برجاء ترتيب من هم أقرب إلى قلبك
1- الزوجة
2- الأباء
3- الأبناء
4- الأصدقاء
مع ذكر الاسباب والحاله سواء كنت متزوج أو أعزب
عرض للطباعة
برجاء ترتيب من هم أقرب إلى قلبك
1- الزوجة
2- الأباء
3- الأبناء
4- الأصدقاء
مع ذكر الاسباب والحاله سواء كنت متزوج أو أعزب
طبعا الأباء ثم اخواتى ثم أهلى ( الكويسين منهم بس) ثم أصدقائى
لانى ما عنديش لا زوج ولا أولاد
-------------------------------------------------------------------
و بصراحة دلوقتى حاسة أنى جعانة
وأقرب حاجة لقلبى شوية ملوخية بالأرانب يا سلاااااااااام تسلم ايديها ماما
ممكن حضرتك تزود الاخوة, الاخوات, العائلة.
في تصوري
اباء >زوجة > اولاد> اصدقاء
ماعتقدش حيختلف لما أتجوز
الأباء
ثم الأصدقاء... لسه مفيش زوجة و بديهى أن مفيش عيال :C_laugh[1]:
السبب مش عارف بالضبط بس أنا ثقتى فى الأباء عمياء لأنى متأكد أن خوف الوالدين عليا فطري ربنا خالقه فى كل الناس .. كل أب فى الدنيا عايز مصلحة ابنه حتى لو مصلحته هتنضر.
الأصدقاء بيكون فيها الحب مكتسب مش فطري...يعنى انت و نصيبك على حسب شخصية صاحبك. ممكن تلاقيه بيخاف عليك و ممكن لأ.
أنا للأسف بسبب تنقلاتى على مدار حياتى ل 3 مدن مختلفه و الأنتقال من شقة لشقة حوالى 7 مرات معنديش علاقة وطيدة بالأصدقاء تتقارن بعلاقتى بالوالدين.
جميل أوي ان الواحد يشوف خوف والده ووالدته عليه وده بيكون باين في عنيهم بس انا برضه شوفت أباء مفتريين وأباء بيفرقوا بين أولادهم وأباء بيسرحوا عيالهم علشان مزاجهم
اللى بيقول الاباء والاخوات اكيد مش متجوز لان ده واقع الانسان
وانظر الى والدك هل يحب ابوه اكتر ام انت؟
وانظر الى الام هل تحب خالك اكتر ام انت
مهما الناس بتحب بعض فلا احد يعلو على الاولاد..
بعد الابناء
اعتقد الاب والام مكانتهم اكبر من الزوحة لان عمر محد حبك ولا حيحبك ولا اداك ادهم
بس للاسف ده مبيترجمش عمليا
يعنى فى الاخر الاهتمام والتواجد والفلوس كله للبيت والاهل ملهومش الا اقل القليل
:N_no[1]:
ودلوقتى طول الوقت بفكر شوف انا بموت نفسي علشان ولادى ازاى بس بعد 15 سنة بالظبط حبقى بالنسبة لهم تفكيرى قديم ومتاخر ومش عايش فى الدنيا وان اولادهم - ان شاء الله- محتاجين اهتمام اكتر ومش مشكلة يزرونى مهم زارونى الاسبوع اللى فات علشان العيال عايزين يتفسحوا:N_no[1]: ياااه على الدنيا دى
1- الآباء ، الشخصين المتفردين في العالم اللي بيحبونني بدون سبب أو غرض
2- الأبناء زينة الحياة الدنيا
3- الزوجة شريكة الحياه
-
-
-
-
4- الأصدقاء
الأبناء ...... انا ممكن ارمي نفسي قدام الترماي عشان بنتي
الاباء و الاخوات
الابناء
الزوجة
الاصحاب
الاباء لانه لا يمكن تعويضهم
الاخوه لانه ايضا لايمكن تعويضهم
الابناء
الزوجة
الاصدقاء
ترتيبكم بدأ يبقا موحد
الجينات تدفعنا الى تفضيل الأبناء
و الدين يحضنا على مراعاة الأباء ( الوالدين )
اما الزوجة و الأصدقاء فهى امور تتقلب بين يوم و آخر
و الله المستعان ...
ابويا (مش ممكن اعوضه)
امي (مش ممكن اعوضها)
اخويا ((مش ممكن اعوضه برده وبعد ربنا هو اللي هيبقي سندي (هو لسه عنده 10 سنين)
اخواتي البنات (حنينين قوي عليا)
مراتي (بحبها وكل حاجه بس ممكن في يوم وليله لا قدر الله كل اللي بنا ينتهي)
ولادي
الأباء - الاولاد- الزوجة -الاصدقاء
امي ثم امي ثم امي
ربنا يخليها ليا يا رب و ما يحرمني منها ابدا
ثم اختي
ثم اخي
و بعدين الاصدقاء الانتيم فقط
الزوج لاااااااااااااااااااااااا اااااااااااااا :)
اكيد لو كان ليا ابناء كانوا هيكونوا في منزلة اختي او قبلها كمان :) بس اكيد بعد امي
اللي بيستغرب من اللي بقول الزوجه او الزوج اخر شئ لان فعلا مافيش زي الاهل و الزوجه او الزوج ممكن في لحظه اللي بينهم ينتهي و هتبص تلاقي عيلتك هما بس اللي حواليك و اصدقائك لو كانوا الانتيم و كويسين
اكيد اباء - ابناء -زوجه
بس انا اخترت ابناء لان الاختيار الاول ليا انتهى لان والداى الله يرحمهم