الزميل :العربية فيها مشاكل
العضو :اكيد لا...مش كلها مشاكل
الزميل :ايوة مانا بقول انها فيها مشاكل
العضو :بس فيها حاجات حلوة كتير
الزميل :ازاى يعنى كلها مميزات
العضو :أنا مقلتش ان كلها مميزات....بس مفيهاش عيوب
الزميل :لا كلها عيوب.....بس فيها مميزات
العضو :ياسيدى مانا فاهم.....انت قصدك تقول...ان مفيهاش ولا عيب
الزميل :لا...مقصدش كده خالص....أنا أقصد ان مفيهاش ولا ميزة....
العضو :ايوة فهمتك....يعنى انت عايز تقول انها تحفة....
الزميل :ايوة بالظيط......فاشلة
العضو :كده احنا متفقين ....اظن كده بقى يبقى النقط كلها بقت فوق الحروف
الزميل :مظبوط.....بس اعتقد ان الحروف هى اللى تحت النقط
العضو :مفهوم مفهوم.....النقط والحروف واحد فوق وواحد تحت
الزميل :ايوة....بس ده مش معناه ان كل النقط فوق....لا...اسمحلى...فى نقط بتبقى تحت
العضو :امممم....لا لا...انا بختلف معاك....معظم النقط بتبقى فوق
الزميل :اه فعلا...لكن متنكرش ان غالبيتها بتبقى تحت....
العضو :اعتقد دى مسالة نسبية.....مفتكرش ابدا ان احنا نختلف عليها
الزميل :انا معاك انها قضية مسلم بيها.....لكن اختلاف الود.....لايفسد للرأى قضية
العضو :أكيد طبعا.....تصبح على خير
الزميل :وعليكم السلام ورحمة الله وبركاته
.