الموضوع: أنخفاض مفاجىء وملحوظ فى أداء التكييف ياترى أيه السبب ؟

أنا كنت مسافر مشوار بالعربيه وأول ما طلعت من البيت حوالى 12 الظهر كنت مشغل التكييف وكان زى الفل وزى ماأنا متعود عليه وفضل شغال تقريبا ساعتين أو ساعتين ونص فى وسطهم بطلت العربيه قيمه تلت ساعه على ماصليت الظهر ورجعت كملت لحد ما وصلت البلد اللى أنا رايحلها وهناك بطلت العربيه ودورتها مرتين تقريبا والتكييف كان شغال فجأه وأنا بدور العرييه فى المره التانيه حاسيت أن التكييف لما رجع أشتغل ماكنش زى ما أناجاى بيه طول الطريق نسبه التبريد قلت بشكل ملحوظ وطول السكه وأنا راجع المشوار ده برده حاسس أن الوضع مش طبيعى ولما تابعته تانى يوم لاقيته على نفس الوضع ياترى أيه اللى ممكن يخلى حاجه مفاجئه تحصل فى التكييف أنا لسه فاضلى حوالى 600 كيلو أعمل صيانه 5000 فما النصيحه يا أهل الخبره

نصيحة للزملاء بالنسبة لاستخدام التكييف اولا يجب تشغيله بعد ادارة محرك السيارة بعشرة دقائق - ثانيا اذا كانت الحرارة داخل السيارة مرتفعة يجب فتح الشبابيك مع تشغيل المروحة فقط لمدة 3 دقائق ثم تشغيل الكمبريسور مع استمرار فتح الشبابيك لطرد الهواء الساخن حتى تبدا الاحساس بالهواء البارد ثم يتم غلق الشبابيك مع ملاحظة ان تكون المروحة على درجة مرتفعة 3 أو 4 على ان يتم تخفيضها بعد ذلك - الافضل ان يتم تجنب دخول الشمس للسيارة من الشبابيك او الزجاج الخلفى عن طريق وضع الشماسات خصوصا اثناء السفر نظرا لطول فترة تعرض الصالون الداخلى للشمس اثناء السفر عكس السير داخل البلد حيث يتصادف المرور بمناطق ظل - اخيرا يفضل عدم الاستمرار فى تشغيل التكيف لاكثر من ساعتين بشكل متصل - ايضا يجب اغلاق المكيف اولا ثم قفل محرك السيارة بعده بدقيقة او اثنان تقريبا وذلك حتى يكون المحرك على الوضع الطبيعى عند اغلاقه