الموضوع: وأخرتها مع الزحمــــــــــــة !!!

المشاركة الأصلية كتبت بواسطة onna

متفكرنيش يا اسلام عشان انا شكلى هتبعت باعتة سودة في الجوازة دى و هقضيها على الدائري العمر كله :D:D
ههههههههه
بس انا اتعودت على فكرة عالزحمة و بقا ال default بتاعى انى انزل بدري والله اكتر من ساعتين كمان عن مشوارى عشان انا مشكلتى كمان الالتزام بالمواعيد دةعندي شيء مقدس
بس انا عايزة اسألك حاجة هو انت عامل سلسلة مواضيـــــــــــع "" و أخرتــها ":D:D
الاول " و اخرتها مع التاكسي " و بعدين " و اخرتها مع الزحمة "
مع انتظار الجزء البثالث من " و اخرتــها "":)

لا يا ستى ربنا يسهلك وتتجوزى وتجيبى صبيان وبنات عشان يتنفخوا زينا كدة ، أمال يعنى نتنفخ احنا بس ، وان شاء الله كدة لما يكبروا ويبقوا قدنا فى عهد الرئيس البرنس حسنى جمال مبارك بإذن الله تكون مشكلة الزحمة دى فى إطار إيجاد حلول لها .... وابقى قابلينى ..

ودى مجرد خواطر من الخنقة اللى انا فيها بس مش أكتر .... اوعدك الموضوع الجاى هيبقى وأخرتها مع !!! ... مش عاوز احرقه عليكى ..

المشاركة الأصلية كتبت بواسطة abdelaziz-waleed

تقرير الحكومة سنة 2002 ان متوسط السرعة داخل القاهرة 40 كيلو في الساعة وفي سنة 2007 وصل 20 – 25 كيلو في الساعة فأنا عاوزك ماتقلقشي ان شاء الله على سنة 2013 هايكون متوسط السرعة 0 – 5 كيلو في الساعة وساعتها بقى الحكومة ممكن تدور على حل. صدقني الحل موجود وسهل جداً بس مكلف شوية

أولاً : نقل الوزارات والهيئات خارج القاهرة وكمان جامعة عين شمس طبعاً صعب جداً جامعة القاهرة.

ثانياً : اعادة تخطيط وتوسيع شوارع القاهرة عن طريق هدم المباني وتعويض اصحابها وانا عارف انه حل مستحيل ومكلف جداً بس في دول بتعمله
ثالثاً : تشديد الرقابة المرورية والالتزام بقواعد المرور (في المشمش)

يا باشا الحلول موجودة ومرطرطة ، على فكرة فى مواضيع كتير اتكلمت عالزحمة وكل واحد فينا أبدا رأيه وكله تمام ، بس الواحد ماشى زى الأطرش فى الزفة ، محدش عارف إذا كان الحكومة بتعمل على حل المشكلة ولا بتنيل ايه بالظبط ، طب ناوية ولا ؟؟؟ ، وزارة المواصلات دى بتنيل تعمل ايه مش فاهم ...

أوووف