الموضوع: من فضلكم عايز اجابة هل هناك قانون مرور فى مصر يمنع ركوب الاولاد فى الكراسى الاماميه

أنا لا أذكر أبداً انى شفت أو سمعت عن مادة كده فى قانون المرور المصرى ، يعنى أصلاً موضوع الحزام ابتدى من قريب و بعد كده المثلث و شنطة الأسعاف. هما بيحاولوا يصلحوا القانون بس بيعملوا الحاجات الهايفة الأول.

و انا برده شايف انو لا احنا ولا اهالينا ولا أولادنا مهمين عند الحكومة . يا راجل يا طيب ده فى ملايين مش خايفة على ولادها ، شوف كام أب بيسوق و أبنه قاعد على حجره و كام أب بيسوق و ولاده طلعين من شباك العربية و خلاص هيقعوا و كام أب بيسوق و ولاده طالعين من فتحة السقف ، يعنى لو فرمل مره واحده 99.999% الولد ده يا هيموت يهيعيش معوق لا قدر الله بقية حياته.

أنا شخصياً شايف انو حتى لو الحكومة معملتش قانون ( و انا موافق ان ده تقصير فظيع و قصور فى القانون) لازم احنا نخاف على ولادنا و نربيهم على أخلاق القيادة الصح زى ربط الحزام و الأطفال تحت 12 سنة فى الكنبة اللى ورا و محدش يقعد على حجر حد و كل الحاجات ده هيبقى الموضوع ده جزء من شخصيتهم و بعد كده مش هيحتاجوا قانون عشان يعملوه.

شكراً على فتح الموضوع و فى انتظار أراء باقى الاعضاء

والله انا شايف ان احنا نخاف على ولادنا الاول وبعدين الحكومة تخاف عليهم
يعني لا بشوف حد بيركب عياله ويلبسهم الحزام ولا اي حاجة من ديه
مش بعيد لو الواد جيه يلبس الحزام ابوه يقولو "وتخنق نفسك ليه"