شوية استفسارات عن ipad

**Eslam.Elrefaey** · 06-08-2010 12:22 AM

كنت عايز اجيب ipad وكنت عايز اعرف كام حاجة كده زى اجيبه 3g ولا بلاش وهوا شغال فى مصر ولا لأ والفرق يستاهل ولا لأ وكنت عايز اعرف حاجة ال3g بيبقى زياده فيه gps ولا لأ واخيرن نيجى للسعر سعره هيبقى عامل كام انهارده فى ارخص حته فى مصر وفى حاجة كمان لخبيطنى علشان انا هبعت اجيبه من فرنسا فلقيت سعره مثلا 500 يورو وفى امريكا 500 دولار ففى دلوقتى فرق عمله بس ولا فى فرق تانى مغلى بتاع فرنسا وتنصحونى اجيبه منين وانهى فئه فيه فى النهايه

**amrbakly** · 06-08-2010 02:30 AM

أرخص حتة هي أمريكا من الأخر لأي حاجة أبل

بس علشان تبقي عارف الأي باد لأني فعلا تعاملت معاه

أولا هو أي فون كبير مفيهوش أي إفتكاس
ثانيا بالغ الغباء في انة بيشغل أبليكيشن واحدة فقط ولا يمكن تشغيل إتنين أبليكيشن حتي في نفس الوقت

بدون ثري جي حيبقي مكلف جدا لأن كل ما تقعد في كافية مثلا ولا حاجة حتبقي مضطر تجيب كارت إنترنت

الثري جي حيوفر عليك كتيييييييييييير جدا في الإتصال بالأنترنت

**Scuderia.M** · 06-08-2010 02:58 AM

ال3G لسة مش هيشتغل في مصر دلوقتي عشان محتاج Micro SIM Card... بس Vodafone هتنزلها قريب...
أظن لو نزلت هيبقى ليها Plan بـمصاريف كل شهر وطبعا إنت عارف احنا بيضحك علينا إزاي في الحاجات دي.

وفعلا من أسوأ عالحاجات اللي في إنه مينفعش multi tasking
Apple لازم تتغابه في حاجة
الإتنين فيهم GPS بس الفرق إن ال.3G في زيادة A-GPS ودي طريقة بتعتمد على ابراج ارسال الموبايل عشان تحديد الموقع لو مش نافع connectivity بـال قمر الصناعي..

**aliabutaleb** · 06-08-2010 03:41 AM

أرخص حتة هي أمريكا من الأخر لأي حاجة أبل

الكلام ده مش مظبوط تماماً لأن آيفون 4 المفتوح رسمياً أرخص 3 أماكن له في العالم هم كندا وهونج كونج وسنغافورة، وهو غير متوافر مفتوح رسمي من الأصل في أمريكا

أولا هو أي فون كبير مفيهوش أي إفتكاس

مظنش نقدر نقول عليه آيفون كبير إلا إذا كان حضرتك تقصد في الشكل فقط لأن الآيباد لا يمكن إجراء مكالمات منه

ال3G لسة مش هيشتغل في مصر دلوقتي عشان محتاج Micro SIM Card... بس Vodafone هتنزلها قريب...

للعلم اتصالات كمان هاتنزل المايكروسيم قريباً جداً
ولغاية ما ينزل ممكن قص السيم على مقاس الميكرو
انا نفسي قصتها بدون مساعدة إلا من الفيديو ده

YouTube - ‫ط·ط±ظٹظ‚ط© ظ‚طµ ظƒط§ط±طھ ط´ط±ظٹط.ط© ط§ظ„ط¥طھطµط§ظ„ ط§ظ„ط³ظٹظ… ظ„ظٹطµط¨ط. ظ…ط§ظٹظƒط±ظˆ ط³ظٹظ…‬&lrm;

**zalpany2000** · 06-08-2010 03:46 AM

بصراحة انا لحد النهارده مامسكتش الجهاز بس حاسس انه مالوش معني ومش عملي
يعني لو نيت بووك هايبقي عملي كتير عن الجهاز ده وطبعا بربع الثمن

**medo_2060** · 06-08-2010 04:48 AM

منتجات ابل كلها ممتازه بس دايما بيعملوا حاجه غريبه كدا بغباء تخلى ناس كتير تسيب اجهزتهم
شوف حضرتك محتاج الجهاز فى ايه لان لو جبت نوت بوك فى رأى هيبقى افضل وسهل حمله عكس الاى باد هيبقى متعب فى حمله والشاشه الكبيره بتاعته معرضه انها تتكسر مثلا او يحصلها حاجه بسبب حجمه وطريقه حمله

**mazagngi2010** · 06-08-2010 07:05 AM

اللى اعرفه ان فيه مشاكل فى الوايرلس بتاع ال i pad

**أحمد كمال** · 06-08-2010 11:41 AM

المشاركة الأصلية كتبت بواسطة Eslam.Elrefaey

كنت عايز اجيب ipad وكنت عايز اعرف كام حاجة كده زى اجيبه 3g ولا بلاش وهوا شغال فى مصر ولا لأ والفرق يستاهل ولا لأ وكنت عايز اعرف حاجة ال3g بيبقى زياده فيه gps ولا لأ واخيرن نيجى للسعر سعره هيبقى عامل كام انهارده فى ارخص حته فى مصر وفى حاجة كمان لخبيطنى علشان انا هبعت اجيبه من فرنسا فلقيت سعره مثلا 500 يورو وفى امريكا 500 دولار ففى دلوقتى فرق عمله بس ولا فى فرق تانى مغلى بتاع فرنسا وتنصحونى اجيبه منين وانهى فئه فيه فى النهايه

هاته 3G

ايوة شغال في مصر

في مصر حرامية ما تجيبوش من مصر ...... هاته من امريكا .....

مفيش فرق مغلي بتاع فرنسا ..... اسعار الالكترونيات في فرنسا و اوروبا عموما اغلى من امريكا

المشاركة الأصلية كتبت بواسطة amrbakly

ثانيا بالغ الغباء في انة بيشغل أبليكيشن واحدة فقط ولا يمكن تشغيل إتنين أبليكيشن حتي في نفس الوقت

لو عملت له Jailbreak ممكن تنزل برنامج مجاني اسمه Backgrounder يسمح لك بال multitasking

المشاركة الأصلية كتبت بواسطة Scuderia.M

ال3G لسة مش هيشتغل في مصر دلوقتي عشان محتاج Micro SIM Card... بس Vodafone هتنزلها قريب...

ممكن تقص السيم العادي و تحطها في الايباد ..... انا معايا ايفون 4 و قاصص السيم و حاطه فيه و شغال عال .... و اصحابي معاهم ايباد و قاصين السيم و حاطينه فيه اخر حلاوة

و واحد صاحبي جاب قطاعة سيم بتقطعه على اسطمبة بالمللي :)

المشاركة الأصلية كتبت بواسطة mazagngi2010

اللى اعرفه ان فيه مشاكل فى الوايرلس بتاع ال i pad

كلام جرايد يا ريس .......

-

الموضوع: شوية استفسارات عن ipad

LinkBack

أدوات الموضوع

عرض

-

-

-

-

-

-

المواضيع المتشابهه

شوية استفسارات

شوية استفسارات

شوية استفسارات

شوية استفسارات gen 2

شوية استفسارات

الكلمات الدلالية لهذا الموضوع

المفضلات

المفضلات

ضوابط المشاركة