صوت من عند الموتور محيرنى؟

السلام عليكم اخوانى
انا مشكلتى بسمع صوت فى العربيه جاى من ناحيه الموتور عباره عن بحه بمعنى حححححححححححح كده بس بتيجى وتروح يعنى مثلا نقلت على التانى فى اول الغيار ححححححح وبعد كده مفيش صوت والتالت نفس الكلام لاكن الاول والرابع تقريبا لا هو الصوت مش عالى منخفض بس ملحوظ مع العلم انى لسه مغير السيور والبوجيهات والصوت زى ماهو والعربيه الحمد لله زى الفل
ليا استفسار كل الناس بتقول لما بتشغل التكيف فى العربيه الاداء بيقل انا عندى العكس اشغل التكيف العربيه تجرى والسحب احسن من وهو مطفى هل يوجد سبب ولا دا عادى عند بعض الناس
عربيتى لانوس 2007 50 الف كيلو
وشكرا اخوانى

رش dw40 غلى السيور وشوف الآخبار

ولو العربية ماشية ومورتها . الصوت بيروح ولا لا .

اقتباس:

---

المشاركة الأصلية كتبت بواسطة al_manara

ولو العربية ماشية ومورتها . الصوت بيروح ولا لا .

---

اه بيروح هو مش بيجى غير لما ادوس بنزين

اقتباس:

---

المشاركة الأصلية كتبت بواسطة ahmedsrs

رش dw40 غلى السيور وشوف الآخبار

---

الصوت موجود قبل ما اغير السيور

ممكن يكون رومان بلى الدينامو او طلمبة المية خشن بيعمل البحة دى . شوف كهربائى همة ليهم طريقة فى الكشف على البلى من غير فك . و جرب حاجة كمان زود بنزين و انت دايس دبرياج مرة و مرة تانية وانت سايب و شوف بيروح الصوت و لا لأ ممكن بلية الدبرياج برضة فيها خشانة

اقتباس:

---

المشاركة الأصلية كتبت بواسطة msms_ms2001

اه بيروح هو مش بيجى غير لما ادوس بنزين

---

طيب انا قصدي اما بتكون واخدة غيار . لانة احتمال يكون الفتيس هو الي فية المشكلة (خشن)

أدام صوت البحة عند الغيار فقط يبقى فى مجموعة الدبرياج والله اعلم

الصوت بيجى مع الغيار فقط والفتيس فعلا سعات بيزرجن معايا فى المرشديل والتانى والاول سعات

انت بتبقى مشغل التكييف ساعتها؟؟؟؟
لانها ممكن يكون صوت الكومبريسور

اقتباس:

---

المشاركة الأصلية كتبت بواسطة m_mekkawy

انت بتبقى مشغل التكييف ساعتها؟؟؟؟
لانها ممكن يكون صوت الكومبريسور

---

فى صوت فى الحالتين سواء مشغل التطيف او طافيه

اقتباس:

---

انا مشكلتى بسمع صوت فى العربيه جاى من ناحيه الموتور عباره عن بحه بمعنى حححححححححححح

---

خللى بالك البحه دى ممكن تكون بسبب علبة البيئه

لما تدور والمكنه لسه فى بدايات تسخينها

أمسك علبة البيئه من تحت

لو الصوت راح يبقى ده صوت من العلبه فعلا

اقتباس:

---

المشاركة الأصلية كتبت بواسطة samirayad

خللى بالك البحه دى ممكن تكون بسبب علبة البيئه

لما تدور والمكنه لسه فى بدايات تسخينها

أمسك علبة البيئه من تحت

لو الصوت راح يبقى ده صوت من العلبه فعلا

---

اهلا بروفسير سمير
هجرب واقول لحضرتك وربنا يستر مش متفائل

نسيت اقول لحضرتك اول لما بدور فى مرحله التسخين مفيش صوت خالص وامشى على الاول ومفيش صوت
اول لما انقل الغيار التانى يبتدى يظهر وبعد كده يروح بالضات مع الغيار التانى والثالث على فترات

أحتمال بس تلاقى العلبه مش متوسطنه فى بيتها تحت العربيه

دى عيوب التجميع المصرى وعندى زيها بالضبط

وعاوز أعمل للعلبه قرصه ( عند شكمانانجى )

علشان أوسطنها بدقه

بس مكسل شويه

لأنها بتيجى مع أول الدواره وبتروح على طول مع أهتزاز الشكمان وسخونة العادم

طيب ايه رايك يا هندسه في اننا نشيل العلبه دي خالص و نركب الماسوره بدلها انا عايز اعمل كده والله من فتره بس عايز حد يشجعني

اقتباس:

---

المشاركة الأصلية كتبت بواسطة m.zaher

طيب ايه رايك يا هندسه في اننا نشيل العلبه دي خالص و نركب الماسوره بدلها انا عايز اعمل كده والله من فتره بس عايز حد يشجعني

---

حاتلاقي العربية فايقة جدا و سحبها احسن و يقال ان استهلاك البنزين بيتحسن تحسن طفيف و اداء التبريد بيبقى افضل (بيقلل السخونة شوية) نتيجه ان العادم بيبقى اسلك من الاول

علب البيئة دي بس فايدتها امتصاص اول اكسيد الكربون علشان الدول "المحترمة" اللي بتهتم بالحاجات دي و بتقيس نسب العادم للسيارات بانتظام و تلغي ترخيص اللي الانبعاثات فيها ازيد من المسموح

اقتباس:

---

المشاركة الأصلية كتبت بواسطة adham

حاتلاقي العربية فايقة جدا و سحبها احسن و يقال ان استهلاك البنزين بيتحسن تحسن طفيف و اداء التبريد بيبقى افضل (بيقلل السخونة شوية) نتيجه ان العادم بيبقى اسلك من الاول

علب البيئة دي بس فايدتها امتصاص اول اكسيد الكربون علشان الدول "المحترمة" اللي بتهتم بالحاجات دي و بتقيس نسب العادم للسيارات بانتظام و تلغي ترخيص اللي الانبعاثات فيها ازيد من المسموح

---

فعلا ده كلام سليم وأأويده بشده

ولكننى بأفضل عدم شيل العلبه

إلا أذا دعت الضروره

وحيحصل حيحصل

فخلينا نتهنا بالشكمان شويه وبالذات فى حالة الطرازات الحديثه

اقتباس:

---

المشاركة الأصلية كتبت بواسطة samirayad

فعلا ده كلام سليم وأأويده بشده

ولكننى بأفضل عدم شيل العلبه

إلا أذا دعت الضروره

وحيحصل حيحصل

فخلينا نتهنا بالشكمان شويه وبالذات فى حالة الطرازات الحديثه

---

شكراً باش مهندس سمير والله كنت خايف انك تعارضني في حكاية شيل علبة البيئة دي ههههههه

و حمد لله عالسلامه نورت موقعك من تاني

طيب اذا كنا سنحصل على اداء افضل للسيارة ووفر بنزين و تقليل احتمالية السخونه في الايام الحر دي يبقى لية مانشيلهاش من دلوقتي و نريح بالنا

الواحد عاوز يفرح بالشكمان شويه

قبل ما الشكمانجيه يبدأو يعكوا فيه زى ما أنت عارف نظامهم فى التقفيل

وممكن يجىء

يكحلها يعميها

اقتباس:

---

المشاركة الأصلية كتبت بواسطة samirayad

الواحد عاوز يفرح بالشكمان شويه

قبل ما الشكمانجيه يبدأو يعكوا فيه زى ما أنت عارف نظامهم فى التقفيل

وممكن يجىء

يكحلها يعميها

---

ههههه ياباشا دي عملية جراحية بسيطه خالص

و ليها طريقتين:

1- ان العلبة (بتاعه البيئة) تتفتح و يتشال منها الكربون و تتقفل تاني (محتاجه صنايعي كويس و يكون العلبة ينفع تتفتح و تتقفل تاني بدون لحامات سيئة تسبب مشاكل مستقبلية)

2- ان الماسورة بتاعه الشكمان تتقص من قبل العلبة مباشرة و من بعدها و يتركب ماسورة بنفس الطول مكان العلبة ( و انا بافضل الطريقة دي و الاحتفاظ بالعلبة لو فضلت انك تركبها تاني في حالة لم يعجبك اداء السيارة او حسيت ان صوتها مش مريحك او حبيت تبيع السيارة او اي سبب)

يعني بعد ماتشيل علبه البيئه الصوت هايبقى اهدى و لا هايبقى اعلى
و بعدين ارسوا على حاجة
اشيل ولا لاء عشان انا مستنى حد يقولي شيل

اقتباس:

---

المشاركة الأصلية كتبت بواسطة m.zaher

يعني بعد ماتشيل علبه البيئه الصوت هايبقى اهدى و لا هايبقى اعلى
و بعدين ارسوا على حاجة
اشيل ولا لاء عشان انا مستنى حد يقولي شيل

---

شيل واستمتع بسحب افضل و توفير بنزين و عربية فايقة و مرتاحه طبعاً

بس شيلها بطريقة 2 افضل

على فكرة احنا راسيين قوي بس انت اللي مش واخد بالك ههههههههه انا و م/سمير متفقين في كل المزايا اللي بتحصل عليها من الغاء علبة البيئة و مافيش اختلاف اساساً

و الصوت ربما ايبقى اعلى سنة بسيطة و ربما ماتحسش بأي فرق في الصوت

اقتباس:

---

المشاركة الأصلية كتبت بواسطة adham

شيل واستمتع بسحب افضل و توفير بنزين و عربية فايقة و مرتاحه طبعاً

بس شيلها بطريقة 2 افضل

على فكرة احنا راسيين قوي بس انت اللي مش واخد بالك ههههههههه انا و م/سمير متفقين في كل المزايا اللي بتحصل عليها من الغاء علبة البيئة و مافيش اختلاف اساساً

و الصوت ربما ايبقى اعلى سنة بسيطة و ربما ماتحسش بأي فرق في الصوت

---

+1

بس أنا مش فاهم أيه موضوع تنقص ده

اقتباس:

---

2- ان الماسورة بتاعه الشكمان تتقص من قبل العلبة مباشرة و من بعدها و يتركب ماسورة بنفس الطول مكان العلبة ( و انا بافضل الطريقة دي و الاحتفاظ بالعلبة لو فضلت انك تركبها تاني في حالة لم يعجبك اداء السيارة او حسيت ان صوتها مش مريحك او حبيت تبيع السيارة او اي سبب)

---

ممكن تشيل العلبه يامحمد بفلانشتها وتفصلك ماسوره بنفس الأبعاد بفلانشات تانيه ...وتسيب العلبه على أبوها

بحيث تبقى ماسك الهواء بأيديك ( العصايه من المنتصف )

عجبك الوضع يبقى خير وبركه

معجبكش

يبقى العلبه لسه فى أيديك وممكن تركبها تانى

وإن شاء الله

مش حتركب العلبه تانى وحيعجبك موضوع الماسوره

اقتباس:

---

المشاركة الأصلية كتبت بواسطة adham

شيل واستمتع بسحب افضل و توفير بنزين و عربية فايقة و مرتاحه طبعاً

بس شيلها بطريقة 2 افضل

على فكرة احنا راسيين قوي بس انت اللي مش واخد بالك ههههههههه انا و م/سمير متفقين في كل المزايا اللي بتحصل عليها من الغاء علبة البيئة و مافيش اختلاف اساساً

و الصوت ربما ايبقى اعلى سنة بسيطة و ربما ماتحسش بأي فرق في الصوت

---

ثواني بقى كده
اللى اعرفه ان الماسورة اللى بتتركب بتكون بفلانشتين يعني بتشيل العلبه و تركب دي مكانها على طول
من غير قص
و بعدين انت جربت حكاية الصوت دي عشان الصوت ده يفرق عندي كتير اوووي
ولا ايه رايك يا بشمهندس سمير

اقتباس:

---

ليك وحشة يا كبير
هوه الايقاف ده علشان كنت بتعمل عضويات كتير برضه

---

خللى بالك الأيقاف حلو وراحه للأعصاب

وأقسملك بالله

دى خدمه جليله بتيجى للموقوف بطريقه غير مباشره

وربنا يكرمنا كل فتره

بأسبوع نقاهه

اقتباس:

---

المشاركة الأصلية كتبت بواسطة samirayad

+1
بس أنا مش فاهم أيه موضوع تنقص ده
ممكن تشيل العلبه يامحمد بفلانشتها وتفصلك ماسوره بنفس الأبعاد بفلانشات تانيه ...وتسيب العلبه على أبوها
بحيث تبقى ماسك الهواء بأيديك ( العصايه من المنتصف )
عجبك الوضع يبقى خير وبركه
معجبكش
يبقى العلبه لسه فى أيديك وممكن تركبها تانى
وإن شاء الله
مش حتركب العلبه تانى وحيعجبك موضوع الماسوره

---

تمام ده اللى قصدي عليه يا هندسه
اللى سالت عليها ماسورة بفلانشات ب 40 جنيه
بتشل العلبه و تركب الماسوره من قص ولا حاجة

اقتباس:

---

المشاركة الأصلية كتبت بواسطة m.zaher

ثواني بقى كده
اللى اعرفه ان الماسورة اللى بتتركب بتكون بفلانشتين يعني بتشيل العلبه و تركب دي مكانها على طول
من غير قص
و بعدين انت جربت حكاية الصوت دي عشان الصوت ده يفرق عندي كتير اوووي
ولا ايه رايك يا بشمهندس سمير

---

دة لو انت حاتفك الفلانشات و تروح لخراط يعمللك فلانشتين زيهم و تلحمهم في ماسورة بنفس طول العلبة و تركبها زي ما م/سمير قال

انما انا كان رأيي تقص العلبة بفلانشاتها و تركب ماسورة مكانهم لحام

انا باقول على راحه البال و الانجاز في عطلة الخراطين و الشكمانجيه و التوفير من الصرف في فلانشات مالهاش لازمة ماهو انت مش محتاج الفلانشات من غير العلبة في شيء

لكن لو احتمال ترجع تركبها تاني يبقى افضل طبعا تعمل فلانشات علشان مايبقاش فية اي لحامات و تركب مسامير زي ماكانت

و الصوت بيبقى احيانا بيختلف شوية بعد الغاء علبة البيئة, ممكن نتيجه ان الشكمان سالك حاتحس بس و انت واقف ورا العربية ان صوتها اقوي شوية و رخيم انما مش ازعاج و صوت شكمان مخروم يعني

يابختك

رزقك فى رجليك

اقتباس:

---

المشاركة الأصلية كتبت بواسطة basem80

يا استاذ ادهم
فيه واحدة بتتباع جاهزة

---

لا ياراجل

طيب زي الفل

مستني اية بقى

تقريباً أول مشاركة ليا او التانية
انا عندى فيرنا 1600 مو 2004 وجربت انى افضى الفحم الموجود فى علبة البيئة
مش عاوز اقولكم على الصوت . بقى فيه "رنة" هوا فى حديد وبيظهر مع القرص جداً مع ان السحب بقى عالى جداً
ولانى من هواة الهدوء اشتريت واحدة استيراد وركبتها تانى