سلام علبكم
حد ممكن يفيدنى ويقولى أزاى أعمل فوطه زفره أو فرشه زفره؟
عرض للطباعة
سلام علبكم
حد ممكن يفيدنى ويقولى أزاى أعمل فوطه زفره أو فرشه زفره؟
أبسط دريقة انك تجيب فوطة ( أنا شخصياً بجيب الفوطة البرتقالى الشهيرة) و بجيب بتاعت اسبراى جلانس خلصانة و بملاها جاز و زيت بس زيت بسيط جداً يعنى مثلاً 2-3 غطا ازازة مياه و بعدين أرجهم على بعض و ارش الفوطة و أسيبها تنشف و كده تبقى فوطة زفرة.
المشكلة ان ريحتها مش بتروح من إيدك بسهولة فممكن تحطها فى كيس و لما تييجى تستخدمها تقلب الكيس لبره و بعد ما تخلص تقلب الكيس لجوه تانى .
أخر حاجة بلاش تستخدمها على عربية سودا عشان مع الوقت بتلاقيها ابتدت تسيب علامات علة العربية نتيجة تراكم جزيئات التراب اللى بعد كده بتكون بتخدش البوية
:shine[1]:
في طريقة تانية بس دي بتاخد وقت ( يعني الفوطة هتتزفر علي المدي الطويل)
- انك الصبح تمسح بيها مقياس الزيت ونت بتقيس الزيت
- تمسح اي رواسب زيت ع الموتور او الكبوت و رواسب البنزين اللي بتنزل من التانك
هات فوطه عاديه زى الفوطه البرتقالى دى المهم اى فوطه تكون ناااااعمه عشان متجرحش العربيه
وبعدين شويه زيت من زيت الماتور اللى الميكانيكى بيرميه ده وتحط عليها وشويه جاز بسيط عشان الريحه بتاعته وشويه زيت فتيس او باكم بساااط وشويه بنزين عليها وبعدين حطها فى الشمس يومين لحد ما تنشف كويس وبعدين استخدمها عااادى
هات جركن زيت الموتور بعد ما يخلص و أرمى الفوطة جواه و سيبها يوم ولا يومين و بعدين طلعها من الجركن هتبقى زفرة.
معلش سؤال هو ليه اسمها فوطة زفرة و طيب و بعد ما انظف بيها السيارة بعد اد ايه تحتاج تتغسل و بعد غسيلها هتحتاج تاني نفس الخطوات علشان اخليها زفرة و لا لأ؟ و شكرا
كتير قالوا بلاش موضوع الفوطة الزفرة ده كتير لانه علي المدي الطويل الجاز والزيوت دي بتأثر علي دهان العربية ولونه بيتغير
وأكيد اسم زفرة جاي من الجاز والزيوت اللي فيها :-)
جزاكم الله خيرا جميعا ودى حاجه لازم ناخد بالنا منها كلنا بلاش نستخدمها فى العربيات اللى لونها أسود ومن كل اللى أتقال ده أنا طلعت بنتيجه
أن أضرار الفوطه الزفره أكتر من منافعها.
مش عارف والله
العربية عندها من سنة 99 وبمسحها بفوطة زفرة وعااادي جدا
مدى طويل اكتر من كده ايه ؟
انا عملتها بفوطة وش صغيرة وحطيت عليها زيت موتور نظيف وقفلت عليها بكيس بلاستيك مدة يومين
بصراحه رائعة بتسيب على جسم العربية طبقة زيت خفيفة تحميها من البارومة والندى وغيرو ........ وتنظف العربية كويس وتخليها تلمع زي الجديده
بصراحة انا جربت كل حاجة و مش لاقي بديل لتنظيف العربية من التراب زي الفوطة الزفرة ...
موضوع جميل جدااااااا
اسمع منى الى احلى من الفوطة الزفرة انك تجيب فوطة جديدة ونضيفة وزيت برافين من الصيدلية وتنقط شوية على الفوطة وتدعكها ف بعضها واحلى وانضف من التانية بمية مرة انا جربت دى وجربت دى
كل الطرق السابقه للفوطه تؤدى الى انها تكون فوطه زفره ... ولكن يمنع وضع زيت الباكم بتاتا .... وهناك فرشه لتنظيف العربيه مش شعر ولكن خيوط كثيفه ومنها المتزفر جاهز ومنها اللى بتحتاج تتزفر .... والفرشه دى افضل واحن على العربيه من الفوطه بخلاف انها بتنجز بسرعه وغير مجهده او توسخ الايدى ..... تحياتى .
شوف يا باشا
الصح انك تجيب حتة قماش قطن كويسة وتتأكذ انها كلها ناعمة ومفيش فيها خياطة ولا حجات ممكن تعمل خرابيش
تروح للعطار تجيب ربع كيلو زيت برافين
ترش شوية على القماشة ببخاخة بس مش كتير قليل بس وتتطبقها وتسيبها وكل 3 او 4 ايام رشاها بعد مرتين 3 حتبقى زى الفل بس بلاش زيت كتير عشان ميلمش تراب
وممكن تعمل واحدة تستخدمها للتابلوة والاجزاء البلاستيكية والجلدية كمان
ومفيش طبعا ريحة وحشة وكمان نضافة وعدم تغير لون الشئ اللى مسحته بيها لانة لونة شفاف
thaaaaaaaaaaaaaaaaaaaaaanx
كما قال لك اخونا العزيز ahmedyehia515
بلاش زيت باكم عشان بياثر على الدهان
زيت موتور فقط
اللى بينضف بالفوطة الزفرة عربيته بتفضل نضيفة طول السنه و لمعان العربية مع مرور اول سنه بيطفى تماما
بالَزات الاسود
متابع
http://i.suar.me/OV4aG/mالفوطة الزفرة كلنا نلجأ لها لتنظيف السيارة يومياً لمسح الاتربة وتلميع السيارة وطبعاً استخدام هذه الطريقة مهلك وضار جداً لدهان السيارة - ظهر بالأسواق منتج مصري اسمه فابريكه لخارج وداخل السيارة وهو منتج لتلميع وحماية اسطح السيارة من عوامل الجو والغبار والاشعة الضارة للشمس يساعد في منع التشقــقـــات وبهتان الألــــــوان وتغيرهــــا والاهـتـلاك السابـــــق لأوانـه . يمنح السيارة مظـــهـــــراً عميــــقــــاً وغنــــيــــاً ويضفي عليها لمســــة مشرقة ورائــــــعـــــة. يساعد في تجديد أسطح الغسيل والمطـــــــاط والبلاستيك ويجعلــــهــــا أكثر حيويــــــة . لأنه عبارة عن زيوت سيليكون ولا يحتوي علي مشتقات البنزين . ( منقول )