركز أكثر على الجرافيكس طلما حابب الصناعة دي ... و تشوف إنت حابب تحترف في إيه فيها Animation واللا Modeling واللا Materials editor واللا Lighting واللا إخراج لأن نفس المشكلة في المجال ده إنك تلاقي الناس بتقول عايز أشتغل بال 3D Max ... 3D Max ده برنامج كبير جدا إن حد يقول أنا باشتغل بال 3D Max زي مايجي واحد يقول أنا باشتغل بالهندسة كلها (عمارة ومدني وكهرباء وكيمياء وميكانيكا ... إلخ)
ربنا يوفقك إن شاء الله,اقتباس:
المشاركة الأصلية كتبت بواسطة seiffoz
الموضوع مش كدة خالص ... كل شركات مقاولات بتكون عايزة مهندسين حديثي التخرج لشغل مناصب تنفيذ أصبحت شاغرة بعد ترقية المهندسين إللي كانو فيها ... دي سنة الحياة ... علشان مهندس يترقى ويمسك شغالانة أكثر مسؤولية لازم أجيب واحد يمسك مكانه ... وده إللي تخلي بالك منه لما ربنا يكرمك في شغل معين إنك تعرف مين كان ماسك الشغلانة دي قبلك وتشوف راح فين وليه والمكان إللي راحه كان مين موجود فيه وسابه وراح فين ... وهكذا ... كل ده هايفهمك بسرعة السلم الوظيفي في الشركة وتبقى عارف الناس بتتحرك إزاي وليه.
طب ياريت واحد c v لخريج مدنى السنه دى :)
السي في طبعا لازم تكون انجليزي - بس انت بتاعتك فاضية لسه
يتحط صورة ليك ان امكن بس ياريت ببدلة او قميص بكرافتة على الاقل او شيلها خالص
انا مش عارف ازاي ابعتلك ملف لان في لسه ميل جايلي عايزين وظائف كتير في الخليج ومصر
انا بالمناسبة مهندس مدني 2001 - عين شمس وشغال في دبي حاليا
Orascom Construction Industries - OCI Academy
اللينك ده لاكاديميه اوراسكوم عندهم برنامج تدريبى ممتاز جدا لحديثى التخرج لمده سنتين بيلففوك على كل الاقسام من تنفيذ ومكتب فنى وجوده وامن صناعى, تخطيط ومتابعه ,احتياجات , حقيقى فرصه هايله لحديثى التخرج وبعد مابتخلص بتتعين فى الشركه مع العلم ان فى مميزات حلوه جدا اثناء البرنامج التدريبى ده سواء من مرتبات او مزايا اخرى متعدده
+1اقتباس:
المشاركة الأصلية كتبت بواسطة korkor
بس خللي بالك إنك لو قدرت تتدرب مع أوراسكوم تلتزم بالمواعيد جدا معاهم حضور و إنصراف.
مش شرط إنك تتعين في أوراسكوم لأنك كنت بتتدرب عندهم ... بس لو قدرت تثبت نفسك في التدريب و تخللي اللي فوق ياخد بالو من مجهودك وشطارتك ممكن طبعا يكون ليك أولوية عندهم عن إللي مايعرفوهوش ... ده في حالة عدم تدخل عنصر "الواسطة"
شكرا يا جماعه ادعولي انا حاليا بعمل الcv انا الحمدلله معايا كاد و ماكس و اركيكاد و بحكم حبي للتصوير فوتوشوب كمان و برامج تانيه بس مش ده طوحي ...
انا طوحي اني اشتغل هندسه مش بس رسام عايز اشتغل و اتعلم ... اققدم فيين الناس بتقولي قدم في شركات كبيره زي اوراسكوم بس طبعا دي عايزه واسطه و انا واستطتي ربنا ..
و المكاتب بحس اني مجرد هابقي رسام ده غير ان الشغل بيبقي صغير فلل عمارات و حاسس ان ده مش طوحي برده اني اتعلم علي حاجه صغيره لان اي حد سهل يبقي هذا الرجل و انا نفسي ابقي مختلف .. يا تري في امل ؟
و يا تري انا بروح اودي الcv بنفسي ولا علي النت ولا ايه اللي بيحصل و الانترفيو اخد بالي من ايه ؟
اقتباس:
المشاركة الأصلية كتبت بواسطة horsepower
انا فاهم يا فندم ان برنامج الماكس كبير بس انا عايز اتخصص معمارى انتريور واكستريور
يعنى حضرتك تنصحنى انى لازم احترف الاوتو كاد علشان اشتغل فى الرسم المعمارى؟؟
وشكرا على رد حضرتك