الموضوع: إستشارة بخصوص زيت المحرك؟؟؟؟؟

بسم الله الرحمن الرحيم

أولا أنا عربيتى هيونداى اكسيل 1300 1994 مشتريها من فترة قصيرة
انا متعود أحطلها زيت ال 3000 كم بس بغيرة تقريباً عند 1500 أو1700 كم
هل ده صح ولا غلت
وكمان أنا بحطلها بنزين90 هل ده صح ولا غلط ولو حطيت بنزين 92 إيه الفرق بين ده وده وإيه إللى هحس بيه أو العربيه هاتحس بيه
أنا كمان عاوز أعرف أحسن نوع وإسم الزيت بتاع 10000 كم يعنى لما أروح المكان إللى بغير فيه الزيت أقول له إيه بحيث يفهم إنى فاهم مش أى كلام بيطلع منى وخلاص
ولكم جزيل الشكر

المشاركة الأصلية كتبت بواسطة abdelaziz-waleed

انا اعرف انهم في سوهاج بيحطو في الموتور مش بدوده اللي هو بيتغير على 500 الف ولو فيه حتت جبنة قديمة بيتغير على 350 الف علشان الدود بياكل البساتم:D:D. انا بهزر معاك

انا على فكرة من سوهاج بالتحديد من اخميم وانت عارف بتوع اخميم رخمين اد ايه ودمهم تقيل. اصل اي حد يجيلنا زيارة من البلد يجبلنا مش وسمنة بلدي وعيش شمسي زي مايكون ماعندهمشي غير الحاجات ديه:D:D.
بص يا سيدي راجع المواضيع ده وان شاء الله تلاقي فيها اللي يفيدك بإذن الله وربنا يباركلك فيها ويكفيك شر الحسد خاصة الناس بتوع الصعيد هههههههههه
http://www.nilemotors.net/Nile/showthread.php?t=700
http://www.nilemotors.net/Nile/showthread.php?t=16461
http://www.nilemotors.net/Nile/showthread.php?t=16204

http://www.nilemotors.net/Nile/showthread.php?t=8769

والله عندك حق ممكن هنا فى سوهاج الناس مش تنسى تحط زيت ممكن ينسوا إن معاهم عربية من أصل
بس على فكرة الخمايمة مش رخمين ولا حاجه بس ناصحين شويتين هههههههه
وألف شكر ياباشا على ردك