وهي الحكومه حتقولك قوم صلي؟؟؟
ما اللي عاوز يقوم يقوم
ايه اللي دخل الحكومه في الموضوع ؟؟؟
عرض للطباعة
دخل الحكومة فى انها سمحت للاعلام انة ينشر الحجات دية وبدون اى رقابة
حتى ان بعض المسئولين متخوفين من العرى والتدخين اللى فى مسلسلات رمضان وقرروا انهم حيكتبوا فى مشاهد التدخين فى المسلسلات التدخين ضار جدا بالصحة لكن مشاهد العرى قالوا لسة بيشوفوا المسلسلات وممكن يحذفوها والخبر مكتوب فى المصرى اليوم
طيب الاولى انهم يسمحوا بعرض الاعمال المحترمة فقط مش الاسفاف بتاع زهرة وازواجها الخمسة والانحطاط الاخلاقى دة فى شهر كريم
ويكون الاهتمام والتركيز على البرامج الدينية الهادفة اللى تخلى الناس ترجع لربها فى شهر كريم وبالتالى الناس حتقوم تصلى حتى الغافل منهم حيقوم لكن لما يلاقى ملهيات قد يشجعة ذللك على ترك الصلاة
ودة تلفزيون الحكومة يعنى الرقيب الاول والاخير على الجهاز دة وعلى ما يعرض علية انما شوف اعلانات التلفزيون رمضان حصرى على التلفزيون المصرى قمة السفة
الموضوع فى القنوات دى بقى زى المخدرات
ايوه بالضبط زى تعاطى المخدرات .... بيعرضلك اللى هو عايزه و امعانا فى ذل المشاهد بيقوللك انك مش هتقدر تغمض عنيك لانك ضعيف و مذلول و محتاج لاشباع شهواتك باللى بيعرضوه .
شوفوا الذل وصل بالمشاهدين لدرجة ايه !!!
اللهم ارنا الحق حقا و ارزقنا اتباعه و ارنا الباطل باطلا و ارزقنا اجتنابه!
فعلا أتفق أن الحكومة بيكون ليها دور فى "تربية " الفرد...
زي ما المخدرات و الحشيش ممنوعين...ليه ميمنعوش المناظر دي؟
الحاجة العجيبة أنا مش فاهم مين بيشوف المسلسلات دي؟ لو أعتبرنا المنتدي نموذج مصغر لتجمع مصري..مش هتلاقى أي حد فينا بيتفرج عليهم...معرفش بيعرضوهم ليه و لمين. حرام يحرقوا قلب الشباب اللى متجوزش بدل ما يقربوا لربنا يرزقهم فى الشهر ده بيعذبوهم بزيادة
برضه مش عارف ازاي الممثل يجيله قلب يعمل مسلسل عارف انه هيتعرض فى رمضان و أنه ممكن يكون سبب فى ألهاء انسان فى شهر المفروض أنه فرصة للعبادة.
الحمد لله و ربنا يباركلنا كل اللى فى المنتدي اننا معندناش استعداد نشوف الحاجات دي.
طيب ليه منبقاش ايجابين ونبطل فرجة على التلفزيون فى رمضان
ومش لوحدينا ...لا ننصح كل اللى حواليا بالموضوع ده
مهو احنا لو قعدنا نشتم فى المنتجين ميت سنة مش حتفرق معاهم حاجة
لكن لو الناس بطلت تتفرج يوم واحد حالهم حيقف وحيحترموا نفسهم
تليفزيون المحل عندي وقع وباظ ومش ناوي اصلحه غير بعد رمضان
وفي البيت طول عمرنا مش غاويين مسلسلات ولا يحزنون
فيه ناس غريبه بقي بشوفهم
قدام التليفزيون بيحولوا لعين وودن ويفقدوا باقي الحواس
وعاملين جداول للمسلسلات باوقاتها وبقنواتها
وممكن يشوفوا نفس الحلقه مرتين وتلاته في اليوم
وبيقعدوا يكلموا التليفزيون كمان
بيجيلي اشمئزاز من النوعيه دي
" متابع مسلسلات رمضان ... مش هتقدر تاخد ( ثواب ) "
مصائب قوم عند قوم فوائد
ورزق ال... على ال......