الموضوع: تقليب النور للتحذير من الردار و اللجان - غلط ؟؟؟

المشاركة الأصلية كتبت بواسطة hazem_khidr

و انا مع التقليب بالنور:)

حازم باشا ،،

ده طلع رأي عام ،، نتيجة الإستفتاء ،،

الحمد لله ، طلع سلوك قويم ،،

المشاركة الأصلية كتبت بواسطة aif

الارهاصات التي تسبق وجود الرادار في الطريق :
1- ح تلاقي كل العربيات المكروباس والاجرة مهديين وملتزمين بالسرعة القانونية
2- لو بصيت كويس ح تلاقي الصول بخاتي قاعد مقرفص وماسك الرادار في الجزيرة اللي في النص
3- كل العربيات اللي في الاتجاة المعاكس بتقلب النور
4- الاماكن معروفة وواضحة زي الشمس ومابتتغيبرش
بعد ده كله فيه ناس بتتمسك رادار ... يبقي العيب فيهم لا مؤاخذة

مقدرتش أمسك نفسي من الضحك الصراحة ،،،

فعلآ اللي رخصته بتسحب ردار ده يستاهل مش عشان متهور عشان ساذج ،،،

ههههههه

يا جماعة ملحوظة التقليب مش عشان الردار بس ،،

التقليب برده عشان اللجان و تلحق تحط عشرة جنية في الرخصة ،،

أنا قرأتن كل الردود باحثا عن رأي معين يكون حد سبقني بيه
فعلا كان سبعاووي سبقني بالرأي و أنا أتفق معاه تماما

(يعني لو تقليب النور يؤدي وظيفة الردار يبقى أهلا وسهلا و يا رب زود المصريين إلي بينصبوا على الحكومة و المرور)

و أنا شايف إن ده الكلام العملي بعيد عن الآراء الأخرى زي
و الله لاقانون لو ما فيش مساواة!!!!!!!!!!!!!
أو
و الله الحكومة بتنصب و لازم نتكاتف علشان نحتال عليه!!!!!!!!!!!!!!!
أو
يا ناس الردار ده أمان و حماية حتى لو استخدم في الإبتزاز و كان وسيلة للنصب!!!!!!!

80% قالو صح , والله عمار يا مصر , طيب محدش بقى بعد كدة يشتكى من كتر الحوادث , لان لو حد فيهم جرى لة او لحد من اولادة حاجة حتكون بسبب ان واحد محترم قلب النور عشان اللى يجرى يجرى , معقولة احنا وصلنا لدرجة اننا بندمر نفسنا بنفسنا بالطريقة دى .
عموما كل اللى بيقلب النور دة مش انا ولا انت حتحاسبة دة ربنا اللى حيحاسبة على الجريمة دى , ايوة جريمة , و كل حدثة حتحصل بسبب عربية بتجرى اللى قلب النور دة يبقى يفتكر ان هوة اللى كان السبب , و يشوف بقى حيعيش مع ضميرة ازى بعد كدة.

يعنى حضرتك عاوز تفهمنى انك ما بتعديش ال90 اكيد لا احنا هنا بتكلم على السرعات العاديه اللى ممكن نتحكم فيها ودى اخرها 120 يعنى لو حصل اى حاجه لا قدر الله تعرف تلم نفسك