هل طقم الدبرياج ممكن يكون ليه دور المشكله دي؟؟؟؟

السلام عليكم ورحمة الله وبركاته

عندي سوال بخصوص طقم الدبرياج في كورولا 2006 1300 سي سي العربيه ماشيه 125 الف كم وانا صاحبها اللاول وكنت غيرت اسطوانه عند 90 الف والفتره الاخيره دي بدات تظهر نفس اعراض الرجرجه ع الاولاني او في الزحمه

بس سوالي هوا

عندي رعشه في الطاره بسيطه
هل طقم الدبرياج ممكن يعمل الرعشه البسيطه دي والعربيه ماشيه وواخده الغيار وشايل رجلي من ع الدبرياج
ولا ملهاش علاقه خالص
علما بان الكاوتش جديد ومترصص والزويا مظبوطه والعفشه متربطه والقواعد تمام والجنوط بردو تمام

انا كده كده عارف اني قربت اغير طقم دبرياج كامل بس حبيت اسال هل فعلا ممكن يكون ليه دور في الهزه اللي تحت ايدي في الطاره وانا ماشي؟؟؟

حبيت بردو اقول لحضراتكم انهم قالولي ان جلدة عمود الدركسيون متاكله عندي ولازم تتغير وانها هيا اللي عمله الرعشه البسيطه دي بس للاسف مش لاقيها جديدهكل اللي بلاقيه عمود دركسون جديد مش استراد لان الاستيراد بيكون الباور بتاعه كهرباء مش زيت(الدركسون بيبقى جهة اليمين)
وكل اللي ممكن اعملو اني اروح افصلها جلده تيفلون
بس اللي خلاني اكتب الموضوع اني قريت هنا في المنتدى ان ممكن يكون الطقم ليه دور في الهزه دي؟؟؟

او بمعنى اخر هل هوا اللي عامل رعشه في العربيه ورجه بسيطه اثناء المشي
ولا دي مشكلة كهرباء؟؟؟

برجاء الرد

انا ليه دايما اسالتي ما بيتردش عليها بسرعه؟؟؟؟؟؟؟؟؟

محتاج مساعدتكم

ماتبقوش انتم والعربيه عليا :(

الرجة الي في الدركسيون من علبة الدركسيون
موضوع الرعشة في الاولاني والزحمة دي الدسك المة الجايه غير الطقم كله بالطقم الأصلي

وبعدبن ماتستعجلش الناس انها ترد ممكن يمونوا مشغولين شوية او مايعرفوش
وكل سنة وانت طيب

تسلم وكل سنه وانت طيب

اقتباس:

---

بس اللي خلاني اكتب الموضوع اني قريت هنا في المنتدى ان ممكن يكون الطقم ليه دور في الهزه دي؟؟؟

---

اللى قريته سليم

وبالذات أنك غيرت أسطوانه فقط

ومغيرتش طقم دبرياج كامل

وممكن تكون الرجه دى من وش الفلام ( مش مستوى تماما )

أو عيب فى ديسك الدبرياج ( اللى مغيرتوش )

شكرا يا هندسة

بس ليه اسمك تحتو موقوف؟.؟؟؟؟؟؟...؟؟؟

طيب يا هندسة الاحساس بالرجه اللي حضرتك قلت عنو انه ناتج عن وش الفلام ده ممكن يخليني احس ان العفشة مش مظبوطه بالمرة

بالنسبة بردو لموضوع الكبس على دواسة البنزين للاخر بحس ان التسارع بمزاج العربيه مش على حسب الدوسه يعني العربيه لما بدوسلها جااامد ما بتجريش؟؟... وهل استهلاك الوقود بطريقة اكثر من السابق ليه علاقة بردو بطقم الدبرياج؟؟

اسف على الاطالة.........

مفتكرش ان طقم الدربياج ليه علاقة باستهلاك البنزين الدبرياج يعمل رعشة سحب العربية يخف علشان الديسك و الاسطوانة رايحين النار يعنى كده
لكن استهلاك البنزين و طقم الدبرياج مفتكرش انا عاوز اغير طقم دبرياج كامل من حوالى شهر و ماشى بيها تمام و استهلاك بنزين عادى

لا انا العربيه سحب البنزين فارق معايا كتير عن الاول برغم ان الفللاتر والبوجيهات مكمولش شهرين وعلطول بحطلها بنزين 92 من نفس النزينه اللي جنب البيت

اقتباس:

---

طيب يا هندسة الاحساس بالرجه اللي حضرتك قلت عنو انه ناتج عن وش الفلام ده ممكن يخليني احس ان العفشة مش مظبوطه بالمرة

---

نعم

اقتباس:

---

بالنسبة بردو لموضوع الكبس على دواسة البنزين للاخر بحس ان التسارع بمزاج العربيه مش على حسب الدوسه يعني العربيه لما بدوسلها جااامد ما بتجريش؟؟...

---

الدبرياج لازم يتغير كله ( أسطوانه وديسك وبليه )

دى مكونات مستهلكه وعمرها مرتبط ببعض

فغلط كبير الصراحه أن الواحد يغير أسطوانه بس ويسيب الباقى

فقوة سوست الديسك ( مستحيل الميكانيكى يقدر يحددها ويحدد كفاءتها بمجرد النظر مثلا )

اقتباس:

---

وهل استهلاك الوقود بطريقة اكثر من السابق ليه علاقة بردو بطقم الدبرياج؟؟

---

نعم فهذا وارد بشده

وبالذات حينما يكون هناك تفويت داخلى بالدبرياج نتيجة عدم الربط الجيد بين المكونات

والمسئول عن هذا الربط الجيد هو سوست الديسك

السلام عليكم ورحمة اللة وبركاتة
عندى سيارة b y d f 3 وفيها عضة جامدة جامدة فى دواسة البنزين وارجو الاهتمام والرد

اسالوا اهل الذكر ان كنتم لا تعلمون
ياريت حد يرد عليا فى موضوع العضة بتاعة دواسة البنزين

اقتباس:

---

المشاركة الأصلية كتبت بواسطة yoyooooooooooo

اسالوا اهل الذكر ان كنتم لا تعلمون
ياريت حد يرد عليا فى موضوع العضة بتاعة دواسة البنزين

---

انت احسن تروح المنتدى بتاعها و هوة هنا على الموقع على فكرة دخلته مرة و كانوا قايلين كل حاجة عن الموديل ده الاحسن انك تروح هناك هتلاقى افادة و خبرة احسن بكتير لان دول من مالكى العربية دى ده رايى الشخصى بدون التقيليل من خبرة اى عضو

شكرا يا بشمهندس على الردود
وجزاك الله كل خير