اروح إزاي الخليفة المأمون؟؟؟؟ رايح الصبح ومش عارف الطريق خاااالص

السلام عليكم ورحمه الله وبركاته

يا شباب
أنا عندي بكره الصبح الساعه عشره كورس في فندق تريومف في شارع الخليفة المأمون في مصر الجديده
وأنا مليش خالص في المنطقة بتاعه عين شمس ومدينه نصر دي
معرفش أروحلها نهائي

أنا هتحرك على سبعه كده إن شاء الله من المنوفيه
يعني هطلع زراعي
هيكون قدامي الدائري ثم نزله مدينه نصر أو إني أخش من ناحية المؤسسه وبعدين الكورنيش
تختاروللي إيه منهم؟
وأكمل إزاي لحد شارع الخليفة المأمون
يعني لو دائري، بعد ما انزل نزله مدينه نصر، أعمل إيه بالتفصيل؟
ولو وسط البلد، يبقى بالتفصيل الممل من أول كورنيش شبرا مصر لحد شارع الخليفة المأمون. لإني في موضوع وسط البلد دا للأسف بطيخة

ياريت يا جماعه سرعه الرد علشان زي ما إنتوا شايفين أنا مزنوووووق جدا

هو انا زمان لما كنت بروح قبل ما اجيب العربية كنت بركب المترو القدييييم "ال بيمشي فوق الارض دا وعامل زي التوك توك"
وبنزل في محطة روكسي الخليفة
وال اعرفه انه قريب من سراي القبة و من ميدان ابن سندر "مش عارف دا اسم الميدان ولا حاجة شبهه"
وقريب برضو من منشية البكري

بص يا باشا
انت احسنلك طبعا تنزل نزله مدينه نصر
و من مدينه نصر فى كذا طريق للوصول
اولهم و اسرعهم للفندق
شارع الطيران و تاخد النفق هتلاقى فى يمين و فى شمال
انت خليك فى اليمين
و اول ما تطلع من النفق هتلاقى دخله يمين
ادخلها
اخر الشارع ده اشاره او تقاطع يعنى
هاتبص على شمالك هتلاقى الفندق
تقوم لافف و راكن و انت كده وصلت بلاسلامه
و اى حاجه اى سؤال اى اسفسار انا تحت امرك
انا ساكن هناك اصلا