عرض للطباعة
مساء الخير،
ممكن حد يوصفلى الطريق من مصر الجديدة ( أى حاجة فى مصر الجديدة نادى هليوبوليس، الميرغنى أو البانوراما) ازاى أروح توكيل اسكودا اللى فى دير الملاك، بس ضرورى عشان رايح بكره الصبح بدرى
سؤال تانى، المشكلة اللى رايح بسببها كهربا ( لمبة الدينامو منورة على طول) فهل التوكيل أفضل ولا كارتك العبور فى حاجات الكهربا
و شكراً
توصل لغاية كوبرى قصر القبة (الكوبرى متقاطع على الخليفة المأمون عند مستشفى كويرى القبة العسكرى)
الكوبرى ليه مطلعين ... واحد أمام المستشفى لو جاى من عند الاستاد
والتانى بعد محطة منشية البكرى بتاعة مترو مصر الجديدة لو جاى من روكسى
وتنزل أول نزلة (ميدان قصر القبة) تدخل شمال فى شارع مصر والسودان
تمشى فى مصر والسودان اتجاه واحد لغاية ماتوصل تقاطع شارع ترعة الجبل (نهاية الاتجاه الواحد) ... كده تبقى فى دير الملاك
تاخد يمين فى ترعة الجبل ... آخره قبل تقاطع شارع بورسعيد حتلاقى التوكيل على يمينك
و الله أنا مش عارف أشكر حضرتك ازاى :Ta_clap[1]:اقتباس:
المشاركة الأصلية كتبت بواسطة Khaled_Nowaihy
العفو يا أخى ... انا كتبت الوصف بسرعة ... لو فيه لبس فى أى حاجة أنا تحت أمرك
اقتباس:
المشاركة الأصلية كتبت بواسطة Khaled_Nowaihy
يعنى عشان لو جد فى المستقبل احتاج الوصف ده، انا جربته امبارح و هو سليم 100% :ask:
شكراً استاذ خالد