مشكله فى التكيف ؟

**msms_ms2001** · 05-08-2010 05:06 PM

السلام عليكم اخويا معاه سياره bmw 318 موديل 1992 والمشكله فى التكيف اول ما اشتراها لتكيف كان كويس وبعد كده ابتدى يقل وراح شحن فريون وبرضوا مفيش فايده الناس بتقوله هى كده عشان اروبى طب ازاى اروبى والتكيف كان شغال ودلوقتى بيطلع الهواء السخن الى فى الموتور بدل هواء ساقع ومحدش عارف العيب منين لو ممكن حد يساعدنى يبقى كتر خيره

**hanyhosney** · 08-08-2010 11:30 AM

انا حصل معايا كده في مره
شغلت التكيف
رجعلي الهواء الساخن بتاع الموتور
ورحت صلحتو طلعت الترموستات باظت ومفتاخ التكيف كان معلق

شوف يا معلم
في طلعت بتاع التكيف في شارع 77 بالمعادي
دا محترم وامين ومعروف من زمان
اعتقد ممكن يحللك مشكلتك
وربنا معاك

**karimbo42** · 10-08-2010 10:43 AM

انا لما جبت عربيتى فى البداية تعبت جدا مع التكييف...

كان بيحصل الأتى:
اشحن التكييف... يشتغل زى الفل (ثلاجة) لمدة 3 او 4 ايام وبعدين الاقى الفريون هرب؟؟؟
قالولى البلفة بايظة... غيرت البلفة (كان سعرها 110 للكبير و تقريبا 100 للصغير) ورحت شحنت... نفس العيب
كشفت على الخراطيم والسربنتينا ومفيش مشاكل
كان عندى مشكلة فى الردياتير قالولى بيسخن ويعللى الضغط ف الفريون يهرب... غيرت الردياتير وشحنت ولكن نفس الحكاية.. 4 ايام و مفيش فريون..
العيب الكان عندى و فى كل العربيات دى هو من الكومبرسور... غيرتة وكل حاجة بقت تمام... (استعمال ب 650ج)

فى نقطة كمان مهمة انا عندى التكيف 100% دلوقت وبيسقع تماام بس لية تاثير سلبى قوى عل سحب العربية.. عند نفس الراجل الغيرلى الكومبرسور بيركبلها كمبرسور يابانى فعلا اداءة عالى وخفيف على المتور جدا.. واحد صاحبى ركبة وانا كمان ناوى بس الصيف الجاى انشاء الله...