فين الفيديو والصور يا استاذ احمد اللى حضرتك قولت هاترفعها
عرض للطباعة
فين الفيديو والصور يا استاذ احمد اللى حضرتك قولت هاترفعها
يا شباب انا معايا شيفورليه لانوس 2010
وفعلا الاتنين زى بعد لكن الشيفورلية احسن عشان زيرو
وكمان شايف انا علامه شيفورليه عليها احشن من دايو
فعلا الشيفروليه عربيه رديئه جدا جدا! الدايوو برقبتها
ممكن اللي مكتوب عليها دي كانت بواقي الستوك القديم!
المقارنة المفروض تكون بين نوعين سيارات موجودين فى السوق عشان الواحد يعرف مين الافضل لو عايز يشترى انما بين موديلات نفس النوع طالما انى هاشترى زيرو هاعمل ايه ان الموديل القديم كان احسن طب مهو مثلا موديل الملكة فى الكورولا من احسن الموديلات بس هيفبد بايه للى عايز يشترى جديد اعتقد ان عشان المقارنة تكون مثمرة تكون بين انواع لسه بتنزل زيرو
انا زوج اختي معاه لانوس 2008 و باخدها منه ساعات كتير و مره سافر و كنت بسوقها اكتر من اسبوعين, و صاحبي معاه شيفروليه لانوس 2010! ريش التكييف يتاعته باظت! الموتور مخنوق جدا مع انه عدا ال 40 الف كيلو! التابلوه خامته رديئه جدا و بطانة الابواب بلاستيك مش قطيفه زي الانوس! في فرق كبير فعلا في كل حاجه! الفيرنا برقبة الانوس الجديده
والله انا شكلى كده هصدق ان اصحاب الدايو القديم غيرانين من ان العريبه بقت شيفورله و من غير ما أحلف ان الشيفورليه اللانوس أحسن من ال الدايو لانوس
و مش هقول بقى ان العلابيتتسن زى بعض لأ الشيففورليه اللاموس احسن خمسميت مره من الدايو و التجربه خير برهان و من غير فلتر اسبور و لا غيره اللى يحب يجرب يجيب عربيته الدايو و نجرب مع بعض عسان الناس تبطل تلسن على كل ماهو جديد :satelite:
طيب فى اثبات أصحاب الدايو لانوس ان مكونات أو بعض مكونات الشيفورليه اللانوس صينى
كل واحد يقلى أصل بتاعة واحد صحبى أصل بتاعة ابن أختى أصل و أصصل
هتلى مكون فى العربيه مكتوب عليه صنع فى الصين
انا فصصت عربيتى و بدأت بالموبينه و و كمبروسور التكييف و الصناعه كانت كورى حتى صدر العربيه مطبوع عليه Dawoo
بلاش فتى بدون علم
و فى ناس بتقول اصل صحبى عربيته شيفورليه و ريسة التكييف بتاعة الهوايا اللى فى التابلوه اتكيرت
ما يمكن اهمال من صحبك زى مانا شفت كده فى عربيه واحد صحبى برده ريشه التكييف بتاعته مكسوره نتيجه لإهماله
بلاش نيقى اعداء لكا ما هوا جديد
بعد أذن الجميع ....
أنا شايف أن موضوع المقارنة أصبح ممل و غير مٌجدى لانه خرج عن الحيادة فى
التقييم و أصبح نوع من التحدى كل طرف يحاول و يسعى لفرض رأيه عن طريق
أبراز عيوب الأخر .
أنا رأئى المتواضع نتوقف عن الموضوع ده لأنه قُتل بحثاً و أصبح من الواضح
أوى مزايا و عيوب سواء أقتناء سيارة دايو لانوس مستعملة أو شيفروليه لانوس
زيرو ....
أسف للأطــــــــــــالة و لكم جميعا جزيل الشكـــــــر :)))
بعد أذن الجميع ....
أنا شايف أن موضوع المقارنة أصبح ممل و غير مٌجدى لانه خرج عن الحيادة فى
التقييم و أصبح نوع من التحدى كل طرف يحاول و يسعى لفرض رأيه عن طريق
أبراز عيوب الأخر .
أنا رأئى المتواضع نتوقف عن الموضوع ده لأنه قُتل بحثاً و أصبح من الواضح
أوى مزايا و عيوب سواء أقتناء سيارة دايو لانوس مستعملة أو شيفروليه لانوس
زيرو ....
أسف للأطــــــــــــالة و لكم جميعا جزيل الشكـــــــر :)))
اللانوس من وجهة نظري افضل
حضرتك ليه اخذت الموضوع بمحمل شخصي عندما انتقدت الناس سلبيات الدايو لما بقت شيفروليه كاننا عملنا جريمه في العربيات دي ...احنا اخوات وزملا وهدفنا اننا نساعد بعض ولما اتفتح موضوع المقارنه كان كل واحد بيقول رأيه من اللي شافه .
التغيرات اللي نعرفها وظاهره امامنا في الشيفروليه معروفه من طرمبه صيني وبوبينه صيني وضفيره كهربا صيني وشويه حاجات في تقفيل الصالون.. وجاري البحث هل في حاجات داخليه في الموتور ولا لاء.
انما اللي مفيبش خلاف عليه ان الواحد لو لاقدر الله العربيه بتاعته جابت بوبينه او طرمبه او اي حاجه من مكوناتها انه اكيد مش هايشتريها صيني (اتمني انك تتقبل وجها نظري)..الحكايه مش بتتحسب بشد وسحب العربيه بس بتتحسب بالاعتماديه والاستمراريه من خلال مكونات اصليه تساهم في اطاله العمر الافتراضي للسياره ( وربنا يجازي منصور اللي كان السبب في ان الناس تسخن علي بعضها:khd:بدل ما يطور ويعدل
يا باشا تقبل تحياتى و هرفعلك صورة البوبينه ماركة dac و صورة كمبروسور التكييف و مكتوب عليه صنع فى كوريا
الموضوع مش تسخين و لا تبريد . الموضوع انكم بتقارنوا جيل بجيل تانى . الجيل الحالى لانوس شيفرولية . زيرو و بكرر تانى زيروووووووووووووووووووووو
اللى عاجباة يشتريها و اللى مش عجباة يبعد عنها . بس انت هتجيب حاجة اقل فى السعر مش اعلى الا لو انت ربنا كارمك . الواحد ما صدق لم الفلوس بعد شقا و عرق و حفا و مرمطة .
و قلت للاخ اللى معترض على الشيفرولية لو يقدر يسلفنى جدعنة 15 و لا 20000 هغير العربية عشان ميزعلش . بس نفضلى و لا رد . بق ع الفاضى
منا بقالى اكتر من 30 سنة مدوب 6 ولا 7 عربيات من اول ال 126 وال السيات و ال فيورا و البيجو وال الشاهين و الصينى منهم الجديد و منهم المستعمل و منهم اللى كسر زيرو . بس مفيش واحدة منهم زيروووووو
الحمد لله و ربنا يديمها نعمة و يحفظها من كل عين و شر
ربنا يباركلك في عربيتك ويكفيك شرها ..بس علي ما اعتقد ان مفيش حد قال حاجه بخصوص كمبريسور التكييف ... اما بالنسبه للبوبينه فجايز تبقي اصلي وجايز تبقي صيني ( لاني شوفت بعيني صيني مكتوب عليه dac).بس اللي انا مستغرب منه ان في ناس بتقول مثلا ان علامه etec مش مكتوبه عندها وفي ناس بتقول انها مكتوبه هي العربيات الشيفروليه في منها فرزين ولا ايه؟
واتمني ان الشيفروليه تظل امتدادا صحيحا للدايو اللي الناس بتشتريها لحد دلوقتي علشان اسمها و سمعتها الطيبه
http://arb-up.com/2sl3lojjt2r8/IMG_0072.JPG.htmlيا باشا انا مش واخد الموضوع بشكل شخصى و لا بحسب العربيه بالشد و السحب الموضوع و كل ما فيه انى شايف اللأخوه الأعضاء بيهاجموا الشيفورليه اللانوس بطريقه غريبه و لسه الأخ العضو ممدوح بيقول ان فى مهندس فى التوكيل هوا اللى قال الكلام ده
طيب انا بقول لحضراتكم ان الكلام ده مش سليم لأنى انا عندى العربيه و فعلا دورت على الكلام و لسه شايف حضرتك بتقول ان الضفيره كمان صينى مع انى كنت مع واحد مهندس مدير لمصنع من مصانع التقفيل فى 7 أكتوبر هحاول اعرف اسمه ايه و قالى ان شاسيه الشيفورليه اللاموس اجمد بمراحل من الدايو
كل الكلام ده أنا مش مقتنع بيه و شايف ان السيارتيين زى بعض و ان كانت الشيفورليه احسن لأنها زيرو و نفسى حد يحط صوره لأى مكون صينى فى سياره كورى
حضرتك عارف ان وجد اى مكون صينى فى منتج كورى يعتبر غش تجارى و منصور مش بالغباء ده
دى صورة شعار موتور العربيه قارنها بأى عربيه دايو عشان فى ناس بتقول عليه انه روسى و هما اصلا مش عرفين اذا كان مكتوب عليه صنع فى اى دوله هتولى بقى موتور فى الدايو مكتوب عليه صنع فى كوريا
Download IMG 0072 JPG
و دى صورة الموبينه اللى بيقولوا عليها صينى من غير اى دليل و ابحث فى جوجل على شركة D A C الكوريه و انتا هاتعرف لوحك
Download IMG 0077 JPG
و دى صورة مروحة الراديتير اللى هيا تعتبر اقل فى الأهميه من الموبينه و محفور عليها صنه فى كوريا مش كان الأولى ان المروحه تبقى صينى زى الموبينه
Download IMG 0080 JPG
و دى صورة كمبروسور التكييف اللى هوا نفس صناعة الموبينه
Download IMG 0083 JPG
وانا عارف ان كتير هيقولوا محدش جاب سيرة التكييف و انا بقول ان ده مش قصدى انا أقصد ان الاتنين نفس الماركه
و نفس الصناعه و تحسبا لحد يسمع انه صينى
نهاية الموضوع بلاش تقرر على اساس السمه كلنا بنسمع لكن محدش اثبت ده و كفايه ان الشيفورليه اللانوس موديل السنه دى ان ربنا اراد هتقعد 10 سنين و يبقى عمر الدايو 20 سنه و انتا طالع و ربنا يبارك لكل واحد فى حاجته و بلاش نطلع اشاعات بسبب ان ده سمع و ده قالولوا
و اعزرونى على انفعالى بس اللى ضايقنى كلمة سمعت و أصل ده قالى فيما ان محدش من مالكى الدايو طلع حاجه عنده مكتوب عليها صنع فى كوريا
و هى مشكلة ان يتكتب على البوبينة الصينى كلمة DAC؟؟
MMamdouh
و برضه مش مشكله لما تكون كورى و لا حضرتك دخلت جواها و كلام مهندس التوكيل انزل غير قابل للنقاش
معلش و ممكن تكون دواخل فى موتور الدايو و حضرتك مش شايفها تكون مصرى بقى مش صينى و خصوصا ان نفس الكلام ده اتقال على الدايو بعد لما بدء تقفيلها يكون مصرى و هثبتلكم ان تقفيل التنين زى بعض و بالفيديو كمان
و هوا حضرتك كنت فكيت موبينه الكهربا أصلا بنفسك و كنت فكيت طلمبة البنزين ولا هوا دايو دايو يعيش يعيش
بلاش استفزاز بالكلام لأنى حاسس كده ان ممتلكى الدايو شانيين حمله شرسه على الشيفورليه اللانوس
و على فكره انا أملك الشيفورليه اللانوس و عارف اللى فيها بالضبط لأنى لو كنت لقيت فيها مسمار غير صناعة بلادها هتبقى مشكله لمنصور و كلامكم زى ما يكون الدايو دى انزلت و الشيفورليه اللانوس دى بنت ستين فى سبعين
بلاش الكلام ده على سياره مصر كلها راكباها اكتر من الدايو لانوس بتاعتكم اللى هيا فى الأصل زى بعض
حصلت على انذار مع وقف اسبوع لمخالفة القاعدة 13
مشرف عام الكورى و الماليزى
يا استاذ احمد بلاش الكلام بالطريقه دي لان كلنا اخوه في منتدى واحد وملناش اي هدف غير خدمه ومساندة بعضنا بدون اي هدف اخر :-) لا حمله شرسه ولا تعيش الدايو ولا ولا ولا ولا ولا
خلي صدرك رحب اكتر من كده , واسف على التدخل في الكلام بس بردو انت بترد على قيمه كبيره في المنتدى بطريقه لا تليق بيه واتمنى انك تعمل اعتبار لكلامي بحكم اني اخوك في المنتدى ليس اكثر او اقل , وتقبل تحياتي
وياسيدي الشيفروليه على راسنا من فوق قبل الدايو , و مش هتفرق مين احسن من مين لاننا اكبر من كده , ولا ايه يا باشا :-) ؟؟؟
يا باشا الفروق اللي وجدت بين الدايو & الشيفروليه اللي هي اساسا امتداد لدايو لا تتجاوز ملااليم:T_thum1[1]: يعني سواء بوبينه ولا طرمبه ..كل ده كلام فاضي واحنا مش بنقارن الدايو المستعمل بالشيفروليه الزيرو لان كده كاني هقارن عربيتي الاحسن ولا عربيتك:44:الموضوع كله ان الناس بتحاول تعرف ايه التغيير اللي اضافه منصور للدايو يعني مثلا عدل حاجه خلاها احسن او شال حاجه ووفر في تمنه:shyy:وعلي ما اعتقد ان اساسيات العربيه استحاله يعدل فيه وان اكتشف البعض شئ من الاختلاف فكل ده حاجه بسيطه لا تنتقص من القيمه الكليه للسياره من حيث موتور وعفشه وشاسيه وحاجات تانيه كتير انا شايفها واحد..الفكره ان الواحد صعبان عليه العربيه دي ان ما اتعملش فيها تعديلات كانت هاتفرق كتير فيها وستظل اللانوس سواء اصبحت شيفروليه او اي شكل اخر افضل في نظري من عربيات كتيره في فئتها زي الفيرنا حتي لو اتغيرت كل مكوناتها وبقت صيني ...
كبر دماغك يا باشا دي مش اول عربيه وباذن الله مش اخر عربيه وعلي فكره انا علي اخر السنه دي باذن الله هاجيب لانسر سوبر اكشن علشان ماتزعلش مني وكمان علشان متقولش ان عربيتك احسن من عربيتي علشان زيرو:ma: وهاجيبها بفتحه سقف واتوماتك وممكن اجيبلك واحده معايا كمان بشرط انك تقول ان الدايو مرسيدس وان الشيفروليه 128:B4_282:
خلي صدرك رحب شويه كل العربيات شويه حديد احنا بنحب ننكش في بعض شويه ...
يا سيدى على عينى و على راسى و ان مقصدش ناى أكون طف فى كلامى بس انا بحب لما أقول حاجه تكون مقرونه بدلائل و براهين و خاصة لما يكون الكلام خارج من شخصيه موثوق فيها يبقى لازم يكون فى اثبات و مش ده الموضوع اللى هيزعل الناس من بعضها و لا يزعلنى و يزعل اى حد من حد بس لازم التجربه و المشاهده و مش لازم نستخف بكلام بعض و لما مثلا اقول لسيادتك مع كل احترامى ان الماركه بتاعتها كذا بلاش نفترض فيها سؤ النيه فى صناعتها لانى انا شخصيا و كتير من اللى معاهم اى دايو او شيفورليه مشفناش المشاكل دى اللى بتقولوا عليها يا جماعه انا عاوز تعرفوا ان المقع ده فيه بيتمتع بمصداقيه و شعبيه ممتازه و بكلامكم ده ممكن تضروا سمعة عربيه ناجحه زى اللانوس لمجرد انها بقت علامة شيفورليه
و على العموم انا مش موضوعى مين احسن من مين لانها كلها حديد فى حديد و لما يقدر الله شئ كلها زى بعضها بلاش نستخف برأى بعضنا البعض و خصوصا لما أصور الحاجات محل الجدال و الاقى الاساذ ممدوح و هوا شخص انا بحترمه يستخف بكلامى و يقولى و ايه ياعنى لما تكون d a c مكتوبه على مكون صينى ليه مانفرضش حسن النيه
و نحاول بقدر المستطاع نثبت رأينا بدون ما نحاول اننا ندى مده من الزمن لإختبار المنتج اللى لحد وقتنا هذا شايف انه ناجح و فى ازدياد و الحمد لله بلاش تعملوا انقسام فى منتدى الدايو لأن من الممكن جماعة ينشأوا قسم خاص بالشيفورليه و الأخر للدايو فيما نا الاتنين زى بعض مع اختلاف العلامه و التوكيل
طبعا عارف الثوار بيتعمل معاهم ايه فى مصر ام الدنيا ربنا يسترها معانا يا باشا مقبول هزارك و عسل أبيض على قلبى كمان
يا خوانا الموضوع زاد عن حدة . انذار و وقف و على اية ؟؟؟؟؟؟؟؟
انا بطالب الادارة بغلق هذا الموضوع و نقلة كمان يبقى احسن.
انا اخترت اللون الاحمر لانى موجهة الطلب للادارة
المكونات الصينى اكيد معمولة فى شركات محترمة و مش تحت السلم زى حاجات عندنا . و قلت مرارا و تكرارا اللى شايفها مش كويسة يبعد عنها .. دا جيل و دا جيل و كل وقت و لة اذان و مش فاهم لية الحوار واخد السكة دى . بس لا حياة لمن تنادى
احنا هنا بنحاول نحل مشاكل العربية للاخوة الاعضاء مش داخلين نعمل مقارنات و مين قال و مين عمل . كدة بقينا قاعدين فى فسحة مش منتدى لة اسم و وزن بين المنتديات الاخرى . كفاية بقى و فضوها سيرة
اللون الاحمر مخصص للادارة
برجاء استعمال خاصية تقارير المشاركات فى حالة رغبتكم توجية اى طلبات لطاقم الاشراف او فتح موضوع جديد بقسم الاستفسارات فى حالة تقديم طلب للادارة
مشرف عام الكورى و الماليزى
يا جماعة الموضوع كده مبقاش له اي لازمة في الكلام المستمر عليه
انا واحد من الناس ركبت اللانوس 1 1999 والدايو لانوس 2006 واشتريت شيفورليه لانوس 2010 وقلت رأي علي الحوار ده قبل كده
بس المفروض ان الموضوع ما يسخنش كده
يا اخي ما فيش اي مشكلة ان القطعة تطلع صيني ولا هندي هي الصيني وحشة للدرجة دي
للمعلومية كل الماركات العالمية في جميع الصناعات بتعمل مصانع في الصين و تحت اشراف خبراء الشركات الأم وبتنتج منتجاتها هناك علشان العمالة ارخص وبالتالي الربح اكبر
الصين وصلت للفضاء وعملت محطة فضائية زيها زي امريكا وروسيا
عربية الصين إلي هي السبرانزا كانت هتبقي احسن عربية في مصر لولا الطرق بتاعتنا إلي ما ينفعاهش غير العربية الدبابة التفصيل إلي كنا بنجمعها من الوكالة
وفي الأول والأخر الموضوع موش مستاهل كل العصبية دي
حصل خير يا جماعة استهدوا بالله والاستاذ محمد ممدوح كلامه صادق وانا شخصصيا من الناس اللى بتصدقه
وعلى العموم كل ده اختلاف للراى والاختلاف فى الرأى لا يفسد (للولد ) قضية
انا اسمى وائل معايا شفولية التاكسى الابيض الجديد وهو ماشى كويس ومشغل 2 سوقين مشكلة عادية اهمها الايدل لازم ينظف والبوجيهات تكون تملى نظيفة والبزين مينزلش عن نصف التنك لان الطلمبة ضعيفة شوية مع العلم انى امشى غاز طبيعى وجبت بيها 150 عادى ولو كان فية طريق كنت عديد كمان شوية وشكرا
انت برنس
انا لسه شاري شيفروليه لانوس جديده 2011 بقالها معايه اقل من شهر وعامل بيها 1800 ك والحمدلله العربيه زي الفل مافيش بس غير ان صوتها عالي شويه وانا عرفت انه بيهدى كتير بعد صيانة 5000 وتغيير الزيت
وزي ما الباشا بيقول حب عربيتك تحبك ريحها في غيراتك والسرعه المظبوطه مع كل غيار وهتلافيها معاك زي الفل دانا من حبي ليها والله بدلعها مسميها نوسه هههههههههه