الموضوع: هى الميه الى بتنزل من التكيف خاليه من الاملاح

المشاركة الأصلية كتبت بواسطة zkralla

المياه الخضرا مياه مقطره ومضاف علهيا مانع للصدأ
الميه الى بتطلع من التكييف مياه نقيه لكن معليهاش مانع للصدأ

المياة الخضراء اللي في جراكن مافيهاش مانع صدأ و لا حاجة مجرد مادة بترفع درجه غليان المياة
العبوات المعدنية المستوردة هي فقك التي بها اضافات لمنع الصدأ و بها ايثيلين جليكول كما اذكر لرفع درجه غليان الماء

انما المياة اللي في جراكن بلاستك هي مياة حنفية باملاحها بمعادن ثقيلة مذابة فيها من مواسير المياة برمال و اتربة من شبكة المواسير و مضاف عليها لون اخضر وإاثيلين جليكول بسيط

يعني مياة التكييف المتكثفة افضل منها في حكاية منع الصدأ, و افضل من اضافة مستوردة في كانز, لانك برضة حاتكمل الردياتير مياة حنفية باملاحها بسلاطاتها بباباغنوجها

المشاركة الأصلية كتبت بواسطة shnory

ميه التكييف هي ميه مقطره فعلا
ومفيهاش املاح

ايوة صح جدا

المشاركة الأصلية كتبت بواسطة ahmed1981

المياه الخارجة من التكييف مياه متكثفة من الهواء قليلة الأملاح في أول الأمر

ثم تنزل على ملف التبريد الألمنيوم أو النحاس فتقوم بغسله وشطفه جيداً من كل الأوساخ التي عليه نتيجة الأكسدة والصدأ والأتربة والحشرات والبكتيريا والفطريات التي تدخلها له المروحة الداخلية

ثم تنزل في مستنقع قعر المكيف المليء بالأوساخ المتراكمة والذي قد يكون قد ترك لفترة به بعض الماء والأوساخ في القعر لتختلط به بتنتج وسطاً من التلوث المحترم

ثم ينزل لحضراتكم من خرطوم التكييف إلى الجردل الذي نجعله تحته

تقدر تقول أن هذا الماء من الممكن إعتباره بنفس جودة ونقاوة مياه المجاري
[/b][/color][/size]

حضرتك الكلام دة صحيح اول ما تشغل التكييف اول الصيف بعدما كان مركون لا يعمل لشهور الشتاء انما بمجرد تشغيلة يومين بيكون المياة غسلت كل ملحقاتة من السربنتينة لحوض الدرين لخرطوم الصرف المياة دي تعتبر ماء جاري باستمرار لاستمرار تدفق المياة طول ما التكييف شغال و بالتالي هي تقوم بغسيل السربنتينة (المكثف) و حوض الدرين و الدليل ان حضرتك لو بصيت للون الماء بعد تجميعه من الدرين ستجدة مياة صافية و رائقة و لا يوجد بها اي عكارة او تراب او طين

المشاركة الأصلية كتبت بواسطة shnory

انا قصدي انها تنفع للعربيه مش للاستخدام المنزلي

+1

المشاركة الأصلية كتبت بواسطة ahmed1981

لا تصلح للعربية بتاتاً قط أبداً بالمرة نهائياً

ياباشا زيها زي المياة المقطرة اللي بتتباع في محطة البنزين تماما و انا لسنين كنت باضيفها للبطارية و للردياتير كمان و لم اعاني من املاح في دورة التبريد بتاتا

المشاركة الأصلية كتبت بواسطة muslima

المية بيبقى كلها طين

دي مياة صرف التكييف

حضرتك بص عالمياة كويس ستجدها صافية رائقة و لا يوجد بها اي تراب و لا طين

ربما اول الصيف بس عند تشغيل التكييف بعد ركنة طول الشتاء لكن بعد يوم تشغيل المياة المتجمعه ستغسل المكثف و الدرين و ستخرج صافية

هل تعلم حضرتك ان شركة بيبسي كولا تقوم بتجميع المياة المتكثفة على الشللرات و تقوم بتعبئتها في زجاجات و تطرحها في السوق باسم أكوافينا !!!! دوقها و قوللي اية رأيك