عرض للطباعة
انا مش شايف اى خبطه؟؟؟؟؟
ياريت صوره اوضح
عادي جداً .. السمكري هيشيل فرش الباب بس ويتعامل عادي .. بسيطة متقلقش
اه
انت تقصد الاماكن اللى فى الصوره
لكن متقصدش الخبطات
عموما حسب الخبطه نفسها يعنى هتترد ع البارد ولا سمكره وبويه
وحسب الصنايعنى اللى انت رايحله كمان
وهل البويه وقعت من اثر الخبطه ولا لاء؟
لو الباب بوية فابريقة و معاليهوش اي معجون السمكري يقدر يردها عالبارد بدون حموات و مش حاتبان الا بسيط و مش حاتحتاج دهان
اما لو سبق و اترش الجزء دة و علية معجون (ستوك) مش حاينفع لان الستوك حايقع مع الدق و ساعتها لازم الباب يترش تاني بالكامل لو لون ميتاليك
لو سادة ممكن مرمة وبس
حاول تنزل الحرفيين وتشتري باب بنفس لون العربية لو عربيتك بوية الفابريقة...الفرق بين الفك والسمكرة والرش - بالاضافة للعك المعتاد وإن الحاجة اللى حتتفك مش حترجع مكانها بنفس الكفاءة بتاعة المصنع ، ده بالاضافة للكلكعة اللي حتلاقيها جوه الباب - مش كتير فيبقي تغييره أفضل!
تحياتي.
ياباشا مع احترامي
الباب الاستيراد دة لوعربيتة الباب مدعوك متدمر خالص بالعضم
انما مش خبطة بسيطه تترد عالبارد
و يدفع تمن باب استيراد بفرشة بموتور الزجاج بالزجاج لية و كل اللي عنده خبطه صغيرة في الباب على حد وصفة
الباب الاستيراد مش حاييجي جديد برضة بيبقى متجرح و متطبق فية حتت من التقطيع و النقل و الشحن و الركنة في الشون و يبقى لازم يتسمكر شوية برضة من النغزات الصغيرة دي و يترش برضة سواء بقى جة بلون العربية او بلون اخر يعني برضة نفس الحوار و نفس العك بس بمصاريف اكتر
وغالباً اللي في العربية حا يكون انضف من اللي حايجيبة استيراد
و الفرش من جوة الباب حاييجي مختلف اللون مثلا يضطر يركب اللي في الباب الاصلي
و جع دماغ ومضيعه وقت و تكلفة بدون داعي
انا متفق مع كلام حضرتك مليون في الميه
ولا سباب كتير منه
1- لما شفت الخبطه بنفسي يعني منقولش خبطه لكن نقول عفصه في الحديد
2- البويه مفيهاش خدش
3- الباب لو اتغير وحب صاحبنا يبيع العربيه ده هيقلل من سعرها ومحدش هيصدق ان دي عشان عفصه لكن كله هيقول دي حادثه وماثره في عضم العربيه
مع كل التقدير للاستاذ / mohamedgafar