شكرا لردك على السؤال
عرض للطباعة
السلام عليكم و رحمة الله و بركاته
معاكم أخوكم زياد
انا معايا شيفورلية لانوس و فعلن اتفق معاكو في سوء التقفيل و رداء الخامة بعكس الدايو لكن بالنسبة للأداء فهو جيد و انا عامل بيها 20000 كم و مراعي مواعيد الصيانة حتي الان لم يظهر مشاكل مع اني ساعات بقرص عليها جامد و ربنا يستر
يا اخى انا مش فاهم الناس اللى عمالة تتطلع القطط الفاطسة فى العربية . هو حد كان ضارب حد عشان يشتريها ؟؟ العربية ب 68000 و لا 67000 الف الشفرولية محدش فكر لو الدايو الكورى موجودة زيرو كانت هتبقى عاملة كام ؟؟ طبعا اكتر من كدة بكتير . بس مفيش زيرو منها . طب اللى اشتراها مجبش لوجان لية و لا سيراتو و لا اى حاجة تانية او حتى اشترى عربية مستعملة . اللى عاوز اقولة حب عربيتك تحبك صونها تصونك . الحمد لله دى سادس عربية فى حياتى و كل عربية كنت بحبها و مفيش مرة قللت باصلها معايا و لا عملت دقة نقص و اخرها العربية اللى قبل دى قبل البيت ب 300 متر خرطوم الميية ضرب الحمد لله جنب البيت . احمد ربنا و قول ربنا يباركلى فيها و يكفينى شرها . انا مقتنع بالعربية و ببوس ايدى وش وضهر على كدة و ربنا يباركلى فيها اللهم امين .
الاختلاف فى الراى لا يفسد للود قضية . اللى مش عاجباة العربية يبيعها و يكبر دماغة
هتزعلني ليه بس منك يا محمد؟
انا معايا شيفورليه لانوس وعليها e-tec
والشركة إلي انا شغال فيها جايبة لينا عربية نتحرك بيها دايو لانوس 2007 وكانت جايبها زيرو
والعربيتين تحت امام الشركة عربيتي وعربية الشركة والأثنين زي بعض بالظبط في كل حاجة ماعدا طلمبة البنزين إلي هي صيني
والعربيتين انا بأستخدمهم لما بأكون مسافر في شغل بأخد عربية الشركة و في المعتاد بأركب عربيتي
الأثنين زي بعض بالظبط
الفارق إلي انا حسيته كان لما كنت في مشروع زمان وكانوا مسلمني عربية لانوس 99 دي فعلاً إلي كانت تحفة
لكن لانوس 2007 زيها زي شيفورليه لانوس 2010 ما شوفتش اي فرق لا في صوت الموتور ولا في الأتزان ولا في الفرش من الداخل
وفي الأخر تقبل تحياتي وتقديري لشخصك المهذب جدا جدا