إرتفاع في الأسعار

**atawfik** · 19-08-2010 02:34 AM

على فكرة يا جماعة كلامكم طلع مظبوط انا كلمت الفرع بتاع العجوزة وسئلت عن الأسعار قالولى أن مفيش حاليا موديل 2010 لكن جارى حجز 2011 والتسليم بعد أسبوعين أما بالنسبة للسعر فمبدئيا الحجز بيكون على أساس زيادة فى السعر ما بين 2000الى 3000ألاف زيادة والسبب التضارب فيما يخص خضوع ال9%الخاصة بخدمات ما بعد البيع للضريبة يعنى بمنتهى البساطة اى جنية وزارة المالية هتحملة للوكيل أتوماتيك هيتحملة المشترى
المهم ان الحجز بيكون ب5000جنية على الأقل وخلال الأسبوعين هتكون الرؤية وضحت يعنى على سبيل التحديد كنت بسئل على الهاى لين اللى مجهزة jps قالى أنت هتحجز على أساس أنها ب211 ألف ولما نتاكد من موضوع الضريبة هنقولك هتحاسب على كام يعنى من 2000الى 3000او 4000 زيادة
المهم بصراحة أنى اتاكدت من رؤية وبعد نظر الأخوة الأعضاء اللى نصحونى بصفة شخصية انى ما استناش وأشترى لكن لقلة الخبرة ما اخدتش برأيهم لظنى اننا فى بلد بتمشى بمعايير منطقية وثابتة
ما علينا لكن دلوقتى السؤال اللى بيطرح نفسة هل أدفع 211الف وأجيب هاى لين 2011 ولا أجيب عرض فولكس فاجن باسات 2010الفئة الأولى أتوماتك (عليها عرض 211ألف)
أرجو من الأخوة الأعضاء اللى مش هراجع أو أتردد فى تنفيذ مشورتهم بعد كدة أنهم يفيدونى ويقولولى ايهما أفضل
فانتازيا 2011 هاى لين أو باسات 2010الفئة الأولى الأتوماتك لانهم نفس السعر وفى الحقيقة أنا معرفش أية الفرق بينهم فى الأوبشن او الأساسيات الا ان الباسات موتورها 1400تربو والفتيس
أسف وأعتذر عن الاطالة وأرجو المشورة والنصيحة
وبجد منتهى الشكر على النصائح السابقة والواحد مبيتعلمش ببلاش

**adventurer** · 19-08-2010 12:57 PM

صديقى العزيز اشترى اوكتافيا هاى لاين خليجى ووفر عشرين الف جنيه وخد كماليات اكتر من الوكيل وجوده اعلى والفلوس اللى هتوفرها ابقى صلح بيها ياسيدى لو طلع حظك وحش والعربيه طلع فيها عيب ولو ان ده صعب اما الباسات التربو انا ليا راى فى موضوع التربو فى مصر لا يصلح بسبب اعتماده على رومان بلى كتير وده بيبوظ بسرعه بسبب جو مصر المترب واعتماده على بنزين اوكتان عالى 95 وده مكلف ومش متوفر كتير خارج القاهره وتقبل تحياتى وسارع بالشراء

**wawamoha** · 19-08-2010 04:37 PM

باشا انا ما اعرفش الباسات ظروفها ايه ؟

بس الاوكتافيا ايه فايف اعتماديه كتير و تصليحها ظصيانتها سهلة و مش مكلفه ابداااا
ربنا معاك

**MahgoubMohamed** · 20-08-2010 04:05 PM

اولا كل سنة و انتم طيبين
ثانيا الاسعار فعلا زادت انا لسه شاري فانتازيا 2010 الاسبوع اللي فات خليجي كاملة (فتحة سقف جنط 17 .........) اغلى من سعرها 4000 جنيه و السبب 9 % الزيادة

**maea** · 02-09-2010 05:42 AM

المشاركة الأصلية كتبت بواسطة mahgoubmohamed

اولا كل سنة و انتم طيبين
ثانيا الاسعار فعلا زادت انا لسه شاري فانتازيا 2010 الاسبوع اللي فات خليجي كاملة (فتحة سقف جنط 17 .........) اغلى من سعرها 4000 جنيه و السبب 9 % الزيادة

السلام عليكم ودي ان شاء الله جبتها بكام وهل 2011 نزل ولا لسة

**MahgoubMohamed** · 03-09-2010 03:32 PM

المشاركة الأصلية كتبت بواسطة maea

السلام عليكم ودي ان شاء الله جبتها بكام وهل 2011 نزل ولا لسة

185000 جنيه موديل 2010 و لسه مافيش اخبار عن 2011

**hassansh** · 05-09-2010 05:51 AM

mayenfa3sh el mokarna ben passat we octavia la2enohom fe2at mokhtalefa. bas ana 3omry mageeb octavia be 210,000 LE. law weselt lel se3r dah yeb2a akeed el passat baseline a7san bekteer.