مش معقولة ؟؟؟؟

**محمد المرسي** · 26-05-2007 03:54 AM

إلى كل أعضاء المنتدى ..
فى الفترة الأخيرة وعلى الرغم من مرور فترة قصيرة من عمر المنتدى بدأت مشاكل كثيرة تظهر (كأن محدش طايق حد) ..
الموضوع أصبح سخيف جداً .. وسبب أحباط للكثيرين .. مش معقولة بعد أن كنتم مجموعة مميزة جداً فى التعامل يصبح هكذا الحال ..
ومن غير المعقول أن أدخل إلى المنتدى بتاعى اللى المفروض أنه بتاع أصحابى (سواء إدارة أو أعضاء) وأشوف مثل هذه التعاملات المخيبة للأمال ..

مش هأقول أننى سانسحب من المنتدى لكن سأدخل بدون مشاركات مثل الضيوف ..
أنا عارف أن كلامي لن يهم الكثيرين .. ادخل أخرج .. أشارك او لا أشارك .. أنسحب أو منسحبش .. مش مهم .. أنا لست من أصحاب الموقع ولست من أصدقاء أحد من الأعضاء ..
لكن ما لا تعرفونه أنتم مدى تعلقى بكم .. ومدى حبى لكم .. يكفى أننى أدخل على الأنترنت عن طريق التليفون لأتعرف عليكم .. ودخولى على الأنترنت أصبح كثيراً جدا لدرجة تجعلنى لا أندهش إذا أتت الفاتورة بمقابل كبير .. ومع ذلك فانا غير مهتم لأننى أريد أن أراكم أطول فترة ممكنة ..

أنا آسف لقد أطلت عليكم ..

وإلى اللقاء حين تحين الأقدار ..

**Abdallah** · 26-05-2007 01:51 PM

يا سيد محمد اى عضو فى المنتدى هو عضو مؤثر وفعال وعمود من الاعمدة التى تحمل هذا المنتدى, الانسحاب او ما شابه ليس حل, الموضوع بسيط وباذن الله هيتحل قريب ولكن هذا ليس معناه ان ننسحب ونترك الساحة خاوية, من سيتحدث ويكتب اذا ؟؟؟؟
كلا انا اختلف معك تماما وايضا يجب الا تقول اننا لا نهتم بدخولك او خروجك, انت مش داخل على يهود يا اخى , اكيد طبعا يهمنا انك تكون موجود معانا وتشاركنا فى كل شىء سواء الافراح او الاتراح, نحن هنا اسرة واحدة واختلاف اثنين من الاسرة شىء وارد ولذا لا يجب ان نعطيه اكبر من حجمه....
وبالنسبة لموضوع التليفون هات خط ADSL ارخص بكتير من الفاتور واسرع كمان او ممكن تاخد وصلة من اى سايبر جمبك.

**محمد المشد** · 26-05-2007 02:25 PM

انا ايضاً مع الاخ ابو عبد الله ياخ محمد ! ما هكذا يتم الانسحاب عضو تلو العضو ! من قال لك انك غير فعال او خلافة كل عضو هو عضو ذو فاعلية وله قيمة عظيمة لدينا ، ومهما كان الاختلاف فهذا شىء صحى صحيح الواحد فى بعض الاحيان تأخذة الحمية لترك المنتدى ويقول ماذا يجبرنى على تحمل بعض الكلمات ولكن يجب ان ندرب انفسنا على تحمل اى شىء حتى وان كان يختلف معنا فى الرأى او الفكر ! يااخى انتى مسمعتش عن تقبل الاخر انا بقى عايز اعرف مين الاخر دة ؟
ياابو حميد جزاك الله كل خير احنا مصدقنا اتصالح جنيدى مع حفناوى ! قلى بس عيزنى اصلحك على مين ! ولا مين اللى مزعلك !
اذا كنت مستغنى فنحن لن نستغنى عن اى عضو خاصة المحترمين امثالكم

**وائل عطية** · 26-05-2007 02:30 PM

أستاذ محمد المرسي
تم حل الموضوع على خير
وبعدين ياجماعة الاختلاف وارد في أي تجمع واحنا أكثر من 700 عضو أكيد مش لينا نفس الطباع فمن الوارد قوي الاختلاف
فيجب علينا التحلى بالحنكة الاجتماعية لكي لا نفقد صديق

**PAYOO** · 26-05-2007 02:33 PM

المشاركة الأصلية كتبت بواسطة محمد المرسي

لكن ما لا تعرفونه أنتم مدى تعلقى بكم .. ومدى حبى لكم .. يكفى أننى أدخل على الأنترنت عن طريق التليفون لأتعرف عليكم .. ودخولى على الأنترنت أصبح كثيراً جدا لدرجة تجعلنى لا أندهش إذا أتت الفاتورة بمقابل كبير .. ومع ذلك فانا غير مهتم لأننى أريد أن أراكم أطول فترة ممكنة ..

أنا آسف لقد أطلت عليكم ..

وإلى اللقاء حين تحين الأقدار ..

والله الواحد مش عارف يرد يقول أيه على الكلام الجميل ده والمشاعر الطيبه دي ؟

بصراحه أنا مش لاقي كلام اقوله غير إن حال الدنيا كده شوية فرح وشوية حزن شوية أتفاق وشوية أختلاف وأحنا هنا بنمثل حال الدنيا شوية في مجتمعنا الصغير ده

وأحب أطمنك إن الموضوع إللي ضايققك مش هاتكرر تاني خالص

وعاوز أقرا تعليقك يا محمد باشا

**محمد المشد** · 26-05-2007 02:36 PM

حدد يا اخ بايو فيه محمدات كثير واعتقد انى باشا بس مش عارف محمد مرسى اخد الباشاوية ولا لسة بك ! ياعم محمد اضحك انتى هتلاقى ناس احسن من كدة وائل عطية وبايو وسبعاوى ......... الخ

**وائل عطية** · 26-05-2007 02:39 PM

ياعم محمد اضحك انتى هتلاقى ناس احسن من كدة وائل عطية وبايو وسبعاوى ......... الخ

وانت قبل الكل ياأستاذ محمد باشا المشد

**PAYOO** · 26-05-2007 02:45 PM

المشاركة الأصلية كتبت بواسطة محمد المشد

حدد يا اخ بايو فيه محمدات كثير واعتقد انى باشا بس مش عارف محمد مرسى اخد الباشاوية ولا لسة بك ! ياعم محمد اضحك انتى هتلاقى ناس احسن من كدة وائل عطية وبايو وسبعاوى ......... الخ

تصدق وتأمن بالـ لله ؟ أنا من كتر معزتكم عندي حضرتك وأ/محمد المرسي بتلخبط بينكم خصوصا أنكم أنتم الاتنين أســـبـــرنـــزاويـــه ههههههههههههههه

والأنتم الأتنين على خلق عالي وتتميزوا بروح طيبه جدا

بس أنا كان كلامي لاستاذ محمد الأسبرنزاوي رقم 45 ههههههههههه

**محمد المشد** · 26-05-2007 02:53 PM

وصلت الرسالة من سعادة الاستاذ بايو والمبجل وائل باشا ،
ول يخرج الكلام الحلو دوت إلا من ناس حلوة ومحترمة ياريت كل الناس تعى معنى ان الكلمة الطيبة صدقة
وارجع يامرسى ......... المنتدى بمثقفية ومفكرية يتمنوا عودتكم بأسرع وقت ممكن

**وائل عطية** · 26-05-2007 02:58 PM

وارجع يامرسى .........

واضح إن الأستاذ محمد مرsee في المنتدى اليومين اللي فاتوا
بس نوعدك إنك للحلوsee إن شاء الله

الموضوع: مش معقولة ؟؟؟؟

LinkBack

أدوات الموضوع

عرض

مش معقولة ؟؟؟؟ - انشر الموضوع فى :

-

-

-

-

المواضيع المتشابهه

هل هذه الأسعار معقولة ؟

معقولة السعر ده ؟؟؟

هو الثواب بالعافية مش معقولة كدة

معقولة !!!! دا يحصل بجد ولا خدعة !!!

معقولة سعر السيارة دي كدة؟؟؟

الكلمات الدلالية لهذا الموضوع

المفضلات

المفضلات

ضوابط المشاركة