السلام عليكم ......انا شاري عرية بروسونا منزو اسبوع ومعملتش الا 500كم وكل مشغل التكيف يجيب هو ساخن ... يوجد ثلاث بكرات للتكيف بشغل الاولى يجيب هواء ساخن ولما بشغل الثانيه الهواء الساخن يشتد .....رجاء الافادة عن الطريقة المثلي للتشغيل ... وشكرا
عرض للطباعة
السلام عليكم ......انا شاري عرية بروسونا منزو اسبوع ومعملتش الا 500كم وكل مشغل التكيف يجيب هو ساخن ... يوجد ثلاث بكرات للتكيف بشغل الاولى يجيب هواء ساخن ولما بشغل الثانيه الهواء الساخن يشتد .....رجاء الافادة عن الطريقة المثلي للتشغيل ... وشكرا
مش هشرحلك كتابة لأن اللى هقولهولك موجود فى الكتالوج بس بص على رسالتى يا باشا هتلاقى الرد
البكرة الموجودة فى النتصف هيا اللى بتتحكم فى درجة الحرارة ظبط منها
ممكن حد يشرح لي بطريقة مبسطة اهمية الزرار الي في النص
انا دائما بشغل التكيف من الزرار الاول بس وبجيبة لحد الربع او النص ويدوب بيكفي بالعافية ..
لما اشغل التاني بحس انو بيخش تراب والهوا بيطلع اسخن من التكيف
بص يا سيدى الزرار اللى فى النص بيقفل دورة الهوا بتاعة التكيف
بمعنى ان التكيف بيسقع الهوا اللى فى العربية ومبيدخلش هوا من برا
بكده تقدر تحتفظ بدرجة حرارة الهواء باردة باستمرار بس طبعا ليه عيوب
لو حد بيدخن مثلا الهوا هيفضل موجود فيه الدخان زى ما هوا
بس على العموم كل اللى بركب معاهم بلاقيهم مشغلينه بيخلى اداء التكيف اشد
اما بقى لو فصلته ده بيجدد دورة الهواء داخل السيارة باستمرار
بمعنى انه بيخرج الهواء اللى داخل السيارة ويدخل هواء جديد نقى ولكن بدرجة حرارة اعلى طبعا من اللى موجودة فى العربية وده بيخلى اداء التكيف أقل لكن بيحافظ على نقاء الهواء داخل السيارة
ارجو اكون قدرت اوصللك الصورة
اها شكرا يا ميدو باشا انا كدا فهمت
بس دلوقتي لما اشغل التكيف اشغل معاة تجديد الهوا ده لحد النص مثلا يعني واخلي النور منور بتاعة .. ؟
والحمدلله ماحدش بيدخن في العربية ولن اسمح لاحد بالتدخين داخل السيارة ان شاء الله ..
اتاكد إن أول بكرة فوق منورة, عشان لو مش منورة يبقى إنت بتشغل المروحة بس وساعتها لازم يبقى الهوا سخن.
بالرغم من ان الزرار بتاع تجديد الهوا ده داخل البكرة اللى فى النص
بس هوا ملهوش علاقة بالبكرة دى لان البكرة بتتحكم فى درجة الحرارة سواء كنت مشغل تجديد الهواء او فاصله
البكرة دى كل ما كانت ناحية min التكيف يبقى اسقع وكل ما كانت ناحية max التكيف يبقى اسخن
وزى ما استاذ محمود _raul_ قالك تأكد من ان اول بكرة اللمبة اللى فى النص منورة لان دى اللى بتشغل التكيف وتفصله
والبكرة اللى حواليه بتزود وتقلل سرعة المروحة
شكرا يا جماعة ..
ما هو فعلا انا بنور البكرة الاولي وبعدل في المروحة علي مزاجي
اما البكرة التانية .. هبقي انورها واخليها علي min واشوف ..