رقم العضوية : 62193
تاريخ التسجيل : 15Feb2010
المشاركات : 380
النوع : ذكر
الاقامة : Cairo/Haram
السيارة: ديهاتسو شاريد90
السيارة[2]: شيفوليه لانوس2013
دراجة بخارية: no
الحالة :
السلام عليكم ورحمه الله وبركاته
اولا قبل ان ابدا كلامى احب ان اهنى الامه الاسلاميه بحلول شهر رمضان المبارك اعاده الله عليا باليمن والبركات ونسال الله ان يوفقنا لحسن عبادته وارضائه فى الشهر الكريم الهم تقبل منا جميعا
عاوز احكى لكم تجربه قاسيه جدا ( اسف تجربيتين ) مع شركه تامين وتوكيل سيارات وانا ح احكى لكم بالتفاصيل لحبى ان يكون ما حدث فيه افاده لباقى الاعضاء وارجو من الله ان يجنب الجميع ما حدث وارجو من الجميع سعه الصدر لانى اعتقد انى ساطيل الحديث
ح ابدا من شهر ابريل الماضى وكانت البدايه مع اختى وتمتلك سياره هيونداى i10
اشترت السياره وقامت بترخيصها وعمل بوليصه التامين الشامل بتاريخ 10/5/2009
فى يوم 28 ابريل 2010 وقع حادث تصادم لها ولن اخوض فى تفاصيل الحادث لانه ليس بموضوعنا ولكن كل ما ارجوه من الجميع ان يراعوا انهم لا يسيروا فى الطرق بمفردهم ولكن هناك سيارات اخرى وايضا ارجومنهم عدم السرعه حتى يتمكنوا من محاوله تلافى اى خطأ من الغير
المهم بعد الحادث اتصلت اختى بى وبلغتنى بمكانها وذهبت اليها وقررنا ان ننقل السياره بونش لقسم شرطه الهرم لعمل المحضر وده اول الشروط اللى شركه التامين بتتطلبها وعملنا المحضر وطلبت من امين الشرطه فى القسم ان اخد صوره رسميه من المحضر فقالى اعمل حواله فى البريد وعملتها فعلا واعطانى ملخص ببانات المحضر وختمه بختم النسر وارفق به الحواله
وبعدها نقلت السياره من القسم الى التوكيل فى ابو رواش وطلع مهندس لمعاينه السياره وخلصنا اجراءات تسليم السياره والمفروض اننا فى انتظار تليفون من التوكيل لابلاغنا باخر التطورات بعد معاينه خبير شركه التامين
وبعد تسليم السياره ذهبت اى شركه التامين وهى بالمناسبه الشركه المصريه للتامين التكافلى ومقرها 40ش سوريا وفوجئت انهم بيقولوا انى لازم ابلغ فى شركه اسمها موتور كير ومقرها خلف كارفور المعادى المهم ذهبت وطلبوا تصورير رخصه القياده لمالك السياره ورخصه القياده لسائق السياره وقت الحادث (الحمد لله انها نفس الشخص) ورخصه السياره وصوره طبق الاصل من محضر الشرطه وطبعا لما شافوا الصوره اللى قدمتها من المحضر اللى هيا (صوره ضوئيه من محضر الشرطه ومرفق به الحواله اللى عملتها ومرفق معهم المستخرج اللى به ملخص المحضر ومختوم بختم النسر ) طبعا رفضوا المحضر ده وطلبوا المحضر نفسه هو اللى يكون مختوم وطبعا ده كان لازم له مشوار لنيابه الهرم اللى فى الحى ال11 فى اكتوبر وده اخد له يومين عشان بهوات النيابه لما اتفضلوا وخلصوه وذهبت تانى ووديت المحضر
وطبعا اخذت صوره من كل الاوراق اللى سلمتها وخليتهم يختموا عليها بتاريخ الاستلام
بعدها باربعه ايام وجدت تليفون من احد الاشخاص فى التوكيل بيقول ان الخبير عاين السياره وقرر ان العربيه تعتبر هلاك كلى
ولازم نيجى ناخد العربيه عشان كل يوم ح يعدى ح يكون فى باركينج للعربيه 50 جنيه
المهم رحت موتور كير اسال ايه تفاصيل المعاينه وعلى اى اساس الخبير اخد القرار ده وطبعا الرد كان ( احنا مش عارفين عشان تقرير الخبير لسه ماوصلناش) طيب يوصل امتى ؟ ردوا كمان 4 ايام .
وبعد اربع ايام رحت تانى وطبعا كان الرد بالمثل لسه لا جديد وده اللى خلانى اتخانق واعلى صوتى وياسبحان اللى واضح ان لما ابتديت اتخانق التقرير بتاع الخبير وصل وقالولى كبير المهندسين بالشركه ح يقابلك
المهم قابلته وابتدينت اسال عن سبب التهليك وقلته وضح لى بالارقام مش عاوز كلام وخلاص وكان رده التالى
مبلغ التامين على العربيه 58000.00
الخبير قرر ان السعر السوقى للسياره الان هو 45000.00
(طيب على اساس ايه هو قرر ان ده السعر السوقى للعربيه ) طبعا مافيش رد مقنع كل اللى قالوه ان الخبير ده من الهيئه العامه للرقابه على التامين يعنى مش من الشركه
التامين ح يتحمل قيمه 40% من تصليح السياره حسب السعر السوقى لها مش السعر اللى هيا متأمن عليها بيه يعنى ال 40% على 45000 مش على 85000
وطلع ان المبلغ اللى ح تتحمله شركه التامين 18000
طيب ولو انى مش مقتنع بالكلام ده بس العربيه فيها ايه عشان تتكلف اكتر من 18000 قالى ده كشف قطع الغيار اللى العربيه محتاجاه ولما شوفت الكشف لقيت ده:
22000 قطع غيار
5000 مصنعيات
2700 ضريبه مبيعات
وفى قطع غيار مش متاكدين انها ح تتغير ولا لا وده مش ح يبان غير بعد الفك والبدأ فى التصليح
طيب قطع الغيار دى بكام
7000
وطبعا بعد تجميع الارقام دى المبلغ اصبح 36700 ( تخيلوا) انا ح ارفع ليكو شكل العربيع بس عشان تشوفوا اذا كانت تساوى المبلغ ده ولا لا
طبعا انا بحكى ليكم مش بالتفصيل المهم قررنا التهليك والكلام ده كان التاريخ 15/5/2010
ايه المطلوب قالوا احنا ح نبعت الملف للاداره فى 40ش سوريا وانت تتعامل معاهم هناك
طيب الملف ح يروح امتى قالوا يومين تلاته بالكتير المهم اليومين دول وصلوا لعشره ايام وطبعا مافيش مانع من الكثير من الخناق عشان الملف يوصل
المهم نيجى للاداره يوم 25/5
ايه المطلوب
احنا ح نعطيك خطاب للبنك (نسيت اقولكم ان العربيه قسط) ومضمون الخطاب ان الشركه بتطلب رفع الحظر عن السياره وهى ح ترسل شيك للبنك بمبلغ 45000 وعلى البنك ارسال الاوراق التاليه للشركه
· شهاده بيانات عن السياره موجهه للشهر العقارى + صوره ضوئيه للشركه
· رخصه للسياره ساريه بدون حظر
· اصل شهاده المخالفات
· عقد بيع مسجل بالشهر العقارى باسم الشركه
· تسليم السياره بحالتها وقت وقع الحادث دون اى نواقص حتى لايتم خصمها من التعويض
· تسليم مفاتيح السياره الاصليه للشركه
· تسليم اللوحات المعدنيه للشركه
طيب ياجماعه ازاى تطلبوا الطلبات دى من البنك المفروض ان اللى ح يعمل الاوراق دى هو صاحب السياره . الرد البنك عارف ده والجواب هما عارفينه كويس
طيب ازاى طلبين شهاده بيانات وفى نفس الوقت رخص ساريه ما الرخصه الساريه بتغنى عن شهاده البيانات . الرد لا لازم الاثنين
طيب عقد تسجيل الشهر العقارى ده بيكون على حساب المشترى مش البائع انتوا ح تتحملوه ؟ الاجابه لا طبعا
طيب عشان نريح دمغنا من اى كلام . اعتبر اللى انتوا بتعملوا ده لوى دراع وامر واقع للعملاء ولا يوجد مجال للنقاش؟ كان الرد هو الصمت
المهم رحنا البنك وهو بالمناسبه البنك التجارى الدولى فرع المهندسين فضلت ساعه تقريبا عشان حد يقدر يفهم المكتوب فى الخطاب وفى الاخر طلبت مدير البنك وكان غير موجود وقابلت مساعد مديرالفرع والمفاجئه الرد اللى قاله ان دى اول مره يشوف خطاب زى ده وطبعا استغربت ازاى ومعظم شركات السيارات بتتعامل مع بنككم فى التقسيط ؟ المهم بعد ساعه مناقشه خليته كلم المديرالمسئول عن الهلاك فى شركه التامين وبعد كلام كتير قفل وقالى انا بصراحه مافهمتش حاجه
التامين بيقول الجواب ممطلوب فيه اننا نفك الحظر عن سياره عليها اقساط
ازاى؟ من غير ما الاقساط تسدد؟ المهم فى الاخر اللى وصلناله انه ح يبعت الخطاب لاداره الائتمان الريسيه فى وسط البلد وهما اللى ح يقولوا كلمتهم
طيب امتى قال مش عارف بالظبط بس ممكن كمان اسبوع تسال ونشوف وصلنا لايه ( الكلام ده كان 20/5)
المهم دلوقتى مفيش غير اننا نسحب العربيه من التوكيل
رحت التوكيل وطلبت سحب العربيه قالوا طيب ح نجهز الملف وبعد نص ساعه طلبوا مبلغ 2970.00
ليه يا ناس؟
قالوا 2000 مقايسه العربيه اللى عرفوا منها العربيه ح تتكلف كام قلت لهم بس لما انا ح ادفع المبلغ ده يبقى المفروض انكم عرفتوا كل الحاجات اللى فلا العربيه وده يلغى بند قطع الغيار اللى بعد الفك ؟ كان الرد قطع الغيار اللى بعد الفك ده بيكون ساعه بدا التصليح لكن عشان اننا نفك العربيه ونراجع القطع دى وبعد كده تقرر انك مش ح تصلح العربيه يبقى التوكيل مش ح يقدر يجمع العربيه تانى يعنى ح تستلم العربيه مفككه
ضحكت بصراحه وانا مش مصدق كل اللى بشوفه وبسمعه
المهم بعد الفصال قدرت اشيل الباركينج ودفع 2000 جنيه ونقلت العربيه عند البيت
طبعا مكنش فى حاجه تتعمل لحد ما البنك يرد
احنا دلوقتى 28/5
عارفين جواب البنك طلع للمرور بتاريخ كام ؟
25/6...
طبعا كان المطلوب بعد كده عمل الاوراق من المرور
عقد تسجيل العربيه اتكلف 1700 ده غير باقى المصاريف تقريبا كله اتكلف 3500
وبعد االاوراق رحت الشركه قالوا خد جواب للمخزن عشان يستلموا منك العربيه وبعد التسليم جيب لنا جواب منهم مع باقى الاوراق
والمهم سلمت العربيه ووديت الاوراق كلها للشركه وده كان يوم 25/7 وقالو الشيك بيطلع بعد 25 يوم
دى حكايتى مع شركه التامين والتوكيل
المهم فى اول شهر 7 اخويا عمل حادثه بعربيته (هيونداى جيتز 2010)
طبعا نفس الاجراءات والحدوته اللى فاتت حصلت تانى بس المره دى كنت مصمم انى اعرف شويه من الكواليس وده اللى وصلت له
اول حاجه...
1.الاستاذ الخبير مش من الرقابه على التامين ولا حاجه ده خبيرفنى وشغلته انه بيعاين العربيات لمجوعه من شركات التامين ( يعنى شغل خاص) وده عرفته منه شخصيا كنت مره فى التوكيل وقابلته هناك وطبعا اتكلمنا وسألته انت بتحدد السعر السوقى ازاى يعنى اى اسس بتمشى عليها فى التحديد كان رده والله ما انا اللى بحدد السعر دى كل شركه تامين بيكون ليها نظام فى الحساب قلتله ازاى قولى مثل؟
قالى زى المصريه للتامين التكافلى اللى انت معاها هى حاطه النظام الاتى:
· العربيه موديل نفس السنه يعنى زى علابيه اخويا 2010 بيخصموا 15% من قيمه العربيه
· العربيه موديل 2009 بيخصموا 15% + 10% عن كل سنه بعد سنه الصنع
يعنى العربيه 2009 بيخصموا 25% واللى سنه 2008 بيخصموا 35% وهكذا
طبعا سالت الخبير وده فى كل الشركات قالى لا كلشركه ليها حسبه
يعنى مثلا مصر للتامين بتخصم من 5-7% بس
طيب ايه السبب فى الفرق ده ؟
قالى لكل شركه حسابها
طيب فين الرقابه على التامين من ده
ضحك وسكت
2.سالت اخويا واختى انتوا امنتوا على العربيات فى الشركه دى ليه ؟ وعرفتوها منين
كان الرد انه اجبارى الشركه ده عشان هيه متعاقده مع المصريه للسيارات ودى الشركه اللى هما اشتروا منها طبعا استغربت ايه السبب انهم يفرضوا شركه تامين بيعنها على المشترين لكن بعد البحث لقين ان رئيس مجلس اداره المصريه للتامين التكافلى هو عاطف عبيد . طبعا يبقى لازم يكون اجبارى الناس تتعاقد مع الشركه دى بالذات بس ياترى فى شركات تانى بنفس النظام ولا لا
الله اعلم
انا حبيت اوضح للناس هنا كيفيه التعامل مع شركات التامين من واقع تجربه شخصيه نقلتها هنا بكامل الحياديه وكتبت اللى حصل بالظبط
ارجو ان هذا يفيد الاعضاء واى استفسار انا موجود
واسف على الاطاله
كل علم وانتم بخير
[marq="3;right;2;scroll"]سبحانك اللهم وبحمدك
أشهد أن لا إله إلا أنت أستغفرك وأتوب إليك[/marq]
رقم العضوية : 62193
تاريخ التسجيل : 15Feb2010
المشاركات : 380
النوع : ذكر
الاقامة : Cairo/Haram
السيارة: ديهاتسو شاريد90
السيارة[2]: شيفوليه لانوس2013
دراجة بخارية: no
الحالة :
رقم العضوية : 39323
تاريخ التسجيل : 01May2009
المشاركات : 166
النوع : ذكر
الاقامة : heliopolis
السيارة: evo auto pkg 2
السيارة[2]: megane 2006
دراجة بخارية: no
الحالة :
طب حضرتك اخدت كام من سعر العربية السوقي
رقم العضوية : 76008
تاريخ التسجيل : 23Jul2010
المشاركات : 154
الحالة :
كنت ناوية اشترى العربية دى بس اللى شوفته خلانى مفكرش طب من راى حضرتك البيكانتو احسن ؟
رقم العضوية : 62193
تاريخ التسجيل : 15Feb2010
المشاركات : 380
النوع : ذكر
الاقامة : Cairo/Haram
السيارة: ديهاتسو شاريد90
السيارة[2]: شيفوليه لانوس2013
دراجة بخارية: no
الحالة :
حضرتك تقصد اى عربيه من الاثنين؟
عموما انا لسه ما اخدتش اى حاحه المفروض الشيك يطلع بعد 25 يوم من تسليم الاوراق
اسف انا كمان فى حاجه نسيتها وهى بعد ما ابتدينا نتناقش فى سعر التكهين فوجئت انهم كمان عاوزين يخصموا من السعر السوقى للعربيه 5% معرفش بتوع ايه وطبعا رفضت ده بس لسه مش عارف ايه اللى ح يحصل
[marq="3;right;2;scroll"]سبحانك اللهم وبحمدك
أشهد أن لا إله إلا أنت أستغفرك وأتوب إليك[/marq]
رقم العضوية : 62193
تاريخ التسجيل : 15Feb2010
المشاركات : 380
النوع : ذكر
الاقامة : Cairo/Haram
السيارة: ديهاتسو شاريد90
السيارة[2]: شيفوليه لانوس2013
دراجة بخارية: no
الحالة :
[marq="3;right;2;scroll"]سبحانك اللهم وبحمدك
أشهد أن لا إله إلا أنت أستغفرك وأتوب إليك[/marq]
رقم العضوية : 39323
تاريخ التسجيل : 01May2009
المشاركات : 166
النوع : ذكر
الاقامة : heliopolis
السيارة: evo auto pkg 2
السيارة[2]: megane 2006
دراجة بخارية: no
الحالة :
حضرتك انا اقصد من تاحية المبدا ف حالة الهلاك الكلي بتاخد كام من السعر السوقي
رقم العضوية : 39323
تاريخ التسجيل : 01May2009
المشاركات : 166
النوع : ذكر
الاقامة : heliopolis
السيارة: evo auto pkg 2
السيارة[2]: megane 2006
دراجة بخارية: no
الحالة :
اصل انا المفروض اامن مع الشركة دى فاية رايك في التعامل معاهم
رقم العضوية : 62193
تاريخ التسجيل : 15Feb2010
المشاركات : 380
النوع : ذكر
الاقامة : Cairo/Haram
السيارة: ديهاتسو شاريد90
السيارة[2]: شيفوليه لانوس2013
دراجة بخارية: no
الحالة :
رقم العضوية : 62193
تاريخ التسجيل : 15Feb2010
المشاركات : 380
النوع : ذكر
الاقامة : Cairo/Haram
السيارة: ديهاتسو شاريد90
السيارة[2]: شيفوليه لانوس2013
دراجة بخارية: no
الحالة :
[marq="3;right;2;scroll"]سبحانك اللهم وبحمدك
أشهد أن لا إله إلا أنت أستغفرك وأتوب إليك[/marq]
المفضلات