تقليب النور للتحذير من الردار و اللجان - غلط ؟؟؟

**car100100** · 18-03-2008 07:49 PM

خرق للقانون !!!!
هوا مين اللى حط القانون !!!
مين قال ان السرعة على طرق مطروح العلمين فى الشتاء
يعنى مفيش ولا عربية !!!!!!!
تكون 100
!!!!

طب لو فرضنا انهم عدلوا القانون وخلوها 50
حضرتك هتمشى 50
!!!!!

دا بالا ضافة ان انا ليا فلوس عند مصر
لانى اتكلبش واتاخدت مخالفات فى اماكن مفيهاش اى حاجة تقول ان انا مخالف
والرد ان كان عاجبك
!!!!

ويبقى

اذا اردت ان تطاع فامر بما تستطاع

**wlng76** · 19-03-2008 03:25 PM

الموضوع دا عجبنى جدا وانا من غير ما أقرأ التعليقات كلها بقول وبصوت عالى دا عين الصح والعقل, لإننا ببساطة مطحونين أكتر من اللازم, وتقليب النور او الهروب من مخالفة الردار, هو نوع من الإحتجاج الشعبى على القوانين العشوائية, اللى معمولة للغلابة, سيف على رقاب الناس اللى مالهاش واسطة, يعنى معقول دكتور محترم ومجتهد, وحارم نفسة من كل حاجة, وحارم عيلته منه, علشان يتعلم كل جديد فى الطب, علشان ينفع الناس اللى فى بلده, بيعمل عمليات خطيرة ببلاش للفقراء فى المستشفيات العامة والمعاهد التعليمية, وبيتعلم منه الدكاترة الصغيرين, وكمان بيعمل عمليات فى المستشفيات الخاصة بشئ وشويات علشان يصرف على عيلته, وعلمة ويعيش فى المستوى المرموق اللى يستاهله, وبعد كل دا يوقفه أمين شرطة, اتعلم القراءة بالعافية, ولا البيه اللى واقف فى الكمين اللى يا دوب عرف يعدى من الثانوية العامة بالعافية, وحاطط أنفه فى السما, وبكل عظمة وتناكة بيكلم الناس كلها, قلولى بعد ده كله مش تقليب النور دا عين الحلال.

**Khalid_Mostafa** · 19-03-2008 03:31 PM

دكتور محترم ومجتهد

بيعمل عمليات خطيرة ببلاش للفقراء فى المستشفيات العامة والمعاهد التعليمية, وبيتعلم منه الدكاترة الصغيرين

أمين شرطة, اتعلم القراءة بالعافيه

البيه اللى واقف فى الكمين اللى يا دوب عرف يعدى من الثانوية العامة بالعافية

عفواً ...ولا سبب من الي انت ذكرتهم يعد مبرر لخرق القانون و الإستخفاف بأرواح البني ادمين ومرة اخري يمكن إيجاد 100 حجه للنشال الي بيسرق او المرتشي و كل الخارجين عن القانون

**wlng76** · 19-03-2008 03:36 PM

طيب خليها أنك بتمنع ذنب أكبر, وهو الرشوة اللى هتضطر تدفعها فورى, أو هتدفعها وأنت ماشى بالإيصال, أو هتدفعها وأنت بتستلم الرخصة.

**Goodle** · 19-03-2008 03:39 PM

المشاركة الأصلية كتبت بواسطة Khalid_Mostafa

عفواً ...ولا سبب من الي انت ذكرتهم يعد مبرر لخرق القانون و الإستخفاف بأرواح البني ادمين ومرة اخري يمكن إيجاد 100 حجه للنشال الي بيسرق او المرتشي و كل الخارجين عن القانون

فين خرق القانون إن الواحد يستعمل فوانيس عربيته ؟؟؟

**Khalid_Mostafa** · 19-03-2008 03:39 PM

المشاركة الأصلية كتبت بواسطة wlng76

طيب خليها أنك بتمنع ذنب أكبر, وهو الرشوة اللى هتضطر تدفعها فورى, أو هتدفعها وأنت ماشى بالإيصال, أو هتدفعها وأنت بتستلم الرخصة.

يا راجل بقي ده كلام !!!!؟؟ اخطأت تتحمل نتيجة خطأك ولا داعي للرشوه ...ثم ايه هي الرشوه الي بتدفعها و انت بتستلم الرخصه دي ؟؟؟

**Khalid_Mostafa** · 19-03-2008 03:42 PM

المشاركة الأصلية كتبت بواسطة Goodle

فين خرق القانون إن الواحد يستعمل فوانيس عربيته ؟؟؟

ده تحايل علي القانون (عرقله)...زي ما تخلي حرامي يهرب من الشرطه عن طريق ايواءه في بيتك..مينفعش تقولي "فين خرق القانون في إستخدام بيتي"

**Goodle** · 19-03-2008 05:35 PM

المشاركة الأصلية كتبت بواسطة Khalid_Mostafa

ده تحايل علي القانون (عرقله)...زي ما تخلي حرامي يهرب من الشرطه عن طريق ايواءه في بيتك..مينفعش تقولي "فين خرق القانون في إستخدام بيتي"

يا باشا أول حاجة أنا لايمكن أقوم بإيواء حرامي في بيتي.. عيب الكلام ده يا صديقي.

تاني حاجة حصل في بريطانيا (على ما أظن) الموقف ده والمحكمة ما قدرتش تحكم على السائق بأي مخالفة لاستخدامه نور عربيته..

بالإضافة القانون اللي بتقول إني بعرقله بنور عربيتي مش بيمشي غير عليا وعليك.. لكن البشوات وأصحابها وقرايبهم
ومعارفهم مش بيمشي عليهم اساساً .. في لما القانون يمشي على الكل تبقى تحاسبني

اللي بيعرقل القانون هو الشخص اللي بيسمح بعدم تطبيق القانون على كل الناس سواسية.. وده بيشمل اصحاب النمر الخاصة (رقم ورقمين وثلاثة أرقام) واللي معلق نسر واللي .. واللي..

ده طبعا غير الظباط والأمناء (بالأخص الأمين) بيعامل الناس (في الأغلب سواقين الأجرة) زي فرعون لما قال: أنا ربكم الأعلى

والعشرة جنيه المتينة بتطلع وتمشي الحال لبعض من الشخصيات الضالة دي (على وزن الكلاب الضالة)

والنبي بلاش تفتحني في الكلام لحسن حسيت إني هابتدي أفضفض، وأنا مش عايز !!

كل سنة وانت طيب :)

**mazagnge** · 20-03-2008 11:17 AM

المشاركة الأصلية كتبت بواسطة tutankhamoun

و الله الكلام ده كنت لسة هاكتبه ............ الله ينور عليك يا أستاذ خالد

يا جماعة هي الناس مش بتشوف الحوادث اليومية على الطرق و سببها السرعة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟
حكم عقلك علشان سلامتكو سلامة غيرك

أنا لو في أيدي القوانين
و الله العظيم هاحبس اللي يعمل غرزة و سحب نهائب للرخصة للأبد
و السرعة غرامة كبيرة جدا لا تقل عن 1000 جنيه و سحب للرخصة لمدة لا تقل عن 3 شهور ( و أنا بتكلم لما تكون السرعة للسيارة عالية قوي ) يعني يكون الطريق 90 و ده ماشي على 95 أو 100 .... يبقى غرامة بس
أما لما يكون الطريق 90 و ده ماشي 120 أو 130 و الكلام ده يبقى سحب الرخصة لمدة 3 شهور و غرامة 1000 جنيه
و اللي يسير عكس الأتجاه
سحب الرخصة نهائيا و سجن لا يقل عن 5 سنوات و أعتبار هذه السابقة كأنها جريمة الشروع في قتل
لو عايزين بقية القوانين بتاعتي أنا تحت أمركم

طيب ممكن كارت من ساعــــدتك للزمن يا كنج .... :D

**taswos** · 22-03-2008 03:48 AM

انا ليا رأي بصراحة ويمكن يكون معقد شوية .... يعني العملية عبارة عن منظومة كاملة بجد ... يعني في قوانين ولوائح لازم تحترم !! وفي حقوق وواجبات لازم نلتزم بيها !!! لاكن كمان المواطن ليه حقوق لازم توفرها لة وبعد كدة حاسبة واعمل الي انت عايزة ( قصدي الدولة والحكومة طبعا ) يعني لو القوانين تحترم ... يبقى لازم الشرطى او الضابط اللي واقف يطبقها يكون هو نفسه بيحترم القوانين دي ويطبقها عالكل !!! وكمان لازم المواطن يحترم ويتوفر لة الطرق اللي تحافظ على عربيته ومش تكسرها !!! وكمان مش من المنطقي تعملي طريق تقولي السرعة فيه القسوى 60 كم فالساعة واي عربية اتوماتيك بتاخد الغيار الرابع بعد 80 كم ( يعني عايزني احرق الماتور مثلا ) علشان خاطر عيون قوانينا المتخلفة

وبعدين في نقطة مهمة اوووي لازم نعرفها .... كل الدول فالعالم بتعمل الرادار حفاظا على ارواح المواطنين وبتكون الكاميرات قدام الناس واضحة ومعروف مكانها كمان .. لاكن مش دي القضية . المهم بقى عندنا فمصر الرادار لسبب تاني خالص !!!؟؟ وهو تلم فلوس من الناس الغلابة وبأكد الغلابة ... لان كلنا عارفين طبعا ان اي حد واصل شوية ولية معرفة حتى لو اتسحبت رخصتة بيعمل اتصالاتة وفخلال ساعات بتكون عندة الرخصة مع خطاب اعتذار من الظابط العميل اللي سحب الرخصة من حضرتة ... انما الغلبان بقى فا مش قدامة غير الركوع واستعطاف سيادة الباشا الضابط ويطبق اللي فيه القسمة وخلاص .... فبجد حاجة تقرف ووضع غريب بدولة المفروض انها محترمة .... وعموما كل دة لازم يحصل لانــــــــــــــــــــــ ـــــــــــك ( أكيـــــــد أكيـــــــــد فمصــــــــــــر )

الكلام ده عين العقل وكلام موزون وتمام التمام

اما بالنسبة للرد على انه صح ولا غلط فهو غلط مع انى من اكتر الناس المشاركه فى الموضوع
بس هو زى ماقالوا الاخوه هى لو على الرخصه مفيش مشاكل مع انها بتطلع عين اللى جابونى علشان اجيبها اذا ماراحتش انما المشكله انك لازم تحسس على كل ظابط ولا أمين شرطه واقف وتغمزه بحاجة علشان يعديك
يعنى انا لا يمكن انسى الموقف ده كنت ماشى 101 على كلام الرادار وانا متأكد انى ماشى اقل حاجة 120 وبصيت لقيت لجنه على طريق العريش الدولى ولقيت امين شرطه امووور بيقولى الرخص وكلام كتير معروف وفى الاخر سألنى هو حضرتك بتشتغل ايه قلتله دكتور اسنان قاللى يادكتور طيب انا ممكن نسيب الرخصه لانى محتاجلك جدا اصل سنتى تاعبانى وعايز اعالجها قلتله يبقى تعالاى المستشفى قاللى بكل وقاحه لا انت تدينى تمن حشو سنه وانا هروح عند دكتور تانى احشيها وبصراحه مكدبش عليكم قمت طلعت 5 جنية واديتهاله
هههههه مش والنبى حاجة تضحك

========
تنبيه
يحذر اسنتخدام اللون الاحمر الا من قبل الأدارة فقط
مشرف القسم

مشاهدة نتائج الإستطلاع: رأيك ببساطة في تقليب النور للتحذير من اللجان

الموضوع: تقليب النور للتحذير من الردار و اللجان - غلط ؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

الردار

رعشه فى النور ع السلانسيه ولما ادوس بنزين بتثبت وقوة النور تزيد

هل النور الواطي ينور مع النور العالي؟

الكلمات الدلالية لهذا الموضوع

المفضلات

المفضلات

ضوابط المشاركة