جالي ده بالميل
عرض للطباعة
جالي ده بالميل
حلوة بتاعت الحنش دي
ومع كل المساوئ إلي فينا
عندنا برضو حاجات أحسن من عندهم
عندنا قفانا بيستحمل ..قفاهم لأ
عندنا العربية بتتعجن وتقوم على رجليها تاني...عندهم لأ
عندنا إحترام نسبي ...عندهم مفيش إحترام نهائي
عندنا الريس بيقعد طوول عمره في الحكم ..عندهم لأ
عندنا كشري وفول وطعمية ..عندهم لأ
وحسبي الله ونعم الوكيل
.............
وعلى فكرة
موضوع الهبوط على سطح القمر - والله أعلم - أكذوبة
اجمد واحدة :
http://www9.0zz0.com/2010/01/16/03/153247767.jpg
تحياتي يا دكتور
فين ده يا دكتور وحياتك قلي لي عليه,
لو حضرتك تقصد اللبس والقرف اللي عندهم ده ملوش علاقة بالإحترام
الإحترام إن واحد يخش مكان اسمه Strip Club فيه مزز في اوضاع مايعلم بيها إلا ربنا ومحدش يمد ايده عشان ده غير مسموح مش عشان فيه تور واقف ( وجود التور بيكون عشان اللي مش محترمين من المهاجرين والناس ديه )
عدم الاحترام إنك ماتبقاش مأمن علي أختك أو زوجتك أو أمك ( حاجة بقت تقرف بجد ) أي إن كان ملابسها وتصرفتها وطول ما أنت ماشي مع حد منهم عينك عليها عشان ما تتعكسش ( بـاسفل الالفاظ أو الحركات ) وإنت في عز الظهر.
ناس بتقول كده وناس بتأيده
ناس بتقول ده كذب
YouTube - ‪Documentary - Moon Landing Hoax - Conspiracy Theory - part (1)‬‎
YouTube - ‪Documentary - Moon Landing Hoax - Conspiracy Theory - part-(2)‬‎
YouTube - ‪Documentary - Moon Landing Hoax - Conspiracy Theory - Did We Land On The Moon (Fox TV) part-(3)‬‎
YouTube - ‪Documentary - Moon Landing Hoax - Conspiracy Theory - Did We Land On The Moon (Fox TV) part-(4)‬‎
YouTube - ‪Documentary - Moon Landing Hoax - Conspiracy Theory - part (5)‬‎
ناس بتقول حقيقة
YouTube - ‪Mythbusters Moon Landing Hoax 1 HQ‬‎
YouTube - ‪Mythbusters Moon Landing Hoax 2 HQ‬‎
YouTube - ‪Mythbusters Moon Landing Hoax 3 HQ‬‎
YouTube - ‪Mythbusters Moon Landing Hoax 4 HQ‬‎
YouTube - ‪Mythbusters Moon Landing Hoax 5 HQ‬‎
الاحترام بقي إن الفرقتين بيحاوروا بعض بدون محد يحجر على رأي التاني في هدف قومي, ده لسة مش موجود عندنا. احنا لسة منقدرش نناقش الحكومة ليه بتغلي علينا البنزين.
تقبل تحياتي
أنا لما قصدت الإحترام
أنا قصدت بشكل نسبي إحترام التربية
يعني لسه عندنا عائلات بتربي بناتها على الفضيلة
هناك ماعندهمش الكلام ده
..والله أعلم
هوه موضوع الهبوط على سطح القمر ده كذب ؟؟؟
اللي حضرتك تقصدهم مش بيربوهم بالمفهوم بتاعنا, هما بيقولولهم ده صح وده غلط وانت ليك مطلق الحرية تعمل اللي في نفسك المهم ماتأذيش حد ولا تيجي على حرية حد وتحافظ علي شوية اخلاق ( أمانة وصدق اهم حاجة ).
الباقي بيعمل نفس الكلام بس بيزود عليه القيم والتدين ( برده في حدود الحرية ) وده سبب إن الدين مش حاجة اساسية في العالم الغربي, الأساس هو الحرية المحكومة بـالاحترام . وده بيخليهم عالم متقدم محترم حر اهم حاجة فيه الصدق والأمانة والحرية المحكومة بالإحترام. يارب نقدر نزرع في اولادنا الاحترام.
مش متخيل ان لسة في حد بيشك ان الأمريكان هبطوا على القمر
http://img447.imageshack.us/img447/6991/image0022fs.jpg
علم الولايات المتحدة بيرفرف ..في منطقة إنعدام جاذبية..وعدم وجود هواء
والنقطة التانية
إختلاف الظلال في الصور...معناه وجود أكتر من مصدر للضوء
في حين إن المفترض إن مصدر الضوء هوا الشمس بس
غير كده
أمريكا عندها هوس بالتميز ...حتى لو بالكدب
يعني مثلا
كل الأفلام الأمريكية...إلي بتتناول حرب فيتنام
بتصور جنودها الأبطال ..إلي بيحاربوا الأشرار
في حين إن الأمر...إن الفيتناميين كانوا بيقاوموا أحتلال أجنبي لأرضهم
نفس الوضع في العراق
نفس الوضع في أفغانستان
سياسة تغيير الحقائق...سياسة أمريكية أصيلة
من أول الأفلام الأمريكية القديمة
عن رعاة البقر الطيبين...إلي بيحاربوا الهنود الوحشين
وأخيرا
لاتصدق كل ماتراه ...أو كل ماتسمعه
ماحنا كل يوم بنسمع إن الإقتصاد المصري بينمو ويترعرع في ظل توجيهات الحكومة الرشيدة
والنتيجة
فقر
فقر
فقر
وحسبي الله ونعم الوكيل
جزاك الله كل خير
بصراحة يا جماعة من الحاجات اللي بفتقدها بعد ما سافرت وصعب تتعوض
مابتسمعش صوت الاذان نهائي
اقرب جامع ليك ممكن يكون علي بعد نص ساعة او ساعة
الفترة اللي بتقضيها ما بين الاذان والاقامة في الجامع وخصوصا لو صلاة الفجر ما تتعوضش مع العلم اني ماكنتش منتظم في الصلاة خالص وقليل لما كنت بصلي في الجامع
بصراحة لو ان الواحد بعيد عن اهله ومش عارف يمارس دينه كويس (مع ان مفيش اي حاجة بتمنعك ) الواحد عمره ما كان هيفتكر مصر ولا هيفكر يرجعها
الفرق بين العرب والغرب
" نــقــطــة "
هم عندهم نقطة احنا لسه
هما في بيفرلي هيلز
و احنا في الدويقة
أيام ماامريكا هبطت على سطح القمر كانت في حرب باردة مع الاتحاد السوفيتي. أول ناس كانوا مراقبين هبوط امريكا على القمر كانوا السوفيت وكان عندهم جواسيس كتير يؤكدوا أو ينفوا الموضوع ده. الموضوع ده رفع الروح المعنوية للامريكان وادهم دفعة تؤكد قدام العالم إنهم اقوى من السوفيت. لو كان ده كذب كانوا أول ناس فضحتهم فضيحة بجلاجل هما السوفيت.
يا ريت بدل مانقول معملوهاش ونستسهل ندرس كويس عملوها إزّي ونحاول نعمل زيهم
العلم بيرفرف عشان اقل هذة من رائد الفضاء هتخليه يهتز كتير عشان مقاومة الجاذبية قليلة جدا ( اضعف 6 مرات من الارض مش معدومة ) وكمان عشان مفيش هواء فـال احتكاك ومقاومة الهوا معدومة.
الظل مكانه مش مختلف لو فيه مصدرين اضاءة كان هيكون فيه ظلين ( اللعيبة في الاستاد بيكون لهم اربعة عشان الكشفات ). انما تربة القمر خواص انعكاس الضوء بتاعتها مختلفة ( القمر جسم معتم برد بيعكس أشعة الشمس ويبان منور بعكس الكواكب انما هو غير مضيء بذاته -خامسة ابتدائي- ).
أنا مش مع امريكا أنا بس ضد إني عشان استسهل انكر أنا وازيف حقإيق زي ماامريكا بتعمل في السياسة.
مش عارف ليه كل مسمع حتة إن امريكا مطلعتش القمر بأفتكر الناس اللي بتقولك اللي بنى أهرامات مصر دول aliens :w6266d
أنا فعلا مع رأي إنهم لو كانوا بيشتغلوا الناس كان الاتحاد السوفيتي استلامهم عشان الموضوع ده كان في عز التنافس مابين ال 2
مابين تنافس في امتلاك أكتر عدد من الرؤوس النووية وتنافس فضائي وتنافس على نشر الشيوعية والراس مالية في الدول وغيرهم .
موضوع جميل وفعلا صح..نفسي نعمل زيهم في محاسنهم مش مساوئهم.
احنا كنا في وقت مامتقدمين عنهم في كل حاجة وكانوا بياخدوا علمهم مننا.
من ساعتها 100% من الاختراعات بقت غير عربية ..وبالاخص كل الحاجات المهمة ..
يعني خدوا عندكم,
النت اللي بنستخدمه ده بدايته كانت في الجيش الامريكي..
الكمبيوتر في صورته الحالية ابتده الغرب برده..
العربية .. القطر .. الطيارة
الكهربة.. ووراها اللمض إلخ...
أجهزة كهربائية : تلفزيون تلاجة موبيل أجهزة المطبخ.
العلوم الغريبة اللي انتشرت قريب زي الجينات والهندسة الوراثية.
حاجات كتير مش جاية على بالي.
بقينا مستوردين لكل حاجة بالمعنى البحت.
نفسي نفوق ونشوف موضوع البحث العلمي اللي هو موضوع مهم جدا..شوفوا الغرب و (اسرائيل) بيدفعوا كام % من ميزانيتهم على البحث العلمي واحنا كام.
آخر حاجة فاكرها احنا كنا مخصصين 0.5% للبحث العلمي..و لا تعليق
نفسي نرجع نخترع حاجات مفيدة.
معليش طولت بسس لقيت نفسي مش عارف اوقف.
الاذان بالمكبرات الصوتية ماسمعتوش بصراحة لاني ماروحتش جوامع كتير هما 3 بس وكمان انا ماطلعتش بره روما
في مصريين كتير جدا و عرب بس معظمهم شمال افريقيا جزائر و المغرب وتونس و الكويس فيهم قليل و الوحش وحش جدا وكتير
المصريين بقي مششين بمثل ابعد عن المصري وغنيله يعني لو مش حاسس انه ممكن يطلع منك بمصلحة مايعرفكش الا من رحم ربي طبعا
يعني هقولك علي حاجة جاري اللي ساكن جمبي مصري بلكونته لازقة في بلكونتي لغاية ما سكنت ب 3 شهور ماجاش حتي قالي صباح الخير لغاية ما طلبت من صاحب البيت انه يعرفني عليه و قاله و غالبا كبر دماغه لغاية ما شوفته مرة في البلكونة قمت مسلم عليه و معرفه بنفسي و الغريب انهم عيلة هما و مراته وبنته و ابنه و انا ساكن انا ومراتي ولسا متجوزين جديد حتي محدش منهم جه في يوم قالنا مبروك مع اننا ساعات بنتقابل وش ب وش شوف لدرجة ايه انا الحمد لله مش محتاج منه حاجة بس اتصدمت كنت دايما اسمع ان المصريين بره وحششين لغاية ماشوفت بعينيا عموما ربنا يكرمني ومهما حصل مابقاش زيه في يوم من الايام ولو هوصل يبقي احسن لي ارجع :rfds:
موضوع جامد و للأسف
بالنسبة للميزة اللي عندنا ان احنا عندنا قلب و هما لا
بالنسبة للهبوط على القمر انا من الفريق اللي مش مصدقه
نزلوا الملف ده واتعقدوا من الصور
attachments_2010_08_08.zip
والله يا جماعة انا شرحه تماما ... الناس اللى تحتى مصريين وعمرهم ما قالولى صباح الخير رغم انهم ساكنين بقالهم فترة
عموما الموضوع ده بيبقى راجع للتربية
يعنى انا افتكر اول مرة سكنت فى المكان اللى انا فيه خبطت على جيرانى وعرفتهم بنفسى علشان الناس متخافش منى
او لما تشوفنى على السلم يقولوا مين ده
فعلا حلو ان الواحد مسلم وبرده يكون واخد من الناس دى الحاجات الحلوة اللى فيهم
زى ما فى عضو بيقول ان عندهم الصدق و الاحترام وانك لا تؤذى غيرك
ماتيجي نسكن جمب بعض وادينا كل يوم نسلم علي بعض :)))))))))