الواحد بيخرج من بيته شايل روحه على كفه

النهاردة نازلة من البيت زي كل يوم أركب من على الكورنيش.. باعدي الكورنيش يوميا بقالي 4 سنين عشان آخد تاكسي لحد الشغل او لو قابلت الCTA بانط فيه.. برضه من على الكورنيش.. النهاردة عايزة اعدي و طبعا مركزة انتباهي ناحية اتجاه العربيات اللي جاية ناحيتي عشان انتهز الفرصة و اعدي لما الطريق يروق نسبيا.. و بالفعل الطريق راق شوية.. لسه باستعد عشان أعدي فوجئت بموتوسيكل جاي من الاتجاه المعاكس و ماشي على آخر سرعة و كان الفاصل بيني و بينه ملليمترات و جزء من الثانية كنت هاخطي خطوة كنت هلاقيه شايلني :eek:

الحمد لله ربنا ستر و فرقت زي ما بقول لكوا جزء من الثانية.. و من شدة سرعة الموتوسيكل و قربه مني حسيت اني هاطير من الهوا اللي سببه سرعته العالية اوي كده.. و حسبي الله و نعم الوكيل.. كان بيني و بين الموت لحظات.. احساس مرعب :eek:

طبعا بعد ما رحت الشغل و هديت كده قعدت افكر مع نفسي.. سبحان الله.. ربنا كتب لي عمر جديد.. اكيد دي رسالة لية.. لسه لية عمر.. لسه عندي وقت.. لسه عندي فرصة تانية.. ياااااااه انا لسه عايشة :o

الف سلامة عليكى

انا الموضوع دة حصلى بس كان مع عربية و خبطنى بس على خفيف بعد ما كان وقف يعنى ميعتبرش خبطنى بس لمسنى

الحمد لله

ألف حمد لله عز و جل على سلامة حضرتك
بس أنا أتعلمت في مصر حاجة
إني لازم أبص يميني و شمالي و فوقي و تحتي قبل ما اخذ أي حركة
لأني و الله كنت هاموت عدة مرات بسبب الناس اللي بتمشي عكسي و أيضا كنت هالبس في عربية قبل كدا و كان جاي عكسي و أنا باصص على الناحية اللي العربيات جاية فيها
حسبي الله و نعم الوكيل
يارب الناس دي تتحرق في جهنم مليون مرة
في جهنم يا همج يا بهايم إن شاء الله
------------------
و الحمد لله إن حضرتك بخير و ربنا يغفر لكي و لنا و يرحمنا

اقتباس:

---

المشاركة الأصلية كتبت بواسطة fahd_628

الف سلامة عليكى

انا الموضوع دة حصلى بس كان مع عربية و خبطنى بس على خفيف بعد ما كان وقف يعنى ميعتبرش خبطنى بس لمسنى

الحمد لله

---

الله يسلمك :)

الحمد لله رب العالمين.. دي تاني مرة أواجه الموت عن قريب كده و ربنا ينجيني.. الحمد لله.

اقتباس:

---

المشاركة الأصلية كتبت بواسطة tutankhamoun

ألف حمد لله عز و جل على سلامة حضرتك
بس أنا أتعلمت في مصر حاجة
إني لازم أبص يميني و شمالي و فوقي و تحتي قبل ما اخذ أي حركة
لأني و الله كنت هاموت عدة مرات بسبب الناس اللي بتمشي عكسي و أيضا كنت هالبس في عربية قبل كدا و كان جاي عكسي و أنا باصص على الناحية اللي العربيات جاية فيها
حسبي الله و نعم الوكيل
يارب الناس دي تتحرق في جهنم مليون مرة
في جهنم يا همج يا بهايم إن شاء الله
------------------
و الحمد لله إن حضرتك بخير و ربنا يغفر لكي و لنا و يرحمنا

---

اللهم آمين يارب العالمين.

متشكرة اوي على ردك يا توت.. بس الواحد برضه صعب يبص على الاتجاهين و هو معدي شارع الكورنيش.. يعني انا باركز على الاتجاه اللي جاية منه العربيات و لما بيروق نسبيا بحيث اني أقدر اعدي باعدي.. انما لو نويت أعدي و قمت باصة الناحية التانية فالثانية دي هاتفرق في الطريق و لما آجي تاني أبص على الاتجاه اللي جاية منه العربيات هلاقيها قربت و مش هاقدر اعدي.. هاقوم مستنية لما تروق.. و هكذا.. كده يبقى هافضل اليوم كله مستنية اعدي :eek:

الف حمد لله على سلامتك يا قمر بس برضوه رغم انه غلطان انتى لازم تبصى حواليكى كويس

تاخدى دائره كامله حوالين نفسك ذى المروشه:confused::confused: كده عشان تضمنى لما تيجى تعدى الشارع ااصلنا فى اخر زمن ربنا يستر

ولو حد جاى وراكى اووووعى تعدى ولو قدامك برضوه اوووى تعدى :D:D:D خليكى على الرصيف

ربنا يستر ها معاكى يارب

اقتباس:

---

المشاركة الأصلية كتبت بواسطة دموع الثلج

الف حمد لله على سلامتك يا قمر بس برضوه رغم انه غلطان انتى لازم تبصى حواليكى كويس

تاخدى دائره كامله حوالين نفسك ذى المروشه:confused::confused: كده عشان تضمنى لما تيجى تعدى الشارع ااصلنا فى اخر زمن ربنا يستر

ولو حد جاى وراكى اووووعى تعدى ولو قدامك برضوه اوووى تعدى :D:D:D خليكى على الرصيف

ربنا يستر ها معاكى يارب

---

شكلي كده هاقضيها ع الرصيف فعلا :o

تسلمي لي يا قمر :)

الف حمد الله على سلامتك يا علا
احمدي ربك واسجدي سجدة شكر والحمد لله لسه ليكي عمر
فعلا المشي عكس الاتجاه ده المفروض يتشنق لانه بيروع امنين لانك بتعدي في امان وهو روعك

اقتباس:

---

المشاركة الأصلية كتبت بواسطة OlaOsman

النهاردة نازلة من البيت زي كل يوم أركب من على الكورنيش.. باعدي الكورنيش يوميا بقالي 4 سنين عشان آخد تاكسي لحد الشغل او لو قابلت الCTA بانط فيه.. برضه من على الكورنيش.. النهاردة عايزة اعدي و طبعا مركزة انتباهي ناحية اتجاه العربيات اللي جاية ناحيتي عشان انتهز الفرصة و اعدي لما الطريق يروق نسبيا.. و بالفعل الطريق راق شوية.. لسه باستعد عشان أعدي فوجئت بموتوسيكل جاي من الاتجاه المعاكس و ماشي على آخر سرعة و كان الفاصل بيني و بينه ملليمترات و جزء من الثانية كنت هاخطي خطوة كنت هلاقيه شايلني :eek:

الحمد لله ربنا ستر و فرقت زي ما بقول لكوا جزء من الثانية.. و من شدة سرعة الموتوسيكل و قربه مني حسيت اني هاطير من الهوا اللي سببه سرعته العالية اوي كده.. و حسبي الله و نعم الوكيل.. كان بيني و بين الموت لحظات.. احساس مرعب :eek:

طبعا بعد ما رحت الشغل و هديت كده قعدت افكر مع نفسي.. سبحان الله.. ربنا كتب لي عمر جديد.. اكيد دي رسالة لية.. لسه لية عمر.. لسه عندي وقت.. لسه عندي فرصة تانية.. ياااااااه انا لسه عايشة :o

---

الف حمدلله علي سلامتك يا علا ... وابقي خدي بالك بجد لان كورنيش المعادي كل يوم عليه حادثه شكل بجد لازم تاخدي بالك

وانتي بتعدي لان الطريق مغري وكل العربيات طايره في الطريق ده .... والف حمدلله علي سلامتك مره تانيه

اقتباس:

---

المشاركة الأصلية كتبت بواسطة karim_monir

الف حمد الله على سلامتك يا علا
احمدي ربك واسجدي سجدة شكر والحمد لله لسه ليكي عمر
فعلا المشي عكس الاتجاه ده المفروض يتشنق لانه بيروع امنين لانك بتعدي في امان وهو روعك

---

مرة كنت ماشي على طريق 6 أكتوبر و كان فيه عربيتين نقل سدين الحارة الشمال و الحارة اللي في النص
فرحت مدي إشارة يمين علشان أطلع منهم لأن سرعتهم كان بطيئة جدا
المهم و ببص لقيت واحد طالع من مدينة الإنتاج الإعلامي و بدل ما يتجه في نفس إتجهنا لقيته لف و بقى في وشي
و الله العظيم أنا قلت بس هالبس في الإنسان الزبالة ده
بس ربنا ستر و علشان مكنتش سريع قدرت أتصرف بسرعة
و من كام موقف كدا عرفت اد أيه السرعة مضرة جدا و بتسبب الحوادث
المهم ....... صاحبنا طبعا طار و جري بالعربية
و يارب الناس دي في جهنم
معلش يا جماعة على الأدعية و لكني مخنوق جدا

قدر الله و ما شاء فعل , قضاء أخف من قضاء , ألف حمد الله على سلامة حضرتك يا أخت علا :) منه لله سواق الموتوسيكل!!!
ربنا يكفيكى شر الطريق.

عادى جدا و الف حمد الله على سلامتك و لازم تبصى حواليكى قبل ما تعدى و لو الشارع واقف برضه بصى قبل ما تتحركى و خصوصا لو معدية من ادام اتوبيس او عربية عالية و مش شايفة اللى جاى من جنبه

الف سلامة و يا ما حصلتلي

حمد لله على سلامتك يا علا

بجد خدى بالك جدا جدا جدا من الموضوع دة

لان والدى من سنة بالظبط ... كان نازل من السوبر ماركت .. ولسة نازل الشارع قام موتوسيكل بتاع واحد حقير واطى جبان وزبالة ومش متربى ... قام خبطه والجبان بعد ماخبطة وشاف ابويا اغمى علية فى الشارع و شاف الدم جرى وهرب .. واتارى الحيوان دة ابن جزار ... وجرى على المعلم ابوه لانه افتكر حاجة تانى .. وقال انة راح فى ستين داهية ...

ومش عاوز اقولك على الى حصل ل والدى .. اسبوع فى العناية المركزة وكسور فى الوجه............. الحمد لله ربنا لطف بيه . ونجاه من الموت

يااااااااااااااه بجد فكرتينى بأسوأ أسووووووووأ يوم مر عليا فى حياتى ...
ارجوكى ... وارجو من كل عضو من الى حيشوف رسالتى دية خدوووووووووووووووووو بالكم جدااااااااااااا من الموتوسكلات الى بتبقى ماشية بالعكس لانها سريعة الحركه و الواحد سعات كتيرة مش بياخد باله منها وبجد الخبطة منها خطييييييييييره جدا جدا جدا جدا

معلش انتو عايشين فى بلد متخلفة ... ماتفتكروش ان لما تيجو تعدو تبصو على اتجاه الشارع الطبيعى...................... لاااااا احنا فى مصررررررررر يعنى همجية وبلطجة و جهل . لازم تبصو يمين وشمال .

وانهاردة كنت حشيل واحد حقير راكب موتوسيكل ماشى عكسى .... والله العظيم جنحت عليه لغاية مكان حيقع وكان نفسى اشيله لدرجة انه خبطلى على العربية .. ولو كان حصلة حاجة .. يبقى هو الى غلطان قدام ربنا وقدام القانون .

ربنا يحرقهم ربنا ياخدهم ربنا يخلصنا منهم ومن مصايبهم يااااااااااااارب

مره تانى حمدلله على سلامتك يا علا ... وبجد حرصى جداااااا وانتى بتعدى وانتى واقفة ... حتى وانتى ماشية على الرصيف ( والله حتى الرصيف بقى بيمشو علية بتوع الفسبا ) ....ربنا يسترها معاكى ومعانا كلنا .

وبعدين يا ستى ماتجيبى عربية بقى وتخلصى من موضوع التعدية والمواصلات والقرف بتاع المواصلات .

ربنا ستر الحمد لله

ربنا يسترها معانا جميعا .. امين

حدي بالك بأة بعد كدة او بلاها منه الشغل خالص هههههههههه p:

الف سلامة ...بعدين دة اسمة ( مـــــــــــــوت و سيكل )

اقتباس:

---

المشاركة الأصلية كتبت بواسطة fiatmomo

حمد لله على سلامتك يا علا

بجد خدى بالك جدا جدا جدا من الموضوع دة

لان والدى من سنة بالظبط ... كان نازل من السوبر ماركت .. ولسة نازل الشارع قام موتوسيكل بتاع واحد حقير واطى جبان وزبالة ومش متربى ... قام خبطه والجبان بعد ماخبطة وشاف ابويا اغمى علية فى الشارع و شاف الدم جرى وهرب .. واتارى الحيوان دة ابن جزار ... وجرى على المعلم ابوه لانه افتكر حاجة تانى .. وقال انة راح فى ستين داهية ...

ومش عاوز اقولك على الى حصل ل والدى .. اسبوع فى العناية المركزة وكسور فى الوجه............. الحمد لله ربنا لطف بيه . ونجاه من الموت

يااااااااااااااه بجد فكرتينى بأسوأ أسووووووووأ يوم مر عليا فى حياتى ...
ارجوكى ... وارجو من كل عضو من الى حيشوف رسالتى دية خدوووووووووووووووووو بالكم جدااااااااااااا من الموتوسكلات الى بتبقى ماشية بالعكس لانها سريعة الحركه و الواحد سعات كتيرة مش بياخد باله منها وبجد الخبطة منها خطييييييييييره جدا جدا جدا جدا

معلش انتو عايشين فى بلد متخلفة ... ماتفتكروش ان لما تيجو تعدو تبصو على اتجاه الشارع الطبيعى...................... لاااااا احنا فى مصررررررررر يعنى همجية وبلطجة و جهل . لازم تبصو يمين وشمال .

وانهاردة كنت حشيل واحد حقير راكب موتوسيكل ماشى عكسى .... والله العظيم جنحت عليه لغاية مكان حيقع وكان نفسى اشيله لدرجة انه خبطلى على العربية .. ولو كان حصلة حاجة .. يبقى هو الى غلطان قدام ربنا وقدام القانون .

ربنا يحرقهم ربنا ياخدهم ربنا يخلصنا منهم ومن مصايبهم يااااااااااااارب

مره تانى حمدلله على سلامتك يا علا ... وبجد حرصى جداااااا وانتى بتعدى وانتى واقفة ... حتى وانتى ماشية على الرصيف ( والله حتى الرصيف بقى بيمشو علية بتوع الفسبا ) ....ربنا يسترها معاكى ومعانا كلنا .

وبعدين يا ستى ماتجيبى عربية بقى وتخلصى من موضوع التعدية والمواصلات والقرف بتاع المواصلات .

---

الحمد لله إن والد حضرتك بخير ............. و الله العظيم الواحد مش عارف يعمل أيه في البلد اللي مليانة بهايم دي و الحكومة سايباهم طالقين يبرطعوا في الشوارع و يموتوا الناس

حمد الله علي سلامتك .. و الحاجات الزبالة دي للاسف من كتر ما بقت كتير بقت عادي

يعني بقي عادي ان الواحد يلاقي ناس ماشية عكس .. لأ و يقلوا ادبهم كمان عالناس اللي ماشية صح

اولا: الحمد لله على سلامتك

اقتباس:

---

المشاركة الأصلية كتبت بواسطة OlaOsman

قعدت افكر مع نفسي.. سبحان الله.. ربنا كتب لي عمر جديد.. اكيد دي رسالة لية.. لسه لية عمر.. لسه عندي وقت.. لسه عندي فرصة تانية.. ياااااااه انا لسه عايشة :o

---

ثانيا : تقصدى ايه بالكلام ده ؟

وخصوصا "لسه عندي فرصة تانية"

أولا حمدلله عالسلامة وقدر ولطف


ثانيا : طبعا كان لازم تبصي يمين وشمال قبل تعدية الشارع حتى لو كان اتجاه واحد او العربيات جاية من اتجاه واحد لسبب بسيط اننا في مصر وده معناه ان فيه مقاييس مختلفة تماما عن كل دول العالم


بالنسبة لتعدية شارع اتجاه واحد في مصر فلازم الواحد يبص يمين وشمال لأنه ممكن يفاجأ بالآتي :


1- ممكن عربية ماشية عكس وده مش بيحصل كتير انما لو حصل بيكون السواق حريص انه يخطفها بسرعة وبالتالي ماشي زي المجنون


2- ممكن موتوسيكل ديلفري (طيار) ماشي عكس وده بيحصل كتير جدا جدا وفي كل شوارع مصر ذات الاتجاه الواحد بالذات


3- ممكن واحد متخلف سايق عجلة ماشي عكس وده بيحصل كتير برضه


4- ابسط حاجه ممكن واحد غتت ماشي على رجله يخبط في الواحد وهو جاي يعدي ويلخبطه وممكن يسبب مشكلة

ربنا يسترها مع الجميع

اقتباس:

---

المشاركة الأصلية كتبت بواسطة tutankhamoun

الحمد لله إن والد حضرتك بخير ............. و الله العظيم الواحد مش عارف يعمل أيه في البلد اللي مليانة بهايم دي و الحكومة سايباهم طالقين يبرطعوا في الشوارع و يموتوا الناس

---

شكرا لحضرتك يا كنج توت ... الحمد لله على كل شئ .. ولينا رب كريم يحرصنا كلنا من بتوع الفسب وغيرهم
شكرا لحضرتك مره تانية

جزاكم الله خيرا جمعيا على اهتمامكوا بالرد و دعواتكم بالسلامة :)

اما عن استفسار ams عما أقصده ب "لسه عندي فرصة تانية"، ببساطة أقصد اني حسيت اني لسه عندي فرصة تانية اعمل كل اللي مش باعمله.. لو مش باصل رحمي فربنا إداني فرصة تانية اني أصل رحمي.. لو فيه خصومة بيني و بين حد، لسه عندي فرصة اني أصلح اللي بيني و بينه.. لسه عندي فرصة أبر أمي و ادعي لأبويا بالرحمة.. باختصار كده الموقف ده خلاني اشوف الدنيا بشكل تاني، و النهاردة صاحية من النوم و ماليني الاحساس بإن تفتيحة عيني دي كل يوم الصبح فرصة ربنا مديهالي و لازم أستغلها في طاعته و مرضاته و في الاستمتاع بنعمه علية و شكره عليها :)

شفت كل البلاوى دى وكنت هروح فى داهيه قبل كدة بسس واحد حمار وسورى فى اللفظ بس للاسف الحمار بيفهم عنه
عارفينن انتو طبعا الوصله الجديدة اللى بتاخدها واننت رايح الهرم من 6 اكتوبر وصله فاضه و مضلمه فى نفس الوقت بس اريح واسرع شويه من ميدان الرمايه المهم
ماشى بالليل على 90 او 100 انا مبزودش عن كدة
والطريق اساسا ماشى وسط صحرا وفى نصه ماشى ولقيت واحد بيعدى قدامى مرة واحدة
طبعا للاسف اتخبط واتبهدل اساسا وبوظلى وش العربيه
والبجح بيقلى هعملك محضر وارفع عليك قضيه واحبسك
قلتله ماشى مستنى معاك لحد ميتعمل المحضر
طبعا متعمليش اى حاجه لان دة لا طريق مشاة ولا فى اى شبهه لواحد من المشاة انه يمشى عليه
وطبعا كنت هلبس فى عربيه اللى قدامى واللى ورايا كان هيخبطنى لولا ان عدد العربيات كان قليل كانت بقت كارثه
والناس كلها تقلك خطاء سائق المركبه وهو المشاة اساسا بيحنرمو حاجه اسمها عرض الطريق
فى ميدان المؤسسه قدام محطه المترو الداخليه اتبعت نظام انه ادام الكلام مبيجيبش نتيجه هنعمل اسوار حديد علشان البشر تطلع من فوق كبارى المشاة زى الناس
لا فى عباقرة فسرو عبارة اعقلها وتوكل على انه ينط من فوق السور الحديد علشان يعدى و الاذكياء معدلاتهم فى ارتفاع
عمار يامصر بشعبك

حمدالله عالسلامة وفعلا لازم تبصي في الانجاهين

الف سلامة عليكى