منعا للجدل وكثرة الكلام عن اسبيرانزا m11
السلام عليكم ورحمة الله
انا دكتور احمد واحد من ملاك العربيه ام 11
يا جماعه بصراحه انا بطلت اشارك في المنتدى بسبب لما اي حد بيتكلم اي كلمه عن العربيه الكل بيهاجمه ويقوله لا ومش عارف ايه بيحسسو الواحد انه اول مره في حياته يسوق ولا مجربش العربيات التانيه مع اني تقريبا مفيش عربيه مسقتهاش والعربيه اللي كانت معايا قبل ام 11 هي لانسر بوما 2008
بجد بتكون كتير ردود مستفزه مع ان الواحد وربنا يعلم والله لا بيخبي ولا بيكدب انا ولحد دلوقتي الحمدلله عربيتي لو رجع الزمن حجيبها تاني انا من كتر الكلام بتخيل حاجات مش فيها والله زي رد من الردود لما واحد بيقول الكيا كارينز قوه وثبات وتحفه واحسن من ام 11 يا جماعه ده بيقارن ازاي عربيه ب حوالي 106 الف بدي ازاي يعني
وغيره وغيره يا جماعه لما حد يقارن دي يقارنها بالأوبترا والالنترا مع انهم اغلى منها بس هي احسن منهم وعن تجربه لكن مش اقول والله البي ام احسن من ام حداشر بجد مقارنات متنفعش وغيرها لما يعارضو اي موقف بيحصل معايا كأن الواحد حيكدب ومش عارف ليه وفي مصلحة مين يا جماعه انا كنت في اسكندريه والعربيه انتشرت جدااااااااااا مش معقوله تكون فيها العيوب دي كلها والناس لسه بتشتري فيها ولو محدش مصدق ينزل ويشوف العربيه بنفسه ويسأل صحابها
وبصراحه العيوب اللي فعلا لاقيتها في ام 11 وعند معظم الناس الحدفه اليمين وكمان صوت في الشنطه من ورا والفتيس في المارش احيانا بيكون فيه عضه والهواء السخن اللي بيخش الكبينه عند الرجل
وكل ده حلوله بسيطه وبيعملوها في التوكيل صحيح عملو الصوت ورجع بس حروح ليهم تاني وهما ناس محترمه حقول ليهم وان شاء الله تتعمل فياجماعه بلاش مبالغه دي عربيه بخمسه وسبعين الف وبقت بسبعين عشان محدش يعارض يعني مش راكب توكتوك ولا غيره
وبعدين في كلام مستفز اكتر يقولك خليك في المضمون وهات لانوس او فيرنا هي اللانوس والفيرنا بقت مضمونه ههههههههههههه روح شوف ملاكها بيقولو عنها ايه
[overline]فبأختصار اي حد عايز يعرف العربيه على حقيقتها بجد بعيد عن كلام الناس روح اي مركز صيانه ابو الفتوح واسأل ملاك العربيه وشوفو حيقولو ليك ايه واظن ده اضمن حاجه للي عايز يشتري حيسمع منه لصاحب العربيه على طول [/overline]