-
جيبت 523 موديل 2001
يا وحوش أنا إشتريت الحمدلله 523i موديل 2001 لون فيراني.الحالة العامة للعربية ما شاء الله ممتازة و ماشية 124000 كيلو متر فقط.ينقصها بعض الرفايع زي :
1- جريدة أبانوس في الباب الخلفي يمين ( الجريدة موجودة ناقصها الكلبسات )
2- القوايم الأمامية البطانة بتاعتها فكت من الشمس ( القماش) وعاوزة تتلصق.
3- طقم السيرفيس بتاع العربية ودي حاجة طبيعية طبعا.
4- السي دي بتاعها شغال بس عاوز نظافة عشان بيتأخر في قراءة الأسطوانات.
5- ودي أسوأ حاجة فيها إن صاحبها كان معفن جدا.محتاجة غسلة متينة أوي.وفيها ريحة مش ظريفة عاوز أعرف أنظفها في المحطة و في حاجة تضيع الريحة دي ولا لا.
6- إيه الكماليات اللي ممكن أشتريها. عاوز أراء الناس في النقاط دي في أسرع وقت ممكن لو سمحتم.علي فكرة أنا كشفت عليها في البافاريا أبو رواش والمهندس قال عليها عربية بيتي.الحمد لله.منتظر ردودكم
-
أولا مبروك يا باشا وربنا يديك خيرها ويكفيك شرها..
ثانيا الاضافات اللي انا لو مكانك أركبها:
1- رنجات زينون.
2- مرايات فولدنج.
3- جنوط M5 أو Alpina.
بعد الحاجات دي هتلاقي الناس كلها بتحلف بعربيتك.وحوار الريحة ده هتضيع لما توديها تتغسل بس ابقي وصي الولد اللي بيغسل..ومبروك لتاني مره يا باشا...
-
الف مبروك و ربنا يكفيك شرها
-
-
الله يبارك فيكم يا رجالة..متشكر جدا..بالنسبة للعربية هي فيها فرايات فولدنج..والجنوط اللي فيها حلوه.بالنسبة للرنجات بقي أجيبها منين وتتكلف كام.
-
تبدأ تضبط السيارة M5 هيكون شكلها تحفه!
إكصدامات, عتب, هوايات, فوانيس رينجات, مرايات فولدنج تويست
محل الهلباوى فى شارع دمشق! روح هناك وقول له أنا من طرف عمرو
26 ش دمشق, روكسى ت:22595426 - 0122959230
بالأمانه أحسن محل فى ش دمشق بالكامل يبيع إكسسوارات بى إم دبليو
http://i233.photobucket.com/albums/e...zri/bmwm51.jpg
http://www.horsepowerfreaks.com/misc...shm5/HPFM5.jpg
http://severinghaus.org/gallery/d/19..._e39_m5_sm.jpg
-
الف الف مبروك على العربيه ......بالنسبه للقماش اللى وقع من الشمس روح لحربى فى الحرفيين ده احسن سروجى فى بر مصر المحروسه اما بالنسبه للتعديلات الخارجيه فالحرفيين مليانه اكسسوارات شيك و رخيصه و فى واحد كهربائي هناك تحفه اسمه عادل عبقرينو فى الشارع بتاع المرسيدس الواد فعلا عبقرينو و ربنا يديلك خيرها و يكفيك شرها ......ملاحظه اخيره و نصيحه اخويه اوعى تسيب العربيه او تآمن لاى حد مهما ان كان الحاجه تتعمل قدام عنيك هاتبقي زى الفل هاتمشى و تسيب العربيه يبقى يعوض الله علي العربيه ......و ربنا يوفقك....
-
الف الف مبروك على العربيه
-
الف مبروك و ربنا يكفيك شرها
-
ألف مبروك
تكلفة الكشف كانت كام ? و أخبار االعفشة و العزل و النظام الصوتي و التليفون إيه ?
العربية دي في رأي الكثير من الخبراء هي أفضل سيدان على الإطلاق
Content Relevant URLs by
vBSEO 3.6.0 PL2