الموضوع: رادار على وصلة المريوطية الجديدة ... خلي بالكم

المشاركة الأصلية كتبت بواسطة dojuar

الكلام ده مؤخرا؟؟

يعني الرادارات لسه راكبه جديد؟

و لما السرعة تبقى 80 تبقى حاجة مسخرة الصراحة

انا شوفتها اول مرة من حوالي شهر وانا راجع من اكتوبر وبعد ما دخلت الدائري في اتجاة المنيب والمعادي بحوالي 1500 متر
لكن من اسبوع اتأكدت انها موجودة علطول حتى في الاتجاة الآخر القادم من المعادي الى الصحراوي وطريق الواحات .... لكن مش عارف بالليل بتبقى موجودة ولا لأ

المشاركة الأصلية كتبت بواسطة merosss

دة حضرتك موجود من زمان وانا دفعت فية 150 جنية وكنت ماشى 93

كان فيه لجنة بعد الرادار .... ولا دفعت مع تجديد الرخصة ؟؟؟؟
ومعنى انك كنت 93 ان فعلا بيحسبو السرعة الاعلى من 80
لأن لو 90 بيسمحو ب هامش بسيط لحالات التخطي وما شابه ذلك
....
عموما حالة الطرق والسائقين والمشاة واخطاء الغير وتهريج الميكروباصات والنقل والشباب المبرشم والسيدات اللي بيتعلمو وكبار السن اللي بيسوقو ببطئ شديد .... بيأكد ان السرعة في مصر لازم تكون في الحدود دي ..... واكتر من كدة ح يبقى خطر
الطريق الوحيد الذي تم استثاؤة ... هو طريق السخنة .... وهو فعلا الافضل في طرق مصر والسرعة فيه 120 وبرضه مليان رادارات
ربنا يكفينا شر الرادارات .... والكاميرات ..... والغرامات .... وشهادة المخالفات .... وتكشيرة الصول فرحات ... وبتوع الميكروباصات .... والنقل ابو مقطورات ..... والتكاتك والموتوسيكلات .... سلام بقى علشان الوقت فات