الموضوع: تقليب النور للتحذير من الردار و اللجان - غلط ؟؟؟

السلام عليكم ورحمة الله و بركاته

انا الاول هابدأ بوجهة نظري الخاصة جدا:
موضوع محاولة تنبيه الناس سواء بالتقليب او بالاشارة بالتقدم (في طريق الغردقة مرسي علم بين البيجو) الصراحة أفضل شئ يعجبني في الطريق المصري

1- طرقنا غير منظمة في كل شئ: تلاقي مثلا والله على الدائري عربيات نقل ماشية حوالي لسرعات و الله حوالي 120 كم وكمنان تلاقيهم 2 بيجرو مع بعضطبعا ساعتها انا اضطر افرق عليهم كتير مثلا امشي لغاية 160 عشان اعديهم واكون في مامن عنهم ثم اعود ل 100

2-السرعة غير منطقية في كثير من الطرق
لو حد راح مرسي علم هيفهمني الطريق اكثر من 800 كم و السرعة 100
صحيح الطريق صغير بس مش الحل ان الناس تنام

4-في طريق مصر اسكندرية م ايام كنت ماشي وظابط نفسي عل 100 وعربية بي ام 318عدت من جنبي اقل ما فيها من 180 - 200 وكانت اللجنة على بعد 500 متر المهم دخل الضابط وقفه و بعدين لقيت الضابط اللي في اللجنة عمله تعظيم سلام و مشي (((ده وانا رايح)))
وانا جاي لقيت كرايسلر نفس الموضوع بس ما شية حوالي 140-160 برضه و قف لجزء من الثانية يتكلم مع الضابط وبعدين مشي سمعتهم بيقولوا و الله اصله ابوه في مجلس الشعب

3-لو واثق ان 100% من الفلوس اللي بياخدوها بتتصرف على الطرق و تمهيدها هادفع بطيب خاطر

معنى الكلام اللي فات ان انا مش مع تحديد السرعة لا اا معاه و الله بس تكون منطقية و الاهتمام اولى بنشر ثقافة القيادة الامنة بين الناس واحترام الاشارات.........الخ
وإلي أن يتحقق هذا الموضوع هاقضيها تقلييييييييييب

الصح و الخطأ مسألة نسبيه عند ناس كتير و أنا منهم

بالنسبة لي صح و مليون صح

أنا شايف إن الصح هو أن نلتزم بالقوانين، ونشجع الآخرين على الالتزام. وأنا أشجع السيد خالد مصطفى في رأيه بالبدء بأنفسنا في الالتزام ونشر هذه الثقافة للجميع.
أنا رأيي إن القوانين معمولة عشان تنفذ وتحترم، وسوء تطبيقها ليس مبرراً لاختراقها.

و هوه لما تتشك رادار .. صح ؟ لما يوقفك كمين الغلاسه و يقعد ينرفز فيك و تبقي ناقص تمسك الضابط تدوسه بالعربيه .. صح ؟ لما تدخل علي اسموج تست ولا فحص فني علي الاسفات السريع .. صح ؟ لما يمسكك كمين التافتيش الذاتي زي اللي قبل بورسعيد (الله اعلم شالوه ولا لسه) .. صح ؟
يا باشا الاجانب نفسهم بيستخدموا الاشارات الضوئيه دي للتنبيه ..
و تحيا مصر !

[QUOTE=mohamed_rhem;183061]

المشاركة الأصلية كتبت بواسطة Ahmed Anwer

سلوك مصري صميم ،، لم اسمع عن مثله في بلد اخر ،،

و بصراحة أنا بلتزم تماما بهذا السلوك ،،

و بالعكس بامارسه بسعادة ،، و بعتبره نوع من فعل الخير و التعاون ،،،

طيب لو حضرتك ملتزم بالسلوك ده تقدر لو لاقيت علامات تحزيزيه من وجود رادار متهديش وتمشي علي سرعتك
وبعدين زي ما انت قولت رخص الناس الجامدين هي اللي مش بتتسحب ولو رخصتك اتسحبت وجربت تروح تجدد التصريح كل اسبوع وانت موظف يا اما اذن ساعتين او نص يوم او تروح يوم اجازه
ولما رخضتك تجي تفف طابور علي الشباك وطابور في النيابه وطابور علي ما تستلمها

حضرتك فهمتني غلط ،،

أنا كنت بلتزم بسلوك تقليب النور للتحذير من الردار و المرور ،،

و كنت عايز أسأل الأعضاء السلوك ده صح و لا غلط في وجهة نظرهم ،،

و اهه طلع بإجماع الأعضاء إنه صح ،،،،،

ههههههه