الموضوع: منعا للجدل وكثرة الكلام عن اسبيرانزا m11

دكتور احد انا ملاحظ ان حضرتك بتستخدم و الله كتير

احنا من غير حلفان مصدقينك ان العربية ممتازة وانا لا اختلف معاك تمام و ال كل عربيات شيرى ممتازة

بس للاسف ابو الفتوح لما حب يجمعها فى مصر ضحك على الناس و استرخص اوى اوى اوى طبعا هو لازم يخش السوق بعد المشاكل المالية اللى عنده
طب يعمل ايه يجيب عربية من الصين و يحاول يرخص فى سعرها على حساب مكونتها و اللى بيسعده ان الصين ممكن تنزلك منتج بمواصفات اقل حسب السعر ( قله ضمير من الصينين مع جشع تجار ) و مش رخص فى سعرها لا ده كمان جمعها فى مصر
يعنى لا جودة و لا تقفيل يرضى حد
ونتج عنه ان الواحد بيستلم العربية هو و حظة بمعنى مفيش مشكله واحده عند الكل لا ده كوكتيل مشكاكل اللى عندك مش زى اللى عندى و ده سببه سوء التوكيل و اللى سعده غياب الضمير الصينى

مثلا التيجو اللى بتنزل فى ليبيا ولا اوروبا مختلفة تمام عن التيجو الى الاسف الناس المصرين فرحنين بها
مثلا فى 516 2000 سى سى بتقف فى ابو رواش اتفرج عليها و انت تعرف الفرق فى الضمير و الاستهانة بالناس

للاسف ابو الفتوح بس اللى عامل كده و اللى زودها انه ما بيعترفش بغلطة لا بيقاوح معاك و يفهمك ان انت عمرك ما ركبت عربية قبل كده

المشكله يا سيى الفاضل ليست فى سيارتنا بل فى التوكيل لانه مش من اسوا التوكيلات ده هو الفشل و السوء بعينه و اللى انا دايما بقول عليه انه لا يرقى الا ان يكون ورشه نقل عام ولا بيحاول يطور فى نفسه ولا بيهمه خدمه ما بعد البيه

وللاسف كمان انه رخص فى سعرها ده حاجة ما تفرحش ده تخوف لان انخفاض السعر ده على حساب الجودة اكتر ما هى بايظة

بالاضافة الى الرعب اللى عمله للناس فى ضمنها 5000 او 3 شهور يا يخرج من الضمان -- يعنى الواحد يبقى عامل بالعربية 10000 كيلو و يروح يعمل صيانة الرابعين عشان مدة الشهور هات اى توكيل تانى بيعمل الرعب ده فى نفوس الناس زى ابو الفتوح وده عشان يخرج الناس بدرى بدرى من الضمان بحجة ان الواحد مش منتظم فى الصيانات - ده يرضى حد شوف كام واحد خرج بسبب الموضوع ده

وشكرا لموضوعك

المشاركة الأصلية كتبت بواسطة dr_hadota

انا مش مختلف مع حضرتك ومش بنكر العيوب اكيد موجوده لكد بصراحه اننا نتفق مع بعض ونحاول نصلح عيوبنا زي اي حد احسن ميكون كل الحوار خناقات وردود وكل الحكايه دي
وانا عارف ان ابو الفتوح بيعمل كده اولا ام 11 اللي بره متشال منها حاجات كتير هنا غير طبعا التقفيل المصري بس مش للدرجه اللي الناس بتتكلم عليها مكل العربيات بتتجمع هنا مرسيدس وبي ام وحاجات كتيره جدا
واه موضوع التوكيل له عيوب بس برضو ليه مميزات يعني ياريت نتفق كلنا مع بعض ونشوف حلول لأي مشكله موجوده عندنا عشان دي عربياتنا ومن مصلحتنا انها تكون احسن
عارف العربيه ام 11 دي لو هي هي مفيش اي فرق نازله تحت اسم شركه تانيه رينو ولا متسوبيشي ولا نيسان ولا شيفروليه مكانش حد قال كل ده بالعكس كانت حتكون العربيه رقم واحد في فئتها واعلى كمان
فياريت الكلام والتفكير بموضوعيه عشان نستفيد مش عشان نتخانق ونقول فيه ولا مفيش
وشكرا ليكم كلكم

احنا لازم نتحد فى وش ابو الفتوح

فاكر الاخوة الافاضل اللى كان عندهم مشكله فى ال m11 وجمعوا نفسهم كلهم فى يوم و طلعوا على ابو الفتوح و عمللوا محضر شرطة بالاعطال اللى عندهم ( بالذمه فى توكيل محترم فى الدنيا يوصل العملاء للمرحله ده انهم يعملو محضر جماعى و جوة مركز الخدمه) وفعلا اخدوا حقهم منه -- و بعد الفضيحة ده ابتى ابو الفتوح يخاف من العملاء و ابتدا من سكات يغير مشكله الدينموا بتاعت العربية من نفسه

فعلا لازم نتحد بدل ما نتخانق ونقعد نقول اصله كان تابع لابو الفتوح اصله بياخد منه فلوس , اصله لما بطل ياخد فلوس قلب عليه

كل سنة و حضرتك طيب