الموضوع: صدأ المياة الخضراء

بسم الله الرحمن الرحيم
انا كنت تقريبا اتكلمت قبل كدا على غسيل دورة التبريد . مع احترامي لكل الاعضاء اللي ردوا في الموضوع هنا انا شايف ان الناس اللي عملت غسيل ردياتير بالطريقة العادية اللي اتقالت زي مثلا فكر الخرطوم الناحية اليمين اللي داخل على الردياتير و خرطوم ميه في القربة و ادور العربية علشان المية اللي في الموتور تنزل ..... الى اخره انا شايف من وجهة نظري المتواضعة أن : ( ولا اكنهم نضفو دورة التبريد خالص) .
يا جماعة انا عاوز اوضح توضيح مهم جدا ... اولاً دورة التبريد بتبدي من - الى
هنبتدي بـ الى .. و الى هنا معناها الى الرادياتير و ده اهم عنصر لازم يتنضف و ده بردوا اهم عنصر بيكون فيه مشاكل دورة التبريد كلها .
الرادياتير يبتنضف ازاي بقا ؟؟؟؟؟
الرادياتير يا جماعه لازااااااااااااااام يتفك و يطلع بره العربية و بيتفتح النايحة اليمين منه ( بمعنى ان الفبرة اليمين منه بتتفك من الجسم النحاسي او الجسم الالومنيوم) و بينزل جسم الرادياتير في ماء مخلوط بمحلول ملحي و بنبتدي بقا نشوف ايه اللي جوة
طبعاً مبدايا كدا اول ما بنفتح الفبرة البلاستك بنشوف بعنينا الجزء السفلي منها بالكامل متراكم فيه شوائب و رواسب صدائية بكمية كبيرة وواضحة هنبدتي نشيل الرواسب بجزء صلب وليكن مفك لان الرواسب دي بتكون متجمعة في الفبرة على شكل جسم صلب و بتعمل انسداد يعوق حركة المية داخل الرادياتير.
هنيجي بقا للجزء التاني من الرادياتير اللي هو الجزء المعدني بنلاقيه فيه انسدادات في المرشحات و الانابيب و دي بتتسلك طبعاً بقضبان مرنة مفروده مصنوعة من التيتانيوم ( و الاسلاك دي بنلاقيها موجوده مع الكهربائية اللي بيشتغلوا في الشقق اللي لسه بيتعملها كهربا لما بيجوا يسحبوا اسلاك في الحائط .. و هذا للتوضيح)

بعد ما بنخلص تنضيف و تسليك بنركب بقا الباغة اليمين مكانها بس بنحط بين الباغة و الجسم المعدني سليكون و نبتدي نقفل المشابك الحديد اللي بتقفل على الباغة و الجسم المعدني مع بعض .. بنجيب بقا خرطووم ميه ضغط عالى و نبدتي من الناحية اليمين في الفتحة الكبيرة بتعتها ندخل الخرطوم و نفتح المية و نزل بقا الرواسب الموجوده في الجهة الشمال .. بكدا نكون خلصنا اهم جزء

نيجي بقا ننتهي ب (من) و ده الجزء اللي تقريباً مش مهم قوي من وجهة نظري و دي المية اللي بتيجي من الموتور ..
طب ليه مش مهمة ؟؟؟
زي ما شفنا في تنضيف الرادياتير ازاي هنلاقي شوائي كتيرة اوي ، ولو حاولت انك تنزل حاجة من الموتور يعني لو فرضنا انك هتنزل المية الزياده اللي فضلت في الموتور بردوا مش هتلاحظ ولا شوائب ولا يحزنون لان الشوائب دي بتيجي على المدى الطويل .

هنرجع الرادياتير زي ماكان و نركب المراوح طبعاً و نركب فيشة المراوح على الدفيرة هنضف القربة طبعا قبل ما نزود ميه و بعد كدا بقا نيجي لموضوع التزويد .

ملحوظة : افضل ان الموضوع ده يخلص كله عند واحد بتاع رادياتيرات .
انا افضل بعد الغسيل تسيب العربية تبرد خاااااااااااااالص و بعد كدا نروح جايبين جركن المياه الخضرا و تكون من نوعية جيدة و معروفة و نبتدي نحط ميه و العربية مش دايرة طبعا هتلاقي القربة اتملت هنستنى عشر دقايق كدا لحد ما الهوا يطلع كله و هنلاقي ان القربة عمالة تنقص مية نزود بردوا ميه لحد ما نلاقي عملية فقاقيع الهوا مبقتش بتطلع
ندور العربية و نبتدي بقا نراقب نقص المية في القربة ...
كل ما الميه تنقص زود و متعديش العلامة max لحدا ما المية مش هتنقص و هتبقا مضبوطه تمام

يارب الشرح يعجبكوا
شكرا جزيلاً ليكوا يا شباب

الاخ صلاح حكاية انك تفور الردياتير يعنى فك العلبة لها مقاييس معينة زى العربية بقالها اد اية عاملة كام كيلو و الاهم كان اية نوع الميية المستعملة عادية و لا ملونة لذا لا انصح بها الا فى حالة السخونة الزائدة فقط و التى تحتاج الى عملية جراحية قصدى فتح الردياتير .. المهم دايما انفخ و اغسل السربنتينة فى محطة البنزين فى دخول فصل الصيف و ايضا نفس الكلام لسربنتينة التكييف . طبعا مطلوب تغيير الميية حتى لو ملونة..انا بعملها كل 20000 او 25000 كم بنزل الميية و اغسل مع اضافة شوية خل لاذابة الاملاح ثم غسل مرة اخرى جيد جدا بعدين بحط حوالى لترين ميية ملونة و استخدامى لكلمة ميية ملونة لانة فى كذا نوع اخضر و احمر و ازرق فاختصارا بقول ملونة و بدور العربية طبعا ميية ناقصة بس الغرض انى بخلط باقى الميية اللى فى الموتور مع الميية الملونة و بعدين انزل الميية تانى و ازود الكمية المطلبة بالتمام ..

المهم فى حاجة مهمة محدش جاب سيرتها اللى هى اية ؟؟؟؟؟؟؟؟؟؟؟

لما تعمل عملية الغسيل لدورة المياة دايما اقلب مفتاح التكييف جههة السخن لان برضة فى ميية فى سربنتينة التكييف السخن اللى داخل السيارة و دى 90% بيكون فيها صدا خدو بالكم من النقطة دى مهمة جداااااااااا

المشاركة الأصلية كتبت بواسطة karimfahmy99

الاخ صلاح حكاية انك تفور الردياتير يعنى فك العلبة لها مقاييس معينة زى العربية بقالها اد اية عاملة كام كيلو و الاهم كان اية نوع الميية المستعملة عادية و لا ملونة لذا لا انصح بها الا فى حالة السخونة الزائدة فقط و التى تحتاج الى عملية جراحية قصدى فتح الردياتير .. المهم دايما انفخ و اغسل السربنتينة فى محطة البنزين فى دخول فصل الصيف و ايضا نفس الكلام لسربنتينة التكييف . طبعا مطلوب تغيير الميية حتى لو ملونة..انا بعملها كل 20000 او 25000 كم بنزل الميية و اغسل مع اضافة شوية خل لاذابة الاملاح ثم غسل مرة اخرى جيد جدا بعدين بحط حوالى لترين ميية ملونة و استخدامى لكلمة ميية ملونة لانة فى كذا نوع اخضر و احمر و ازرق فاختصارا بقول ملونة و بدور العربية طبعا ميية ناقصة بس الغرض انى بخلط باقى الميية اللى فى الموتور مع الميية الملونة و بعدين انزل الميية تانى و ازود الكمية المطلبة بالتمام ..

المهم فى حاجة مهمة محدش جاب سيرتها اللى هى اية ؟؟؟؟؟؟؟؟؟؟؟

لما تعمل عملية الغسيل لدورة المياة دايما اقلب مفتاح التكييف جههة السخن لان برضة فى ميية فى سربنتينة التكييف السخن اللى داخل السيارة و دى 90% بيكون فيها صدا خدو بالكم من النقطة دى مهمة جداااااااااا

[overline]الاخر كريم اولاً بشكرك على المداخلة بس انا لا اوافقك الراي في موضوع ( اننا ما نفتحش الرادياتير - و مقاييس معينة) مع احترامي لرأي حضرتك الكلام ده مش صح طلاما انك هتعمله عند فني ردياتيرات لكن لو انت هتعمله بنفسك يبقا ممكن تقول [/overline]حكاية انك تفور الردياتير يعنى فك العلبة لها مقاييس معينة ..
الحاجة التانية المهمه اوي بالنسبة لموضوعي يا شباب للمرة الـ 30000 ( الميه الخضرا او الحمرا او الزرقا ملهاش علاقة بموضوع الصدأ دي ليها علاقة بس بموضوع التبريد و التسخين)
اما عن موضوع الصدا في زجاجات مقاوم الصدأ بتتباع لوحدها بتكون صفيح زي علب الكانز بتضاف الى دورة التبريد .

موضوع فك الرادياتير صحي جدا جدا جدا لدورة التبريد و مافيش منه اي مشاكل خالص و عن تجربة شخصية لانك بمنتهى البساطه بتنضف الرادياتير فعلاً من جوة و بيكون احسن بكتير من الطرق التقليدية اللي الشباب كلها متفقين عليها .
والله كان نفسي اصورلكوا كام صورة للرادياتير لما الصنايعي فتحه و كان بينضفه و نزل قد ايه صدا و رواسب بجد مش هتصدقوا لو قلتلكوا حجارة صدا .
فعلا غلطه بس ماجاش في بالي خالص اخد صور للموضوع .

طيب دلوقتي المياة عندي نقصت عندي حاجة بسيطة انا مغيرها من حوالي 4 شهور وعايز ازودها بس الجركن خلص الميكانيكي قالي فية حاجة اسمها jac كوز مضاد للصدا بخففة مع مياة تكييف لانة خالي من الاملاح وازود بية هل الكلام دة صح ولا اشتري جركن idea وخلاص واسف علي الاطالة