ياريت حد يقولى طريق مختصر لرأس البر

**sallam** · 06-08-2010 02:35 AM

السلام عليكم
عايز اصيف فى رأس البر وعمرى ما سلكت هذا الطريق فأرجو إن احد المخضرمين فى السفر والرحلات يدلنى على طيق مختصر وسريع وامان التوقيع مصيف

**abosharbat** · 10-08-2010 09:11 PM

متابع باهتمام ويكون الطريق مثلا من مصر الجديدة او الدائرى او صلاح سالم

**Mohamed_Ayman** · 15-08-2010 02:03 PM

وعليكم السلام ورحمة الله ، وكل سنة وانتم بخير ،

أفضل طريق ، القاهرة / الاسماعيلية ، حوالى 250 كم
(طوالى لحد م تلاقى مدخل الاسماعيلية ، وأمامها اشارة للاتجاة لليسار لبورسعيد ، ادخل شمال (فى مطبات حديد وبنزينة) طريق بورسعيد ، قبل بورسعيد بحوالى 5 أو 6 كيلو تلاقى لافتة دمياط يو تيرن ثم يمين ، بعدها طوالى تانى لحد م توصل الطريق الساحلى بين بورسعيد / دمياط بتلاقى مفارق يمين يرجع بورسعيد وشمال دمياط تاخد شمال طبعا ، وبعد حوالى 30 كم تبقى فى دمياط
توصل لكورنيش النيل وتاخد يو تيرن لحد الكوبرى المعدنى عدى الكوبرى وامشى طوالى 9 كيلو تبقى فى رأس البر وحمد لله على السلامة ومصيف سعيد.

**farafiroooo** · 18-08-2010 06:38 AM

وفي طريق تاني من الزراعي 50 ك تقريبا وتدخل طريق يمين المنصورة / دمياط / ميت غمر وده حوالي 150 ك هتعدي علي بلاد كتير اجا و كفر ابو سعد وكفر البطيخ وكتير مش فاكر امهم بعد كفر البطيخ هتلاقي مدخل راس البر من الناحية التانية هتاخد يو تيرن وتدخل يمين وده فرايي آمن لان في مطبات كتير وبتمشي علي مهلك ، انا معاك المطبات لوحدها بتاخد وقت كتير وتعب فالسواقة بس مش مهم الطريق ياخد وقت
وربنا يستر عليك وتوصل بالسلامة