تتجوز اجنبيه ولا تغسل صحون (وتستمر المأساه للهروب)

**misoalex** · 05-08-2010 06:19 AM

تختار ايه لو ادامك طريقين للسفر للخارج لو ادامك الفرصتين دول

تتجوز روسيه كبيره فى السن عشان تعيش هناك وتاخد اقامه

ولا تغسل صحون فى تركيا وتعيش بطريقه غير شرعيه لحد مربنا يفرجها وتاخد اقامه

عرضين مقدمين لشاب مصرى عاوز يهرب من الجحيم وبيفكر يختار بينهم
وبصراحه معرفتش اجاوبه

واحد دخل فى ال30 من عمره ومش عارف يعمل اى حاجه فى البلد دى ولا عارف يتجوز وكل ميقف على رجله ويمسك فلوس فى ايده يقع ويبتدى من الاول بسبب التخلف الى مالى البلد

طبعا عارف ان ناس كتير دلوقتى حتطلع وتقول كلام ملوش لزمه فى نظرى لان الى ايده فى الميه مش زى الى ايده فى النار ونخيلو الحاله النفسيه الى وصلها الشاب ده من الى بيحصله هنا بدون الدخول فى تفاصيل

**pro_samir** · 05-08-2010 06:58 AM

هو مفيش اختيارات تانية ؟

أظن تركيا أرحم وفي احتمال انه يقدر يطلع منها علي أي بلد تانيه لو رايح سياحه ،، في واحد صاحبي ابتدي المشوار بتركيا ولف شوية بلاد وبقاله كذا سنه مستقر مش فاكر في البرازيل ولا المكسيك

وخليه يسال علي موضوع التعاقدات بتاع ايطاليا

إديني بقي تليفون الروسيه

**devilishtigers** · 05-08-2010 07:20 AM

انا شايف ان تركيا ممكن تبقى افضل
وقولوا يخلي بالو علشان كل اللي هنا حط عينو على الروسية

**زينة الله** · 05-08-2010 08:50 AM

على فكرة أنا كنت عايزة أعمل نفس الموضوع دا من أسبوع بس أنت سبقتنى أهه
بس كنت حأسمية "عندما يبيع الرجل نفسه"
لأن الموضوع دا منتشر بقاله كام سنة و قد يبدأ من الأماكن السياحية فى الغردقة و شرم الشيخ
يعنى لما بنت صغيرة أهلها من فقرهم يجوزوها لراجل كبير أو ثرى عربى بتوع حقوق المرأة أعتبروها جريمة تجارة رقيق و المفتى حرمها أدام الله فضله
طيب الشباب كان زمان يروح يشقى زى أنت ما بتقول فى غسل الصحون أو غيره فى بلاد بره لان محدش يعرفه هناك مع أنه لو اشتغل فى التراب فى بلدنا أو حتى فى الزبال حيكسب برضوا
بس بدل ما يشتغل زى الرجاله لقى حاليا عروض من عجائز الغرب بالزواج مقابل المال يا ترى المفتى حيحرمها برضوا
و ناس كتير متجوزين فى مصر و متجوزين بره أجنبيات برضوا عشان موضوع الإقامة و ينزل لولاده ومرأته المصريه شهرين فى السنة و لا حاجة
بصراحة أنا مش عارفة دا نسمية ايه بالضبط ..........

**النوبي** · 05-08-2010 09:17 AM

مع الاسف كل واحد وله خطوط حمراء لا يستطيع تجاوزها والاتنين بالنسبه لي حكم بالاعدام

**n_i_t_e** · 05-08-2010 09:31 AM

خيارين أفضلهما سيء....
بالنسبة للموضوع ده على وجه الخصوص معرفش أحدد...
ممكن يتجوز الروسية و بعد لما يستقر هناك تموت و يبقى حر لوحده
ممكن يشتغل فى غسيل الصحون و ربنا يكرمه بواحد طيب يديله شغلانة محترمة و حاله يتحسن.
ممكن يفضل فى مصر و نفس الكلام يتكرر.
هى الدنيا مستاهلة كل البهدلة دي؟
دي من الدروس اللى اتعلمتها من العيشة هنا الزهد فى الدنيا لأن لو اتمسكت بيها هموت من الحسرة و السكتة و المرض.
كل واحد بياخد نصيبه سواء عايش فى الأرض أو القمر...ربنا كاتبله من السعادة كمية...هياخدها فى الشرق أو فى الغرب طالما بيعمل اللى عليه و محدش هياخد رزقه.
بس يتهيألى هو لازم يجرب..على الأقل عشان ميندمش بعد كده أنه ضيع اللى شايف انها فرصة. و لو هأختار أختار تركيا
روسيا فيها فساد و رشاوي و أمان أقل عن تركيا.
تركيا وضعها اتحسن كتير و بتتقدم بسرعة
فوق كل شىء تركيا دولة أغلبية اسلامية على الأقل مش هيتعب هناك دينيا

أبعتلى بقى رقم الروسية على الخاص

**تامر.محمد** · 05-08-2010 09:32 AM

المشاركة الأصلية كتبت بواسطة النوبي

مع الاسف كل واحد وله خطوط حمراء لا يستطيع تجاوزها والاتنين بالنسبه لي حكم بالاعدام

الاختيارين فعلا اختيارين مدمرين خلاصتهم ان مافيش حياة

هى الدنيا مستاهلة كل البهدلة دي؟
دي من الدروس اللى اتعلمتها من العيشة هنا الزهد فى الدنيا لأن لو اتمسكت بيها هموت من الحسرة و السكتة و المرض.
كل واحد بياخد نصيبه سواء عايش فى الأرض أو القمر...ربنا كاتبله من السعادة كمية...هياخدها فى الشرق أو فى الغرب طالما بيعمل اللى عليه و محدش هياخد رزقه.

-

-

-

مشاهدة نتائج الإستطلاع: تعمل ايه لو مكانه

الموضوع: تتجوز اجنبيه ولا تغسل صحون (وتستمر المأساه للهروب)

LinkBack

أدوات الموضوع

عرض

تتجوز اجنبيه ولا تغسل صحون (وتستمر المأساه للهروب) - انشر الموضوع فى :

-

-

-

-

-

المواضيع المتشابهه

أوعى تغسل الموتور

المأساه ( الماف ) كيفية تنظيفة ؟

طريقة مصرية مبتكرة للهروب من المخالفات...........

فكرة حلوة للهروب من المخالفة

الكلمات الدلالية لهذا الموضوع

المفضلات

المفضلات

ضوابط المشاركة