المشاركة الأصلية كتبت بواسطة Amrrr
صح
صح
صح
ومع ذلك كدة كدة بمشي من تمانين لتسعين معظم الوقت حفاظا على استهلاك البنزين ومراعاة لشعور العربية عشان ألف ومية سي سي ولا حظت حاجة مهمة كنت باسمعها من أهلي في بداية السواقة ان السرعة المعقولة بتديلك فرصة تتصرف بمعنى انا السرعة العالية بتاخد منك الفرصة دي
والحوادث اللي بتحصل كلها اتحدى حد يحلل اي حادثة سواء على الصحراوي أو جوة البلد وبالذات عندfbi والعربية كانت ماشية على ستين زي مابيقولوا عشان لما تشوف اوكتافيا أو جولف 5 مقلوبة ومحروقة وطالعة الايرباج بتاعتها اكيد دي سرعة عالية جدا ومش 120 بس دي اعلى اكيد من كدا ، ومش شرط انها عالية على العربية بس الطريق ممكن أو غالبا مش متسفلت حلو ومليان مطبات هوا والعربيات كلها ماشية تنطط حواليك والمفاجآات اللي بتطلع زي عربية طالعة من تقاطع وعامل نفسة مش واخد بالة ومصدرلك افاة او نقل بتحدف او ماشية عكس او واحد ماشي جنبك والطريق بيلف وهو مش واخد بالة ومكمل على حارتك والرصيف جنبك او . . . او . . . او. . . بيتهيألي كلنا بنقع في المواقف دي كل يوم وفي المشوار الواحد كذا مرة
بمعنى تاني ان الطريق محفوف بالمخاطر والغباوة وسوء تقدير الآخرين واللامبالاة من الميكروباصات وركابها والعربيات النقل الصغير والمقطورة وحاجات تانية كتير اكيد محدش هيعارضني انه بيصادفها يوميا وممكن كذا مرة في المشوار الواحد
عشان تلاحق على كل دة لازم سرعتك تكون معقولة
برة مصر السرعة متحددة فوق المية وعشرين وعدم تحديد السرعة والكلام دة بس شوف الظروف المحيطة بيك وانت سايق عربيتك هتلاقيها مناسبة :
-اسفلت حرير بدون مقالب ولا على جنب ولا في نص الطريق
-مشاة ملتزمين
-العربيات ماشية في حارتها ومحدش بيطلع من حارتة بالبركة ، في كذا خطوة
-المواصلات و النقل عاليمين ومستحيل يقطع طريقك بالعرض ولو حصل وحصلت الحادثة مش هيجري ويسيبك ولو جري الاسعاف والمطافي هتلحق المصابين والشرطة هتجيب اللي جري ان شا الله يجروا وراه بهيليكوبتر بس مش هيتساب
-العربيات والمواصفات الفنية بتاعة العربيات اللي جاية مصر اقل من برة ولو فيها عيب ممكن تتباع بيه وتكتشف لاقدر الله ان في خلل وانت ماشي بالعربية (احتمال ضعيف بس موجود) وحاسب كمان التقفيل المصري
- الاشارة من بعيد بتبقى باينة ولون واحد هو اللي منور ولو احمرت مثلا وهتقف فيها ، انت واثق ان الشارع وراك هيقف مش هتلاقي حد بيخيش فيك من ورا واذا عدا من غير مايخيش هيشتم ولا مؤاخذة ماهو مش طبيعي انك تقف في الاشارة الحمرا في مصر
انا آسف للتطويل بس انا مع تقليب النور ومع الالتزام بالسرعة من ناحية تانية