العربيات ارتفع سعرها 15%

العربيات ارتفع سعرها 15% ايوة العنوان انت قرأته مظبوط دي العربيات الزيرو كلها زادت 15% رسم تنمية جمركية ( مش عارف عايزين ينموا فيها ايه اللهي يوقف نموهم)
طبعا ده حيخلي كل المقدمين علي الشراء يصابوا باحباط وكل اللي عنده عربية شارية مثلا ب 100 الف جنية اصبحت بين يوم وليلة ب 115 الف جنية :verygood:
ونفس الكلام علي المستعمل برده بس بتبقي النسبة ااقل يعني حوالي من 9 الي 11%
علي فكرة الكلام ده واخدة من القصراوي توكيل مازدا وهيونداي في طنطا
بصراحة انا اول ما سمعت الخبر فرحت جدا جدا
عربيتي كانت جايبالي 65 دلوقتي اتكلم ف 71 بقلب مييييييييت

اللي أعرفه هو ادخال قيمة ضمان وصيانة العربية المستوردة في التعريفة الجمركية بدلاً من كونها مجاناً

من حقك تفرح ومن حق الناس التانية تزعل ..
ربنا يكون في عون الي كان مستني يشتري ..
والحمدلله اشتريت قبل شهر من الان قبل غلاء الاسعار ..

المالية تنفي زيادة الجمارك على "المستورد" !!

اقتباس:

---

المشاركة الأصلية كتبت بواسطة shooter123

العربيات ارتفع سعرها 15% ايوة العنوان انت قرأته مظبوط دي العربيات الزيرو كلها زادت 15% رسم تنمية جمركية ( مش عارف عايزين ينموا فيها ايه اللهي يوقف نموهم)
طبعا ده حيخلي كل المقدمين علي الشراء يصابوا باحباط وكل اللي عنده عربية شارية مثلا ب 100 الف جنية اصبحت بين يوم وليلة ب 115 الف جنية :verygood:
ونفس الكلام علي المستعمل برده بس بتبقي النسبة ااقل يعني حوالي من 9 الي 11%
علي فكرة الكلام ده واخدة من القصراوي توكيل مازدا وهيونداي في طنطا
بصراحة انا اول ما سمعت الخبر فرحت جدا جدا
عربيتي كانت جايبالي 65 دلوقتي اتكلم ف 71 بقلب مييييييييت

---

وتفرح ليه ما انت لما تيجى تشترى عربيه جديده فرق 6 الاف هتدفعه 9 فى العربيه الجديده

يعنى حاجه تزعل

اقتباس:

---

المشاركة الأصلية كتبت بواسطة mahamedaraby

وتفرح ليه ما انت لما تيجى تشترى عربيه جديده فرق 6 الاف هتدفعه 9 فى العربيه الجديده

يعنى حاجه تزعل

---

ده كلام موزون

الكلام ده مش صحيح بالمرة

اقتباس:

---

المشاركة الأصلية كتبت بواسطة د.محمود صلاح

اللي أعرفه هو ادخال قيمة ضمان وصيانة العربية المستوردة في التعريفة الجمركية بدلاً من كونها مجاناً

---

فعلا هوه ده السبب الرئيسى لارتفاع الاسعار بجانب موضوع تطبيق العشر مواصفات والبقية تاتى:fdsa:
مش عارف كده بقى كل ميطبقو عشر مواضفات بعشر مواضفات هنلاقى ارتفاع فى الاسعار كل شوية ولا ايه..بجد حاجة تحرق الدم
الحمد لله انى لسه شارى من 6شهور بدل الهم اللى احنا فيه ده

اقتباس:

---

المشاركة الأصلية كتبت بواسطة mo7a_mo7a

الكلام ده مش صحيح بالمرة

---

للاسف صحيح...اقرى اهرام النهاردة هتلاقيهم كاتبين كل حاجة بالتفصيل بس اللى مكتوب فى الاهرام ان العربيات زادت من 3-5 % من قيمتها
الله اعلم ايه الرقم الصحيح بس المهم انها زادت بالفعل

علي فكرة مفيش اي زياده في جمارك العربياتContactCars | المالية تنفي زيادة الجمارك على &#34المستورد&#34
بس اكيد الوكيل ما يصدق يسمع اي حاجه و يقوم مزود الاسعار في ساعتها.

اقتباس:

---

المشاركة الأصلية كتبت بواسطة darkomed

علي فكرة مفيش اي زياده في جمارك العربياتcontactcars | المالية تنفي زيادة الجمارك على &#34المستورد&#34
بس اكيد الوكيل ما يصدق يسمع اي حاجه و يقوم مزود الاسعار في ساعتها.

---

ياباشا المالية تنفى ايه بس ماهى لازم تنفى
هوه حضرتك بتصدق!!!!!!!!
اقرى اهرام النهاردة وانت تفهم الحكاية
العربيات زادت من 3-5 % من قيمتها
والسبب تطبيق قرار جديد خاص بالجمارك وهو ادخال قيمة ضمان وصيانة العربية المستوردة في التعريفة الجمركية بدلاً من كونها مجاناً
بجانب قرار تطبيق المواصفات العشرة

كده هيحصل بلبلة جامدة في سوق العربيات سواء الجديدة أو المستعملة و المستعملة اكتر و هيفضل فترة لغاية لما الرؤية توضح و سعر السوق الجديد يفرض نفسه على كل الناس ,

دا بدل ما العربيات ترخص بيدوروا على اي حاجة تغليها ,
كأن الشعب ده مش المفروض يركب حاجة كويسة ابدأ ....

طب انت تتوقع الاسعار هتزيد ولا التخفيض العشرة ف الميه اللي علي جمارك الاوروبي هيعادل الزياده دي.

وزارة المالية نفت الكلام دة
والله اعلم

الوزير نفى هذا الكلام
وبعدين لا يجوز فرض ضرائب إلا بقانون
ومجلس الشعب حاليا مش منعقد أصلا

اين الحقيقه............؟:_Alshmokh08[1]:

اقتباس:

---

المشاركة الأصلية كتبت بواسطة محمد ابراهيم 1

الوزير نفى هذا الكلام
وبعدين لا يجوز فرض ضرائب إلا بقانون
ومجلس الشعب حاليا مش منعقد أصلا

---

هذا الكلام لايطبق في مصر
التجار ما بيصدقوا اي اشاعه علشان يرفعو الاسعار
اي سلعه مش العربيات بس
طالما مفيش رقيب وحد ها يحاسبهم يعملوا اللي هما عايزينه

حاجه مش ممكن انا كنت ناوي اغير اليومين دول

اقتباس:

---

المشاركة الأصلية كتبت بواسطة darkomed

طب انت تتوقع الاسعار هتزيد ولا التخفيض العشرة ف الميه اللي علي جمارك الاوروبي هيعادل الزياده دي.

---

حتى لو يعادل الزيادة اكيد الاسعار هتزيد عشان انت اكيد فى مصر

الخلاصة ..
لو كان الخبر صح او لو كانت اشاعة : كله هيظييط ويرفع سعر العربية سواء كان زيرو او مستعمل

واضح إن إحنا اللى هنصدى وفلوسنا هتعدى

في الأهرام وزير المالية بيقول لا صحة لتعديل التعريفة الجمركية وكلامه واضح ان مفيش جمرك علي الضمان والصيانة والنقل الداخلي دي علاقة بين المستورد والمشتري والجمرك بيتحسب علي قيمة الفاتورة الفعلية يعني مفيش جمرك علي الضمان ده كلام بكش المقالة في الأهرام صفحة 7
اما الزيادة اللي هي 3 ل 5 في المية دي استهبال من التجار وهي زادت بناء علي البنود العشرة للمواصفات ادت للزيادة دي علي اساس انها مكنتش موجودة او تم تبديل الخامات لأستخدام خامات تطابق المواصفات الجديدة يعني كلام بكش
وفي ملحق السيارات برضه الجمرك مرتبط بالفاتورة الفعلية المقدمة من المستورد واختلاف وزيادة الجمرك لسببين 1- اسعار العملة
2- زيادة الكماليات والمواصفات
يعني اقتناعي ان كلام زيادة العربيات ده بكش منو يزود مكسبه ويخلص من العربيات اللي مركونة ويلحق يبيع اكبر كمية قبل ما تيجي تخفيضات السنة الجديدة بالنسبة للاوروبي

اقتباس:

---

المشاركة الأصلية كتبت بواسطة mohd2

في الأهرام وزير المالية بيقول لا صحة لتعديل التعريفة الجمركية وكلامه واضح ان مفيش جمرك علي الضمان والصيانة والنقل الداخلي دي علاقة بين المستورد والمشتري والجمرك بيتحسب علي قيمة الفاتورة الفعلية يعني مفيش جمرك علي الضمان ده كلام بكش المقالة في الأهرام صفحة 7
اما الزيادة اللي هي 3 ل 5 في المية دي استهبال من التجار وهي زادت بناء علي البنود العشرة للمواصفات ادت للزيادة دي علي اساس انها مكنتش موجودة او تم تبديل الخامات لأستخدام خامات تطابق المواصفات الجديدة يعني كلام بكش
وفي ملحق السيارات برضه الجمرك مرتبط بالفاتورة الفعلية المقدمة من المستورد واختلاف وزيادة الجمرك لسببين 1- اسعار العملة
2- زيادة الكماليات والمواصفات
يعني اقتناعي ان كلام زيادة العربيات ده بكش منو يزود مكسبه ويخلص من العربيات اللي مركونة ويلحق يبيع اكبر كمية قبل ما تيجي تخفيضات السنة الجديدة بالنسبة للاوروبي

---

مع احترامي... اقرا ملحق الاهرام للسيارت الصفحة الاولى هتلاقي في زيادة في الجمارك

اقتباس:

---

المشاركة الأصلية كتبت بواسطة hugan

طالما مفيش رقيب وحد ها يحاسبهم يعملوا اللي هما عايزينه

---

هذا هو مربط الفرس

أحنا عارفين ان دا حيحصل من الاول
يعنى أشتركوا فى اتفاقية الجات ويخفضوا 40%من قيمة الجمرك ويزودا 60% ضرايب ورسوم مثلا
متوقع اية ياعنى من بلد ذى دى وعلى فكرة فى رسم تنمية مفروض على العربيات الجديدة من سنة 2004
مش مشكلة نخلية رسمين او تلاتة
ومدام المواطن بيشترى ولدية قدرة شرائية أنوا بيتفرج على العربيات الجديدة يبقى لازم نفرمة ونطلع الفلوس الى معاه كلها ونسيبة ملط فعلا دى رفاهية
معلش عشان بس محصركمش
فى السعودية كابريس 2006 وأكيد ناس كتير تعرف ياعنى اية كابرس ب 20000 ريال
ولتر البنزبن 45 هللة يعنى 60 قرش
مايجبوش فى مصر لانوس على بنزين 80 ياعنى عيش وطعمية
يارب ارحمنا برحمتك من البلد دى

أكيد الكلام ده مش مضبوط ياجماعه زي إشاعة زيادة أسعار البنزين قبل كده.... نصبر شويه لتحري الدقه ولا ننساق وراء كلام التجار والموزعين اللي مابيصدقوا أي إشاعه عشان هوا يرفعوا الأسعار.

اقتباس:

---

المشاركة الأصلية كتبت بواسطة drmax

للاسف صحيح...اقرى اهرام النهاردة هتلاقيهم كاتبين كل حاجة بالتفصيل بس اللى مكتوب فى الاهرام ان العربيات زادت من 3-5 % من قيمتها
الله اعلم ايه الرقم الصحيح بس المهم انها زادت بالفعل

---

الاهرام عندي وقريته
مفيش الكلام ده ال 5% اللي انت تقصدها نسبة الضمان من ثمن العربية
الموضوع اضخم زيادة عن اللزوم

اقتباس:

---

المشاركة الأصلية كتبت بواسطة mo7a_mo7a

الاهرام عندي وقريته
مفيش الكلام ده ال 5% اللي انت تقصدها نسبة الضمان من ثمن العربية
الموضوع اضخم زيادة عن اللزوم

---

ده نص الكلام فى الاهرام فى اول صفحة حضرتك راجعو تانى ومفيش تضخيم ولا حاجة...حضرتك مش عايز تصدق بس دى كل الحكاية :)..وليك حق لانها حاجة غريبة فعلا

"وفجاة صحت السوق المصرية والشركات والوكلاء والتجار على قرار وزارة المالية الجديد بضرورة اخضاع الفاتورة كلها للجمارك بما فيها هذا الجزء - يقصدو بيه تكاليف الصيانة اللى كانت مبتخضعش للجمارك قبل كده - ويترتب على ذلك زيادة فى سعر السيارات من 3 - 5 % من قيمتها الحالية.وبعد صدور هذا القرار المفاجىء سادت حالة من القلق والارتباك بين اوساط شركات السيارات ولم يجرؤ اى وكيل على التوجه للجمارك لتخليص شحنة سياراته واصبحت الحالة متوقفة مترقبين ما سيسفر عنه هذا القرار"

اعتقد كده الامور وضحت

اقتباس:

---

ده نص الكلام فى الاهرام فى اول صفحة حضرتك راجعو تانى ومفيش تضخيم ولا حاجة...حضرتك مش عايز تصدق بس دى كل الحكاية :)..وليك حق لانها حاجة غريبة فعلا

"وفجاة صحت السوق المصرية والشركات والوكلاء والتجار على قرار وزارة المالية الجديد بضرورة اخضاع الفاتورة كلها للجمارك بما فيها هذا الجزء - يقصدو بيه تكاليف الصيانة اللى كانت مبتخضعش للجمارك قبل كده - ويترتب على ذلك زيادة فى سعر السيارات من 3 - 5 % من قيمتها الحالية.وبعد صدور هذا القرار المفاجىء سادت حالة من القلق والارتباك بين اوساط شركات السيارات ولم يجرؤ اى وكيل على التوجه للجمارك لتخليص شحنة سياراته واصبحت الحالة متوقفة مترقبين ما سيسفر عنه هذا القرار"

اعتقد كده الامور وضحت

---

الاهرام نشر الكلام الفارغ دا فعلا و طلع وزير المالية نفى الكلام الفارغ دا

اللى عرفته من الجرائد ان الضريبة دى موجوده اصلا فى القانون بس ماكنوش بيحصلوها من المستوردين وقال الوزير انه ماينفعش نتغاضى عن حق الدوله وحايفعلوها يعنى موش قانون جديد

انا مش بصدق اى جريده حكوميه سواء الاخبار او الاهرام دول اصلا بيستهبلوا وهو فيه اصلا حد بيقرا جرايد الايام ديه

اقتباس:

---

اللى عرفته من الجرائد ان الضريبة دى موجوده اصلا فى القانون بس ماكنوش بيحصلوها من المستوردين وقال الوزير انه ماينفعش نتغاضى عن حق الدوله وحايفعلوها يعنى موش قانون جديد

---

الوزير نفى اساسا ان فى حاجة اسمها ضريبة على الضمان و لا الصيانة و الكلام الفارغ دا
بعدين معروف حركات ان صحفيين يقبضوا علشان ينشروا اخبار كاذبة علشان مصلحة تجار فعادى الموضوع يعنى.
أقرا تفاصيل الخبر دا كويس و عنوان الخبر
ContactCars | المالية تنفي زيادة الجمارك على &#34المستورد&#34

انا عايز افهم دلوقتي يعني ايه جمرك علي الضمان والصيانة في حاجة لسه زيرو مشتغلتش ازاي بيحسب جمرك علي صيانة مفترض انها لسه متعملتش وايه معني مصاريف ضمان
وبيتحطو ازاي علي فاتورة حاجة لسه مشتغلتش عشان يبقي ليها مصاريف صيانة

بصراحة مش عارف استوعب

يا جماعه شوفوا اهرام الجمعة ملحق السيارات
وفعلا هي حاجة مش كويسة انهم يرفعوا سعر العربيات الله يخرب بيتهم

حتترفع اذا كانت اللحمة اترفع سعرها

يعنى اشترى دلوقتى ولا استنى شوية

يا جدعان افهمو الخبر كويــــــس
انا نزلت عربيتي من بره و جمركتها و فاهمه كويـــس
هو ماغيش أي ضريبة مفروضة زادت .. هو كان فيه حركة قرعة بيعملها المستورد مع المورد بأنه يسددله كامل التمن بس المورد يكتبهوله في الفاتورة علي جزئين .. ربع و 3 اربع .. و الربع قال ايه .. صيانـــة !!! فمايدفعش عليه جمارك
الحكومة فقست الحركة .. فبقي بيدفع الجمرك بحق ربنا .. هو المفروض مايزودش السعر .. هو يقلل المكسب بس .. لكن هيهات
حيزودوا حيزودوا

يادي الخيبة
:(

بين المطرقة و السندان