وأخرتها مع الزحمــــــــــــة !!!
السلام عليكم
حاجات صغيرة اوى بتفرق جامد زى إنك ترجع تلاقى مكان تركن فيه تحت بيتك بعد الشغل ، والطريق ميبقاش زحمة كدة ، الحاجات دى بتفرق اوى ..
وبعدين !! ، يعنى المشوار ابو 5 دقايق بقى يتقطع فى نص ساعة دلوقتى ، دة كلام دة ، كل شوية اقف فى اشارة ربع ساعة .. دة مشوار العباسية لمصر الجديدة بقى يتاخد فى ساعة الا ربع دة اقل حاجة ! بالذمة دة كلام ...
طب وبعدين يعنى ، فيه استراتيجية محددة للحد من مشكلة الزحام دى ؟ ، انا عاوز اعرف هل فيه اجراءات تنفذ حاليا وايه هى ؟ انا سمعت انهم هيعملوا مترو انفاق جديد فى مصر الجديدة ، يتم افتتاحوا بعد 50 سنة ان شاء الله ! ، هما مستنيين لما البلد تقف بجد ولا ايه ...