احترسوا من الرادارات

**gta10** · 06-08-2010 02:45 AM

يا جماعة انا عملت الموضوع ده لان الطرق دلوقتى فيها كاميرات رادار و الكلام ده على الطرق الصحراوية و الطريق الدائرى و على فكرة موجود على الطريق الدائرى على مسافات قريبة جدا من بعض يعنى فى حدود كل 3 كيلو متر فى كاميرا رادار ثابتة على جنب الطريق و على فكرة شغالة طول اليوم يعنى الصبح و باليل و اى حد ممكن يشوفها هى لونها رمادى فاتح بس العدسات بتاعتها بتبقى موجهه على ظهر العربية و معظم الكاميرات مافيش بعدها كمين يعنى اللى هايتصور هايدفع المخالفة كاملة و المخالفة دلوقتى وصلت ل1000 جنيه و الفورية ب150 فياريت الكل ياخد باله و يبلغ اى حد يعرفه.......و شكرا

**mr_vampire** · 06-08-2010 03:02 AM

شكرا يامعلم بس مقدمتش شوية ليييييييييييييييييييييه؟؟ ؟؟ دنا لسة متصور عالزراعي صورة بفلاشر متهيالي مصر كلها شافوني ومتهيالي صورني وانا بضحك كمان عشان الصورة تطلع حلوة . شكرا ياعم عالتحذير اوعو ياجماعة تتصورو صور الاستوديهات احلي وارخص ميت مرة

**zoro007** · 06-08-2010 08:06 PM

على فكره ياجماعه انا بتمسك رادر اكتر من مره وبيطلع امين الشرطه راجل ابن حلال وبيعدينى
لانى دايما على مبهدى سرعتى بكون اتمسكت على 94 ومره كانت على 92
فبقوله ياباشا انتا عارف الرقم دا فى العداد عندى بيبقى عامل ازاى بيبقى ربع سنتى بعد ال 90 يعنى ممكن اكون سرحت او السرعه زادت بسيط بيروح مدينى الرخص ويقلى اتفضل ياباشا صراحه فيه ناس ولاد حلال والاكتر ان ربنا ساترها معايا

وللعلم انا بكون ماشى على اكتر من 100 لكن الرادار بيلقطها اقل من الطبيعى مش عارف ازاى .. اجهزه خربانه

وللمعلومه طريق اسكندريه الصحراوى مفهوش كاميرات ثابته بيبقى رادار وبعديه كمين

**gta10** · 07-08-2010 02:35 AM

يا استاذ زورو انا ماقولتش ان طريق اسكندرية فيه كاميرات ثابته انا قولت فى طرق صحراوية بس انا مش عارفها انا واحد اللى قالى الكلام ده بس انا شوفت زيادة عن 12 كاميرا على الطريق الدائرى

**Mostafa Hessen** · 07-08-2010 04:07 PM

فعلا يا جماعة موضوع الدائرى صح حطو 5 رادارات فى كل جنب ثابتة من غير كمين

كل واحد ياخد باله

**wael2sh** · 08-08-2010 12:07 PM

أنا سمعت في الراديو الصبح إن في 16 رادار ثابت على الطريق الدائري القاتمية وكان وصلني الاميل ده عن الأماكن الفيها الرادار وقالوا في الراديو الال أماكن بتتغير كل فترة نصيحة التزموا بسرعة المحددة 90 كم على الدائري
email
Dear All
Please watch out your speed limit on ring road, the max. Allowed speed is 90 km/h.
There are now (10) fixed speed cams (radar) currently working on south ring road:
Section 1: The section between mubarak academy and 90th street tunnel (3 radars on both sides)
section 2: Before and after the mercedes showroom (2 radars in maadi direction)
section 3: One radar in front of sama tower
one radar in front of british school
one radar in front of carrefour
section 4: Two radars in front of cadbury (in both directions)
وعلى فكرة الرادار ده شغال دلؤتي وهيتغير مكانه كل فترة