قطرى يغير زيت لسيارته فى لندن ب 260 ألف جنية!!

ووفقا لما ذكرته صحف بريطانية يوم امس فان الثري القطري دفع مايوازي 47 ألف دولار امريكي كتكلفة اجمالية لرحلة تغيير
زيت محرك سيارته الفارهة في رحلة بلغت مسافتها عشرة الاف
كيلومتر . واشارت التقارير أن السيارة التي يبلغ ثمنها 380 ألف
دولار امريكي تم شحنها بطائرة الى مطار هيثرو في لندن وبعدها
تم تبديل زيت محركها في ورشة صيانة خاصة بسيارات اللامبرغيني
وكانت تكلفة تبديل زيت المحرك نحو 7 الاف دولار . اما الـ 40الف
المتبقية فهي اجور الشحن الجوي ذهابا وايابا !!!!
اما سبب استياء الحركتين البيئيتين وحسب ماذكرته صحيفة ديلي تليغراف
فانهم يرون ان حجم التلوث البيئي جراء نقل السيارة ذهابا وايابا
اكبر بكثير من رغبة صاحب اللامبرغيني في استبدال زيت محركها .



http://www.up7up.com/pics/n/28/1217624708.jpg

طبعا شوفوا حضراتكم يأكلوا كام اسرة فقيرة ولا بلاش شوفوا يجيبوا كام عربية جديدة
حسبنا الله ونعم الوكيل
عايز أشوف رأى حضراتكم

ممكن نعرف مصدر الخبر. اصل الخبر بيقول امس و في الحقيقه الخبر اتكتب من سنه بردو بنفس التفاصيل.

تفتكر دي صيانة ال ١٠٠٠٠ ؟!!

هذا الخبر له أكثر من سنه

وللأسف هو حملة لتشويه العرب

زي لما اليهود يقتلوا 2000 فلسطيني ومفيش مشكلة
ولما ندبح الخرفان في العيد يخرجوا جمعية حقوق الخرفان يقولوا المسلمين الوحوش بيدبحوا الخرفان يا عيني

حضرتك الخبر كتب فى ملحق الجمهوريةالاسبوعى للسيارات يوم الاربعاء الماضى
الجمهورية أوتو بتاريخ 4/8
وبعدين حضرتك القطريين مشهورين بالبزخ عادى يعنى وفى ناس كمان بتغير زيت فى فرنسا
وعادى عندهم مش خبر متفبرك يعنى

مش عرفيين يعملوا ايه بالفلوس

هو اكيد اللي كاتب الموضوع مش هو اللي مفبركه إن شاء الله بس هو الموضوع بيقول انا متفبرك طب ما هو كان ممكن بال 47 الف دولار دول يعمل ورشة عنده في قطر ويبعت يجيب الزيت اللي هو عايزه من أي حتة وكل دا ميجيبش المبلغ ده

والله انا من ساعة مارحت الدول المتخللفه الى اسمها الدول الخليجيه دى وانا دايما اقول " البطر وحش " من كتر العربيات الجديده المرميه خرده فالشوارع واراضى الفضاء

ممكن نوع الزيت علشان أحط منه؟

ياترى كدة ممكن تكون عربيتو طلعت من الضمان ولا لا
اصل التوكيل في ايطاليا وهو راح لندن

اقتباس:

---

المشاركة الأصلية كتبت بواسطة felix

ياترى كدة ممكن تكون عربيتو طلعت من الضمان ولا لا
اصل التوكيل في ايطاليا وهو راح لندن

---

بيقوللك الواد اللى بيغير الزيت فى لندن شاطر عن اللى فى إيطاليا

ده مبلغ يجيب بي ام دبليو مستريح

اقتباس:

---

المشاركة الأصلية كتبت بواسطة dr ahmed

ممكن نوع الزيت علشان أحط منه؟

---

ممكن اروح مع العربيه هي وبتغير زيت

ثمن تغيير الزيت وأكيد معاه فلتر 7000 دولار والباقى شحن
وبحسبة بسيطة = 39000 جنية مصرى
مش عارف جركن زيت أية دا الى بالسعر دا
طب فكرة أحلى ماياخد عربيتى ويدينى ثمن جركن الزيت دا
كتر الفلوس برضوا وحش يا جماعة

والله هو اللي مضحكني تعليقاتكم الجميلة ههههههههههههههه
لكن الخبر مش لذيذ خالص و بيبين عبط اللي عمل الحركة ديه يلا ربنا يسامحه و يهديه :)

منظلمهوش يارجالة اصلي طبة الزيت بتتفتح بمفتاح معين مش موجود غير في لندن :F_eyeb1[1]:

الخليجيين بيصرفوا ببذخ و مسرفين بس مش لدرجة يبعت العربية لندن عشان تغيير زيت ,, ما يستورد الزيت و يغيره في أنظف ورشه في بلده ,و بعدين السوبر كارز ليهم توكيلات في الخليج لأن ده @أهم سوق سيارات بعد أمريكا


مع احترامي الخبر ده فيه حاجة غلط أو العربية رايحة تعمل عمرة لكن مش غيار زيت

لا حول ولا قوة الا بالله

اقتباس:

---

المشاركة الأصلية كتبت بواسطة mazagangee

الخليجيين بيصرفوا ببذخ و مسرفين بس مش لدرجة يبعت العربية لندن عشان تغيير زيت ,, ما يستورد الزيت و يغيره في أنظف ورشه في بلده ,و بعدين السوبر كارز ليهم توكيلات في الخليج لأن ده @أهم سوق سيارات بعد أمريكا


مع احترامي الخبر ده فيه حاجة غلط أو العربية رايحة تعمل عمرة لكن مش غيار زيت

---

يمكن توكيل لامبورجيني عندهم مش ولابد يعني ومش قد كده ... والناس بتشتكي كتير منه في الخليج عشان كده قرر يسفرها للعلاج بره .

اولا ياجماعه بعض الناس الاثرياء بيحبو البزخ وليس كل الخليجيين وده للتصحيح لان بصراحه معظمهم ناس محترمه وطيبين جدا
زى ما بعض اثرياء مصر بيبعتو يجيبو العشاء من باريس بالطائرات ولوازم اعياد ميلاد اولادهم
2- فلوسه وحيتحاسب عليها يعنى اترسم على الناس فى الدنيا بفلوسه وحايتظبط فى الاخرة بفلوسه بقى والحساب عسير

ياريت ياجماعه العنوان فى لندن بالظبط علشان عايز اغير زيت!!!!!!!!